ភ្នំពេញ៖ នារី៣នាក់បានរងរបួសធ្ងន់និងស្រាល ខណៈដែលពូកគេជិះម៉ូតូម៉ាកហ្វីណូមួយគ្រឿង ហើយត្រូវ រថយន្តម៉ាក trontier បើកបញ្ជ្រាស់ផ្លូវទាំងស្ថានភាពស្រវឹងស្រាជោគ បានជ្រុលបុកចំពីមុខពេញទំហឹង បណ្តាលឲ្យរងរបួស ចំណែករថយន្តនិងម៉ូតូ រងការខូចខាតទាំង
សងខាង ។ហេតុការណ៍នេះ បានកើតឡើងកាលពីវេលាម៉ោង១២និង២០នាទី រំលងអាធ្រាត ឈានចូលថ្ងៃទី២៨ ខែមេសា ឆ្នាំ២០១៥ នៅចំនុចមុខភោជនីយ៍ដ្ឋាន ហ្សង់អេលីហ្សេ តាមបណ្តោយផ្លូវលេខ៦៣ ស្ថិតក្នុងសង្កាត់បឹងកេងកងទី១ ខណ្ឌចំការមន ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញនារី៣នាក់ ជិះម៉ូតូមួយគ្រឿង ម៉ាកហ្វីណូ ពណ៌ខៀវលាយស ពាក់ស្លាកលេខ ភ្នំពេញ 1AP-1593 ធ្វើដំណើរតាមបណ្តយផ្លូវលេខ៦៣ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ស្រាប់តែមានបុរសម្នាក់ បើករថយន្តម៉ាកtrontier ពណ៌ស ពាក់ស្លាកលេខ ភ្នំពេញ2Z-8762 ធ្វើដំណើរបញ្ជ្រាស់ទិសគ្នា ទាំងស្ថានភាពស្រវឹងស្រាជោគ បានជ្រុលបុកចំពីមុខពេញទំហឹង 
បណ្តាលឲ្យនាក់បើកម៉ូតូ រងរបួសធ្ងន់និងស្រាល ចំណែកម៉ូតូនិងរថយន្តរងការខូចខាតទាំងសងខាង ។ក្រោយពេលកើតហេតុ សមត្ថកិច្ចបានចុះមកដល់ចំនុចកើតហេតុ និងធ្វើការវាស់វែងយករថយន្តនិងម៉ូតូ ទៅរក្សាទុកនៅអធិការដ្ឋាននគរបាល ខណ្ឌចំការមន ដើម្បីរងចាំដោះស្រាយពេលក្រោយនាពេលក្រោយ ៕
