ខេត្តបន្ទាយមានជ័យ
បើតាមការអះអាងរបស់សមត្ថកិច្ចប្រចាំនៅខេត្តបន្ទាយមានជ័យបានឱ្យដឹងថានៅថ្ងៃទី១៩ ខែមេសាឆ្នាំ២០១៥នេះ មានពលករខ្មែរក្មេងចាស់ប្រុសស្រីរាប់រយនាក់ ក្នុងមួយថ្ងៃបាននាំគ្នាសម្រុកចេញពីស្រុកកំណើតរបស់ខ្លួនដើម្បី ទៅស្វែងរកការងារធ្វើការនៅប្រទេសថៃវិញតាម
ច្រកប៉ោយប៉ែត និងច្រករបៀងជាប់និងព្រំដែនខ្មែរ ថៃ ដូចបាក់ទំនុបទឹកក្រោយពីពួកគេត្រូវបានអនុញ្ញាតពីថៅកែថៃឲ្យមកចូលរួមជួបជុំបងប្អូនដើម្បីចូលរួមបុណ្យចូលឆ្នាំថ្មីនៅស្រុកកំណើត។ យ៉ាងណាក៏ដោយពលករខ្មែរទាំងនោះក៏បានស្នើដល់សមត្ថកិច្ចដែលឈរជើងនៅតាមច្រករបៀងជាប់ព្រំដែនខ្មៃរ ថៃមេត្តាជួយសម្រួលដល់ការធ្វើដំណើររបស់ពួកគេផងដែរសូមមេត្តាកុំឲ្យយកលុយពីពួកគាក់ខ្លាំងពេកព្រោះពួកគាត់វិលត្រឡប់ទៅធ្វើការងារនៅប្រទេសថៃវិញនោះគ្មានលុយសំរាប់បង់ជូនអស់លោកឡើយ។ សូមជំរាបថាតាមរបាយការណ៍ របស់ក្រសួងការងារបានឱ្យដឹងថាគិតត្រឹមដើមឆ្នាំ២០១៥នេះ កម្ពុជាមានពលករទៅបំរើការងារនៅបរទេសជាង៧២ម៉ឺននាក់ ក្នុងនោះមានពលករស្របច្បាប់និងមិនស្របច្បាប់ប្រមាណ ៦៤ម៉ឺននាក់ កំពុងធ្វើការនៅប្រទេសថៃ៕
