បន្ទាយមានជ័យ៖វាដូចជាជំនូនអាក្រក់ឬឧបទ្រពចង្រៃមួយដែរក្នុងចុងពិធីបុណ្យចូលឆ្នាំថ្មីប្រពៃណីជាតិឆ្នាំមមែពស ២៥៥៩ គស២០១៥ សម្រាប់ពលរដ្ឋឃុំទឹកជោរ ភ្នំលៀបនិងប្រាសាទស្រុកព្រះនេត្រព្រះ។នោះគឺខ្យល់ព្យុះកន្ត្រាក់ពេលមានភ្លៀងមួយមេធំកាលពីម៉ោង៤
និង៤០នាទីល្ងាចថ្ងៃទី១៨មេសា២០១៥ ចំពេលដែលអ្នកស្រុកនៅបន្តលេងកំសាន្តយ៉ាងរីករាយបុណ្យផង មានភ្លៀងមួយមេធំហើយនាំមកជាមួយនូវខ្យល់ព្យុះកន្ត្រាក់បំផ្លាញផ្ទះពលរដ្ឋចំនួន៤៩ខ្នងនៅឃុំទាំងបី។លោកលី សុវណ្ណរិទ្ធិ អភិបាលស្រុកព្រះនេត្រព្រះស្រង់សេចក្តីរាយការណ៍របស់មេភូមិនិងមេឃុំដែលនិយាយថា:គ្រោះធម្មជាតិនោះ តួលេខបឋមគឺបំផ្លាញអោយខូចខាតរលំ បើុងដំបូលចំនួន៤៩ខ្នង។ក្នុងនោះនៅភូមិសំរោង ភូមិស្នាយល្អ ភូមិទឹកជោរ ភូមិតាសៀវ ភូមិកណ្តាលក្នុងឃុំទឹកជោរ២០ខ្នង,នៅភូមិទ្រយោង ភូមិទ្រលោកត្បូវ ភូមិទ្តលោកជើងក្នងឃុំទឹកភ្នំលៀប២៧ខ្នង,និងភូមិចារក្នុងឃុំប្រាសាទ ២ខ្នង។
លោកសុិន រ៉ាសុី មេបញ្ជាការមូលដ្ឋានកងរាជអាវុធហត្ថស្រុកនិងលោកមាស រិទ្ធី អធិការនគរបាលស្រុកព្រះនេត្រព្រះអោយដឹងប្រហាក់ប្រហែលគ្នាថា:ខ្យល់ព្យុះកន្ត្រាក់នោះបានវាយប្រហារយ៉ាងទាន់ហន់ដោយពុំនឹកស្មានដល់ព្រោះភ្លៀងកក់ខែវាចាប់ផ្តើមដោយស្លូតដែរពីដំបូង តែបានប្រែជាកាចនៅពេលបន្ទាប់មក។ប៉ុន្តែគ្រោះធម្មជាតិនោះពុំបង្កស្លាប់ឬរបួសមនុស្សណាម្នាក់ទេដោយសារពួលគេបានដឹងខ្លួនហើយចាកចេញពីផ្ទះមុន។
លោកលី សុវណ្ណារិទ្ធ លោកដឹកនាំកម្លាំងនគរបាលប៉ុស្តី៍រដ្ឋាបាលឃុំនិងនគរបាលស្រុកបានចុះគ្រប់គោលដៅក្នុងការសង្គ្រោះ ជួយប្រមូលទ្រព្យសម្បត្តិនិងជួយជួសជុលផ្ទះពលរដ្ឋណាដែលទីទ័លដៃជើង៕
ដោយៈឃិន គន្ធា
