ខេត្តសៀមរាប៖អាជ្ញាធរចំរុះនៃខេត្តសៀមរាបបានដឹកជញ្ជូនជីគីមីកន្ទុយ បារីរបស់ក្រុមហ៊ុនប៉ែន លឹម ចេញពីតំបន់ទេសចរខេត្តសៀមរាប បញ្ចូនទៅមន្ទីរកសិកម្មខេត្តឧត្តរមានជ័យ
ដើម្បីរក្សាទុកបន្ត ខណះមានការព្រួយបារម្មណ៍ពីសុខភាពរបស់ពលរដ្ឋ និងភ្ញៀវទេសចរ។
ហេតុការចុះប្រមូលជីគីមីកន្ទុយបារីនេះធ្វើឡើងនៅវេលាម៉ោង០៩ព្រឹកថ្ងៃទី២៧ខែមេសាស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀមរាប ដោយមានវត្តមានលោកអភិបាលរងខេត្ត មន្ទីរពាក់ព័ន្ទ និងតំណាងអយ្យការ ដើម្បីធ្វើការប្រមូលជីទាំងនោះចេញពីខេត្តសៀមរាប។
លោកគឹម ឆៃហៀង អភិបាលរងខេត្តសៀមរាបបានមានប្រសាសន៍ប្រាប់អ្នកកាសែតថា គណៈគម្មាការដោយចុះមកចាត់ការករណីនេះមានដូចជាៈមន្ទីរកសិកម្ម,មន្ទីរបរិស្ថាននិងតំណាងអយ្យការចុះមកធ្វើការរួមគ្នាក្នុងករណីនេះ ។ លោកបន្តថាក្រុមហ៊ុនប៉ែនលឹមបានយកសំណាក់ជីពីសេរីរាង្គដែលមានព័ណ៌ខ្មៅម៉ត់អត់ក្លិន(ជីមានគុណភាពល្អមួយចំនួនតូច)យកមកឲ្យក្រសួងកសិកម្មពិនិត្យដើម្បីទទួលអាជ្ញាបណ្ណ ប៉ុន្តែធាតុពិតក្រុមហ៊ុននេះដល់ពេលនាំចូលជីកន្ទុយបារីដែលជាជីក្លែងក្លាយទៅវិញ។ ដោយយោងតាមច្បាប់ស្តីពីកសិកម្មយើងត្រូវដកហូតជីក្លែងក្លាយទាំងអស់នោះទៅកន្លែងមានសុវត្ថភាព ក្នុងមន្ទីរពិសោធន៍នៃមន្ទីរកសិកម្មឧត្តរមានជ័យ។លោកបន្តថា ក្រុមហ៊ុនខាងលើនេះត្រូវប្រឈមមុខចំពោះផ្លូវច្បាប់ ប្រសិនបើតុលាការរកឃើញកំហុសធ្ងន់ ឬស្រាលនោះ។លោកបន្ថែមថា ក្រសួងកសិកម្មក៍ដូចជាអាជ្ញាធរខេត្តត្រូវតែដឹកចេញជីសិរីរាង្គនេះពីឃ្លាំងរបស់ក្រសួងកសិកម្ម។
គួរបញ្ជាក់ផងដែរថា កាលពីកន្លងទៅជីកសិកម្មក្លែងក្លាយនេះត្រូវបានក្រុមហ៊ុនប៉ែនលឹមដឹកជញ្ជូនពីខេត្តត្បូងឃ្មុំចំនួន៨០តោន ហើយយកមកស្តុបទុកនៅតំបន់ទេសចរខេត្តសៀមរាបចំនួន១០តោនកាលពីថ្ងៃទី២៥ខែធ្នូឆ្នាំ២០១៤ កន្លងទៅនេះ ហើយជិក្លែងក្លាយមួយចំនួនទៀតត្រូវបានដឹកយកទៅស្តុបទុកតាមបណ្តាខេត្តផ្សេងៗទៀត៕
