កំពង់ធំ. បទល្មើសដាក់របាំងកាត់ព្រែដែលត្រូវបានហាមឃាត់ពីប្រមុខរាជរាជរដ្ឋាភិបាលក៏ដោយ ក៏ ៏លោក សៅ វណ្ណសេរីវុទ្ធ នាយសង្កាត់រដ្ឋបាលជលផលកំពង់ស្វាយ. បានអះអាងថា លោកជាអ្នកអនុញ្ញាតិ និងបើកភ្លើងខៀវ គ្រប់យ៉ាងទាំងអស់ថែមទាំងបញ្ជាក់ថា បើមិនបើកភ្លើងខៀវ បទល្មើសទាំងនេះ មិនអាចទៅរួចទេ។
ដោយបានទទួលការអនុញ្ញាតិពីលោក សៅវណ្ណសេរីវុទ្ធ ជានាយសង្កាត់រដ្ឋបាលជលផលកំពង់ស្វាយ ឲ្យមានការនេសាទ និងដាក់របាំងព្រួលកាត់ព្រែក ទើបសកម្មភាពបទល្មើសនេសាទនិងដាក់របាំងព្រួលដោយខុសច្បាប់កើតឡើងយ៉ាងគគ្រឹកគគ្រេងស្ថិតនៅបឹងប្រទះជៀល ឃុំសានគរ ស្រុកកំពង់ស្វាយ ខេត្តកំពង់ធំ ទង្វើរបស់លោក សៅវណ្ណសេរីវុទ្ធ បានអនុវត្តថ្កើងនឹង បទបញ្ជារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានដាក់បទបញ្ជាឲ្យលុបបំបាត់ការដាក់ព្រួល ដាក់សម្រាស់ កាត់បឹង កាត់ព្រែក ដើម្បីឲ្យត្រីចរាចរណ៍ តែលោក សៅវណ្ណសេរីវុទ្ធអនុវត្តផ្ទុយពីបទបញ្ជារ។
ជាក់ស្តែងសកម្មភាពការដាក់បទល្មើសនេសាទ បានកើតឡើងពេញផ្ទៃទឹកក្នុងបឹងប្រទះជៀល មានទាំងសម្រាស់ និងរុញស៊ីប ព្រមទាំងការដាក់របាំងព្រួល កាត់បឹង កាត់ព្រែក កាត់អូ ពុំត្រូវបានលោក នាយសង្កាត់រូបនេះ ធ្វើការបង្ក្រាប និងទប់ស្កាត់នោះទេជាហេតុធ្វើឲ្យមានការសង្ស័យថាប្រហែលជាលោកនាយសង្កាត់រដ្ឋបាលជលផលកំពង់ស្វាយ បានទទួលលាភស្ការះហើយ បានជាធ្វើព្រងើយកណ្តើយគ្មានការបង្ក្រាប លោក សៅ វណ្ណសេរីវុទ្ធ នាយសង្កាត់រដ្ឋបាលជលផលកំពង់ស្វាយ បានប្រាប់តាមទូរស័ព្ទថា សូមឲ្យអ្នកសារពត៌មាន ជួយចុះមួយអាទិត្យ២លេខ ដើម្បីឲ្យឆាប់ល្បី ។
តាមការប្រភពពត៍មានពីប្រជាពលរដ្ឋដែលរស់នៅទីនោះ បានឲ្យដឹងថា ការដាក់របាំងព្រួលកាត់ព្រែកដែលបង្ករឲ្យរាងស្ទះ នោះជាកម្មសិទ្ធរបស់លោក ពុធ. មានប្រពន្ឋឈ្មោះ រ៉ា ជាអ្នកដាក់ព្រួលកាត់ព្រែក និងបានហាមឃាត់មិនឲ្យប្រជានេសាទដ៏ទៃដាក់មោង បង់សំណាញ់ និងនេសាទនៅក្នុងព្រែកជាដាច់ខាត ការអាងវ៉ាងនេះ ត្រូវបានលោក ពុធ កាន់កាប់ដូចទិញបឹង ទិញព្រែក ផ្តាច់មុខតែឯង ការចេញមុខកាងបែបនេះត្រូវបានលោក សៅវណ្ណសេរីវុទ្ធ នាយសង្កាត់រដ្ឋបាល ជលផលកំពង់ស្វាយ អះអាងថា លោកជាអ្នកបើកភ្លើងខៀវទាំងអស់។
ប្រភពពីប្រជាពលរដ្ឋបានស្សឹមខ្សៀវថា ប្រហែលជាលោក សៅវណ្ណ សេរីវុទ្ធ នាយសង្កាត់នេះអាងខ្នងរដ្ឋមន្ត្រី អ៊ុក រ៉ាប៊ុន រដ្ឋមន្ត្រីក្រសួងកសិកម្ម និងឯកឧត្តម ប្រធានរដ្ឋបាលជលផល នៅពីក្រោយ ដោយសារតែទទួលបានលាភស្ការៈពីមន្ត្រីរូបនេះ ទើបបានជា ហ៊ានអនុញ្ញាតិឲ្យ ឈ្មួញដាក់របាំងព្រួលកាត់ព្រែក និងសម្រាស់រាប់រយសម្រាស់ ដោយពុំមានការឈឺក្បាលវិលមុខពីការបង្ក្រាប។
ដោយ ប៊ុន. រដ្ឋា.
