កំពង់ធំៈ បទល្មើសរុញស៊ីប ដាក់សម្រាស់ និងការប្រើប្រាស់ឧបករណ៍នេសាទជាច្រើនប្រភេទ ដាក់ធ្វើសកម្មភាពពេញ ត្រៀបត្រាពេញផ្ទៃទឹក ស្ថិតនៅចំនុច បឹងប្រទះជៀល ភូមិស្តែងខ្ពស់ ឃុំសានគរខ ស្រុកកំពង់ស្វាយ ខេត្តកំពង់ធំ ដោយបទល្មើសទាំងនេះ ពុំត្រូវបានយកចិត្តទុកដាក់ ពីសំណាក់ លោកនាយសង្កាត់ថ្មី ដែលទើបតែមកកាន់តំណែងឡើយ ជាហេតុធ្វើឲ្យមហាជនមានការសង្ស័យថា ប្រហែលជាលោក នាយសង្កាត់មកប្រមូលលាភស្ការៈដោយមិនខ្វល់ ពីការទប់ស្កាត់ឬបង្ក្រាបបទល្មើសនេសាខុសច្បាប់នោះទេ។
ពាក់ព័ន្ឋទៅនឹងបទល្មើសនេសាទ ដែលបានធ្វើសកម្មភាពនេសាទខុសច្បាប់ នៅចំនុចបឹងប្រទះជៀលនេះ កន្លងមក សមត្ថកិច្ចជលផល ព្រមទាំងមានការចូលរួមពីសំណាក់ សហគមន៍នេសាទនិងមេភូមិ មេឃុំ បានចុះទៅបង្ក្រាប នឹងធ្វើ ការបង្ក្រាប និងដុត ព្រមទាំងឲ្យប្រជានេសាទ ផ្តិតមេដៃ បញ្ឈប់ការនេសាទខុសច្បាប់ រួចម្តងមកហើយ តែពិធីនេះត្រូវបានគេរិះគន់ថា វាគ្រាន់តែជាពិធីល្អមើល ដើម្បីបោកថ្នាក់ដឹកនាំតែប៉ុណ្ណោះ តែសភាពជាក់ស្តែង បទល្មើសមានការកើន ឡើងទ្វេដង ដោយពុំមានចំនុចណាមួយបញ្ជាក់ឲ្យឃើញមានការថយចុះនោះទេ។
ប្រជានេសាទដែលរស់នៅទៅនោះ បាននាំគ្នារអ៊ូរទាំងថា ការនេសាទនេះគឺសុទ្ធតែពពួកឈ្មួញ ដែលមានលុយច្រើន សម្រាប់ការបិទមាត់ មាត់ច្រមុះលោក សៅ វណ្ណសេរីវុទ្ធ នាយសង្កាត់រដ្ឋបាលជលផលកំពង់ស្វាយ និងអាជ្ញាធរស្រុក កំពង់ស្វាយ ធ្វើឲ្យមន្ត្រីរដ្ឋបាលជលផលអសកម្មក្នុងការបង្ក្រាបបទល្មើសនេសាទ មិនតែប៉ុណ្ណោះសកម្មភាពរុញស៊ីប នៅពេលយប់ និងសកម្មភាពឆក់ ដូចគោហ្វូង ព្រមទាំងបានធ្វើឲ្យដាច់មង ដែលជាឧបករណ៍នេសាទរបស់ពួកគាត់ដាច់រាយប៉ាយ តែពុំត្រូវបានទទួលខុសត្រូវពីសំណាក់ម្ចាស់អជីវកម្មរុញស៊ីបនោះទេ។
លោក សៅ វណ្ណសេរីវុទ្ធ នាយសង្កាត់រដ្ឋបាលជលផលកំពង់ស្វាយ ដែលទើបតែមកកាន់តំណែងថ្មី ត្រូវបានមហាជនរិះគន់ថា កណ្តុរធ្លាក់ចូលស្រូវជង្រុក មិនអ្វីនឹងការបង្ក្រាប ខ្វល់អ្វីនឹងការចុះផ្សាយរបស់អ្នកសារពត៌មាន ដល់មេរករឿង ខ្លាំងធ្វើជាហ្គេមលុយមួយ កញ្ចប់ជូនថ្នាក់ដឹកនាំទៅ ដោយប្រើប្រាស់រូបភាពយកលុយ ពីប្រជានេសាទតាមចំនួនកញ្ចប់ និងធ្វើជាលិខិតផាកពិន័យមួយច្បាប់ជូនលោក ប៉ែន វណ្ណរិទ្ធ នាយខណ្ទរដ្ឋបាលជលផលកំពង់ធំ ទៅរួចខ្លួនទៅ ចំណែក ប្រជានេសាទដែលត្រូវបានរៃអង្គាសលុយនោះ ខំប្រឹងនេសាទជំនួសលុយដែលបានបង់ទៅវាចប់រឿងហើយ។
ចំណែកលោក ប៉ែន វណ្ណរិទ្ធ នាយខណ្ទរដ្ឋបាលជលផលកំពង់ធំ ត្រូវបានឆ្លើយប្រាប់អ្នកពត៌មានយើងថា ករណីការរុយញស៊ីប នឹងដាក់សម្រាស់នេះ ចាំលោកចាត់ការ (មួយម៉ាត់យ៉ាងខ្លី ) ចំណែកលោក សៅ វណ្ណសេរីវុទ្ធ នាយសង្កាត់
កំពង់ស្វាយ ពុំអាចធ្វើការបំភ្លឺជុំវិញករណី បទល្មើសនេសាទ នៅបឹងប្រទះជៀល ព្រោះលោក មិនទំលាប់ឆ្លើយតប និង អ្នកសារពត៌មាននោះទេ ជាពិសេសក្នុងក្រសែភ្នែកលោក សៅ វណ្ណសេរីវុទ្ធ បានចាត់ទុកអ្នកសារពត៌មាន ដូចសំរាម ។
ដោយ ប៊ុន រដ្ឋា
