សមត្ថកិច្ចចំរុះ ចុះរឹបអូសដកហូតជីធម្មជាតិសញ្ញាដើមថ្នាំជក់និងជីកន្ទុយបារីរបស់ក្រុមហ៊ុនប៉ែនលឹម ត្រេឌីងគ្រុបចំនួន២កន្លែង ជាច្រើនតោនយកទៅរក្សាទុកនៅមន្ទីរកសិកម្មខេត្ត(ឧត្តរមានជ័យ)កាលពីវេលាម៉ោង១៤និង១៥នាទីថ្ងៃទី២៧ ខែមេសា ឆ្នាំ២០១៥ ការដែលសមត្ថកិច្ច
ចំរុះ ចុះចាប់និងបង្ក្រាបដកហូតនោះ ដឹកនាំដោយឯកឧត្តម គឹម សុន អគ្គាធិការដ្ឋានក្រសួងកសិកម្ម និងលោកសោ សុភ័ក្រ ព្រះរាជអាជ្ញារងអមសាលាដំបូងខេត្តឧត្តរមានជ័យ។ដែលជីទាំងនោះ មានការប៉ះពាល់ដល់ដំណាំ ចំនួន២កន្លែង ដែលស្ថិតនៅក្នុងភូមិអូរតាមែង ឃុំនិងស្រុកអន្លង់វែង ខេត្តឧត្តរមានជ័យ ដកហូតជី សរុប១៩តោន រួមមាន ទីតាំងទី១ម្ចាស់ឈ្មោះលឿន អ៊ីម ភេទស្រីអាយុ៤៣ឆ្នាំ ដកហូតជីចំនួន១៣តោន ទីតាំងទី២ម្ចាស់ឈ្មោះតាំង ម៉េងហ៊ុយ ភេទប្រុសអាយុ៧៤ឆ្នាំដកហូតជី៦តោន។ហើយនៅពេលបច្ចុប្បន្ននេះ ជីទាំងនោះបានដឹកជញ្ជូនយកទៅរក្សាទុក នៅឃ្លាំងមន្ទីរកសិកម្មខេត្តឧត្តរមានជ័យ រងចាំការត្រួតពិនិត្យពី មន្ទីរកសិកម្មខេត្ត ថា ជីនោះ វាប៉ះពាល់ដំណាំអ្វីខ្លះ៕
