ខេត្តឧត្តរមានជ័យ៖ លោក ប៉ែន នួន អ្នកយកពត៌មានក្នុងស្រុកប្រចាំខេត្តឧត្តរមានជ័យត្រូវបានអយ្យការអមសាលាដំបូងខេត្តឧត្តរមានជ័យចេញដីការណ៍បង្គាប់អោយចូលខ្លួនបំភ្លឺរនៅថ្ងៃទី២៤ ខែមេសា ឆ្នាំ២០១៥ ដើម្បីបើកការសួរដេញដោលសាជាថ្មីពាក់ព័ន្ធនិងសំនុំរឿងផ្សាយបរិហារកេរ្តិ៍ រឿងសង្កាត់រដ្ឋាបាលព្រៃឈើស្រុកត្រពាំងប្រាសាទចាប់រថយន្តដឹកឈើក្រញ៉ូងជំរិតទារលុយ១០០០$ នៅសល់៥០០$ កាលពីថ្ងៃទី១១ ខែមីនា ឆ្នាំ២០១៤។
នៅក្នុងអត្ថបទនោះលោក ប៉ែន នួន បានសសេររឿងអាស្រូវ ខាងសង្កាត់រដ្ឋាបាលព្រៃឈើស្រុកត្រពាំងប្រាសាទចាប់រថយន្តដឹកឈើក្រញ៉ូងជំរិតទារលុយ១០០០$បានតែ៥០០$ដោយដោះលែងទៅវិញស្ងាត់ៗ ដែលសសេរតាមការណ៍បកស្រាយរបស់ម្ចាស់រថយន្ត ហើយក៏បានសួរនាំតាមទូរស័ព្ទទៅលោក ញ៉ែម ណាយវ៉ាន់ នាយសង្កាត់រដ្ឋាបាលព្រៃឈើស្រុកត្រពាំងប្រាសាទ លោកមិនបានឆ្លើយបំភ្លឺរអ្វីទេ តែលោកបាននិយាយគំរាមថាប្រសិនបើហ៊ានផ្សាយលោកនិងប្ដឹងទៅតុលាការ។
រហូតមកដល់ពេលនេះអស់រយៈពេលជាងមួយឆ្នាំមកហើយ ម្ចាស់រថយន្តដឹកឈើក្រញ៉ូងនៅតែបកស្រាយភាសាដដែលថា ខាងសង្កាត់រដ្ឋាបាលព្រៃឈើស្រុកត្រពាំងប្រាសាទពិតជាចាប់រថយន្តរបស់គាត់ជំរិតទារលុយពិតប្រាកដមែន។ ម្ចាស់រថយន្តដឹកឈើក្រញ៉ូងបានអោយដឹងតាមទូរស័ព្ទសារជាថ្មីនៅថ្ងៃទី២៤ ខែមេសា ឆ្នាំ២០១៥នេះថា មន្ត្រីសង្កាត់រដ្ឋាបាលព្រៃឈើស្រុកត្រពាំងប្រាសាទម្នាក់ឈ្មោះ សុង បញ្ញា ស្ទាក់រថយន្តដឹកឈើក្រញ៉ូងរបស់គាត់ ភ្លាមៗនោះគាត់ទូរស័ព្ទសុំចចារសម្របសម្រួលនៅនិងកន្លែងព្រោះលោកមិនមែនជាអ្នកបើករថយន្ត។ នៅពេលដែលយករថយន្តទៅដល់សង្កាត់រដ្ឋាបាលព្រៃឈើភ្លាមៗគឺលោក សុង បញ្ញា ជំរិតទារលុយ៥០០$ជាថ្នូរដោះលែងរថយន្តមកវិញ ពេលដែលរំលងបានមួយយប់ស្រាប់តែ សុង បញ្ញា មន្ត្រីសង្កាត់រដ្ឋាបាលព្រៃឈើរូបនេះជំរិតទារ១០០០$ជាថ្នូរដោះលែងទាំងរថយន្តនិងឈើ ក្រោយមកម្ចាស់រថយន្តក៏អង្វរក សម្រួលគ្នានៅត្រឹម៥០០$ ដោះលែងតែរថយន្ត។
ម្ចាស់រថយន្តបានបន្តថា ក្រោយពីលោកបានលួសរថយន្តចេញមកត្រូវបានសាលាដំបូងខេត្តឧត្តរមានជ័យយករថយន្តនោះទៅលក់ឡៃលុងបាត់អស់ទៅព្រោះថាជារថយន្តដែលសាលាដំបូងអោយខ្ចីយកទៅប្រើប្រាស់។
លោក ប៉ែន នួន បានអោយដឹងថាការប្ដឹងចោទប្រកាន់មកលើរូបលោកគឺអស់លោកអ្នកដែលមានអំណាចនៅក្នុងដៃចង់ផ្ដួលរុំលំអជីពរបស់គាត់តែប៉ុន្នោះ ពីការផ្សព្វផ្សាយពត៌មានរឿងអាស្រូវរបស់មន្ត្រីរាជការដែលបានឃុបឃិតគ្នានិងប្រព្រឹត្តអំពើពុករលួយនៅក្នុងខេត្តឧត្តរមានជ័យដោយធ្វើអោយប៉ះពាល់ដល់កិត្តិយសនិងលាភសកា្ករៈដែលបានមកពីអំពើពុករលួយ ដោយធ្វើជាឆ្អឹងទទឹងក៏របស់អស់លោកទាំងអស់នោះ។
ក្រុមការងារយើងបានធ្វើការទំនាក់ទំនងទូរស័ព្ទ ទៅលោក កូយ កានយ៉ា ព្រះរាជ្យអជ្ញារអមសាលាដំបូងខេត្តឧត្តរមានជ័យពាក់ព័ន្ធនិងរឿងអោយរថយន្តគេខ្ចី រួចគេយកទៅដឹកឈើក្រញ៉ូងត្រូវបានសង្កាត់រដ្ឋាបាលព្រៃឈើស្រុកត្រពាំងប្រាសាទចាប់ ជំរិតទារលុយ លោកមិនបានរៀបរាប់ច្រើននោះទេ ដោយសារតែមិនបកស្រាយតាមសារពត៌មានឡើងវិញ ទើបលោកធ្វើការបើកការស៊ើបអង្កេតសួរដេញដោលសារជាថ្មីឡើងវិញ៕ ប៉ែន នួន
