កំពង់ឆ្នាំង៖ បុរសម្នាក់បានរងរបួសធ្ងន់ ពេលដែលជិៈម៉ូតូទៅបុកនឹងគោយន្តដឹកអុសមួយគ្រឿងពីក្រោយ ពេញទំហឹង។ហេតុការណ៏នេះបានកើតឡើងនៅវេលាម៉ោង៧ និង២០នាទីយប់ ថ្ងៃទី២៣ ខែមេសា ឆ្នាំ២០១៥ នៅលើផ្លូវជាតិលេខ៥ ត្រង់ចន្លោះគីឡូម៉ែត្រលេខ ៦៣និង៦៤ ស្ថិតក្នុង ភូមិឡពាង ឃុំតាជេស ស្រុកកំពង់ត្រឡាច ចំណែកអ្នកបើកគោយន្តត្រូវសមត្ថកិច្ចឃាត់ខ្លួន។
សមត្ថកិច្ចនគរបាលចរាចរណ៍ស្រុកកំពង់ត្រឡាចបាននិយាយអោយដឹងថាៈ បុរសរងគ្រោះមានឈ្មោះ គ្រេងមករា អាយុ២៩ឆ្នាំ មានទីលំនៅភូមិសំរោង ឃុំតាជេស ស្រុកំពង់ត្រឡាច ។មុនពេលកើតហេតុបុរសរង គ្រោះបានជិៈម៉ូតូម៉ាកវ៉េវ ពណ៏ខ្មៅ ពាក់ស្លាកលេខ ភ្នំពេញ 1K.0249 ក្នុងដំណើរពីជើងទៅត្បូង លុះមក ដល់ចំណុចកើតហេតុស្រាប់តែទៅបុកនិងគោយន្តដឹកអុសស្ទែរ គ្មានភ្លើងបំភ្លឺ និងគ្នាស្លាកចំណាំងផ្លាតពីក្រោយយ៉ាងពេញទំហឹង បណ្តាលអោយជនរងគ្រោះរងរបួសយ៉ាងធ្ងន់ធ្ងរ ចំណែកម៉ូតូរងការខូច ខាតមួយកំណាត់មុខ។
ក្រោយពេលកើតហេតុ ជនរងគ្រោះត្រូវបានដឹកទៅសង្គ្រោះនៅមណ្ឌលសុខភាព ស្រុកកំពង់ត្រ ឡាច ប៉ុន្តែដោយសាររបួសធ្ងន់ធ្ងរពេក ក្រុមគ្រូពេទ្យបានសម្រេច បញ្ជូនបន្តទៅ សង្គ្រោះ នៅមន្ទីរពេទ្យកាលម៉ែត្រក្រុងភ្នំពេញជាបន្តទៀតដើម្បីសង្គ្រោះជីវិត ។
ប្រភពដដែលបានអោយដឹងទៀតថាៈ អ្នកបើកបរគោយន្ត ដែលគ្មានភ្លើងបំភ្លឺមុខក្រោយ គ្មានចំ ណាំង ផ្លាត និងនាំបង្កអោយ មានគ្រោះថ្នាក់ដល់ជនរងគ្រោះ មានឈ្មោះតាក តុល អាយុ២៣ឆ្នាំ មានទីលំនៅ ភូមិកំពែង ឃុំត្រងិល ស្រុកភ្នំក្រវ៉ាញ ខេត្តពោធិសាត់ ត្រូវបានសមត្ថកិច្ចឃាត់ខ្លួន និងកសាងសំណុំរឿង បញ្ញជូបខ្លួននិងគោយន្ត១គ្រឿងទៅតុលាការខេត្ត ចាត់ការតាមនិតិវិធី៕ 
