ខេត្តបន្ទាយមានជ័យថ្មីៗនេះកម្លាំងនគរបាលក្រុងសេរីសោភ័ណដែលយាមប្រចាំការ នៅផ្សារចំការគរ ហៅផ្សារថ្មីស្ថិតនៅភូមិ២សង្កាត់កំពង់ស្វាយ ក្រុងសេរីសោភ័ណ ខេត្តបន្ទាយមានជ័យ កាលវេលាម៉ោង ៨និង៣០នាទីព្រឹក ថ្ងៃទី២២ ខែមេសា ឆ្នាំ២០១៥ នេះបានឃាត់ខ្លួនជនសង្ស័យម្នាក់ពាក់ពន្ធ័និងករណីលួចម៉ូតូរបស់អាជីវករនៅក្នុងផ្សារចំការគ។លោក វរសេនីយ៍ត្រីសីុវសុជាតិអធិការនគបាលក្រុងសិរីសោភ័ណបានឲ្យដឹងថា ជនសង្ស័យមានឈ្មោះ សុខ នៅ ប្រុស អាយុ១៩ឆ្នាំ មានទីលំនៅមិនពិតប្រាកដបានធ្វើសកម្មភាពលួចម៉ូតូរបស់ឈ្មោះ លី ឆាប ភេទប្រុស អាយុ ៣៩ឆ្នាំ រស់នៅភូមិខ្លាកូនចាស់ សង្កាត់កំពង់ស្វាយក្រុងសិរីសោភ័ណខេត្តបន្ទាយមានជ័យ ។លោកអធិការបានបញ្ជាក់ទៀតថាមុនពេលកើតហេតុជនសង្ស័យបានជិះម៉ូតូមួយគ្រឿង ម៉ាកហុងដាវ៉ែវ ពណ៌ទឹកប្រាក់ ស៊េរី២០០២ ពាក់ស្លាកលេខបន្ទាយមានជ័យ ១C-១៣៤៥មកទុកក្បែរតូបលក់ដូររបស់ខ្លួន ដោយមិនបានដកសោ ហើយដើរចូលទៅក្នុងផ្សារ ។ ពេលនោះ ជនសង្ស័យបានលិចមុខមកធ្វើសកម្មភាពលួចយកម៉ូតូនោះតែ ម្តងប៉ុន្តែត្រូវជនរងគ្រោះឃើញទាន់ស្រែកឆោឡោឡើង បង្កការភ្ញាក់ផ្អើលដល់ប្រជាពលរដ្ឋទើបកម្លាំងនគរបាលយាមប្រចាំការនៅក្នុងផ្សារបានជួយអន្តរាគមន៍ដេញចាប់ឃាត់ខ្លួនបានភ្លាមៗតែម្តង ។ជនសង្ស័យរូបនេះត្រូវបានឃុំខ្លួននិងសួរនាំ នៅអធិការដ្ឋាននគរបាល ក្រុងសេរីសោភ័ណ្ឌ ដើម្បីកសាង សំណុំរឿង បញ្ជូនទៅកាន់តុលាការ ចាត់ការបន្តតាមផ្លូវច្បាប់ ៕
