ទាំងយប់ ក្នុងភូមិសាស្ត្រសង្កាត់ព្រែកភ្នៅ ខណ្ឌព្រែកភ្នៅយាន្តដ្ឋានជុសជុលរថយន្តមួយកន្លែង ត្រូវបានអគ្គីភ័យលេបត្របាក់ស្ទើទាំងស្រុង បង្កឲ្យមានការណ៍ភ្ញាក់ផ្អើល ដល់ប្រជាពលរដ្ឋ
និងសមត្ថកិច្ចហៅរថយន្តពន្លត់អគ្គីភ័យ ចំនួន៣គ្រឿង មកអន្តរាគមន៍ កាលពីវេលាម៉ោង២៣និង៤០នាទីយប់ ថ្ងៃទី២១ ខែមេសា ឆ្នាំ២០១៥ នៅចំណុចមុខវត្តព្រែកភ្នៅ ភូមិផ្សារលិច សង្កាត់ព្រែកភ្នៅ ខណ្ឌព្រែកភ្នៅ ។
សមត្ថិកិច្ចបានឲ្យដឹងថា ម្ចាស់ផ្ទះឈ្មោះ ប៉ុន យៀង អាយុ៣៦ មុខរបជាជាងក្រឡឹង និងប្រពន្ធឈ្មោះ ដាន់ ហុងវា អាយុ៣៥ មានប្រុសស្រី២នាក់ ។
យោងតាមសាក្សីនៅកន្លែងកើតហេតុ បានឲ្យដឹងថា នៅមុនពេលកើតហេតុ គេបានសង្កេតឃើញមានផ្សែងហុយចេញពីក្នុងផ្ទះ និងចេញជាអណ្តាយភ្លើងយ៉ាងសន្ធោសន្ធៅ ទើបបង្កឲ្យមានការភ្ញាក់ផ្អើល ដល់ប្រជាពលរដ្ឋ ដែលនៅក្បែនាំគ្នាយកបំពងពន្លត់អគ្គីភ័យ នាក់ខ្លះដងទឹកមកជះ តែអគ្គីភ័យ នៅតែមិនអាចគ្រប់គ្រងបាន ។បន្ទាប់មក គេបានសង្កេតឃើញរថយន្តពន្លត់អគ្គីភ័យ របស់ស្ថានីយ៍ប្រេងឥន្ទះតេលា ចំនួន១គ្រឿង និងរថយន្តពន្លត់អគ្គីភ័យ របស់អធិការដ្ឋាននគរបាលរាជធានីភ្នំពេញ ចំនួន២គ្រឿង មកអន្តរាគមន៍ផងដែរ ។
សមត្ថកិច្ចបានឲ្យដឹងថា ក្នុងរយះពេល១ម៉ោងក្រោយមក អគ្គីភ័យក៏បានរលត់ទៅវិញ និងប្រើប្រាក់អស់រថយន្តពន្លត់អគ្គីភ័យ ចំនួន២គ្រឿង នៅ១គ្រឿងទៀត មិនបានប្រើប្រាស់នៅទេ ។
សមត្ថកិច្ចបានបន្តថា ផ្ទះដែលត្រូវអគ្គីភ័យលេបត្របាក់ខាងលើនេះ មានទទឹង៩ម៉ែត្រ និងបណ្តោយ៤៥ម៉ែត្រ ដំបួលប្រក់ស័ង្ហសី ៕
