ខេត្តបន្ទាយមានជ័យ
ពិធីបុណ្យចូលឆ្នាំថ្មីប្រពៃណីជាតិឆ្នាំ២០១៥ចប់បានមួយថ្ងៃ សម្រាប់ពលរដ្ឋឃុំទឹកជោរ ភ្នំលៀបនិងប្រាសាទស្រុកព្រះនេត្រព្រះនោះគឺមានខ្យល់ព្យុះកន្ត្រាក់ពេលមានភ្លៀងមួយមេធំកាលពីម៉ោង៤និង៤០នាទីល្ងាចថ្ងៃទី១៨មេសា២០១៥ ចំពេលដែលអ្នកស្រុកនៅបន្តលេងកំសាន្តយ៉ាង
រីករាយបុណ្យផង មានភ្លៀងមួយមេធំហើយនាំមកជាមួយនូវខ្យល់ព្យុះកន្ត្រាក់បំផ្លាញផ្ទះពលរដ្ឋចំនួន៦៦ខ្នងនៅឃុំទាំងបី។លោកលី សុវណ្ណរិទ្ធិ អភិបាលស្រុកព្រះនេត្រព្រះបានស្រង់សេចក្តីរាយការណ៍របស់មេភូមិនិងមេឃុំដែលនិយាយថា:គ្រោះធម្មជាតិនោះបើតាមតួលេខបឋមគឺបំផ្លាញឲ្យផ្ទះខូចខាតរលំបើុងដំបូលចំនួន៦៦ខ្នង។ក្នុងនោះនៅភូមិសំរោង ភូមិស្នាយល្អ ភូមិទឹកជោរ ភូមិតាសៀវ ភូមិកណ្តាលក្នុងឃុំទឹកជោរ២៧ខ្នង,នៅភូមិទ្រយោង ភូមិទ្រលោកត្បូវ ភូមិទ្រលោកជើងក្នុងឃុំទឹកជោរភ្នំលៀប១៧ខ្នង,និងភូមិចារក្នុងឃុំប្រាសាទ១ខ្នង។លោកសុិន រ៉ាសុី មេបញ្ជាការមូលដ្ឋានកងរាជអាវុធហត្ថស្រុកនិងលោកមាសរិទ្ធីអធិការនគរបាលស្រុកព្រះនេត្របានឲ្យដឹងថា:ខ្យល់ព្យុះកន្ត្រាក់នោះបានវាយប្រហារយ៉ាងទាន់ហន់ដោយពុំនឹកស្មានដល់ព្រោះភ្លៀងកក់ខែវាចាប់ផ្តើមដោយស្លូតដែរពីដំបូង តែបានប្រែជាកាចនៅពេល
បន្ទាប់មក។ប៉ុន្តែគ្រោះធម្មជាតិនោះពុំបង្កស្លាប់ឬរបួសមនុស្សណាម្នាក់នោះទេដោយសារពួកគេបានដឹងខ្លួនហើយចាកចេញពីផ្ទះមុនទាន់ពេលវេលា។ លោកមាស រិទ្ធីបន្តថា តាំងពីយប់មកទល់ព្រឹកនេះកម្លាំងនគរបាលប៉ុស្តី៍រដ្ឋាបាលឃុំនិងនគរបាលស្រុកបានចុះគ្រប់គោលដៅក្នុងការសង្គ្រោះជួយប្រមូលទ្រព្យសម្បត្តិនិងជួយជុលផ្ទះពលរដ្ឋណាដែលទីទ័លដៃជើងផងដែរ។ ឯកម្លាំងអាវុហត្ថទោះជាមានគ្នាតិចក៏ចុះទៅជួយប្រជាពលរដ្ឋដែរ។លោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យអោយដឹងដែរថាកម្លាំងនគរបាលទាំងអស់ពុំមានម្នាក់ណាបានសម្រាកទេក្នុ ងអំឡុងថែរក្សាការពារសន្តិសុខជូនពលរដ្ឋក្នុងបុណ្យចូលឆ្នាំនេះ។គាត់ថាដើម្បីប្រជាជនឥឡូវពួកគេនៅមូលដ្ឋាននិងទៅពីខេត្តខ្លះបន្តទៅជួយជួសជុលឬរៀបចំកន្លែងស្នាក់អាស្រ័យជូនពលរដ្ឋរងគ្រោះដោយសារខ្យល់កន្ត្រាក់នេះ៕
