ស្ទឹងត្រែង៖មេព្រៃចំនួន៥នាក់ ក្នុងនោះមានរដ្ឋបាលព្រៃឈើ ថ្នាក់កណ្តាល៣នាក់ និងរដ្ឋបាលព្រៃឈើខេត្ត២នាក់ ត្រូវបានកំលាំងកងរាជអាវុធហត្ថខេត្ត នាំខ្លួនទៅបន្ទាយចោទថា ចុះបង្ក្រាបទីតាំងសិប្បកម្មកែឆ្នៃខុសច្បាប់ គ្មានដីការពីតុលាការ។តែក្រោយពីមានការ
អន្តរាគមន៍ពីថ្នាក់លើ បានធ្វើការដោះលែងវិញ និងបានសុំដីការពីតុលាការ សហការគ្នាចុះបង្ក្រាបរោងសិប្បកម្មចំនួន៣កន្លែងនិងធ្វើការរឹបអូសឈើប្រណិតជាច្រើនម៉ែត្រគូប និងម៉ាស៊ីកែឆ្នៃឈើជាច្រើនគ្រឿងផងដែរ។
ទីតាំងរោងសិប្បកម្មអត់ច្បាប់ចំនួន៣កន្លែង ត្រូវបានធ្វើការចុះបង្ក្រាប តាំងពីព្រឹកថ្ងៃទី២៥រហូតដល់ថ្ងៃ២៦ខែមេសាឆ្នាំ់២០១៥រហូតដល់យប់ ដែលមាន២ទីតាំងនៅក្នុងភូមិបាចុង សង្កាត់ព្រះបាទនិង១ទីតាំងទៀតនៅក្នុងភូមិស្ពានថ្ម សង្កាត់ស្រះឬស្សី ក្រុងស្ទឹងត្រែង។
ប្រភពពីជំនាញរដ្ឋបាលព្រៃឈើបានអោយដឹងថានៅព្រឹកថ្ងៃខាងលើកំលាំងរដ្ឋបាព្រៃឈើថ្នាក់កណ្តាលដឹកនាំដោយលោកអ៊ីវ ឯកសាវតី នាយរដ្ឋបាលព្រៃឈើថ្នាក់កណ្តាល មានលិខិត្យបេសកម្មក្នុងការចុះស៊ើបអង្កេត បទល្មើព្រៃឈើក្នុងរោងសិប្បកម្មអត់ច្បាប់ខាងលើ រកភស្តតាងដើម្បីរាយការណ៍ ជូនព្រះរាជអាជ្ញាសុំដីការធ្វើការចុះបង្ក្រាប។តែក្រោយពីមានគេរាយការថា ជំនាញរដ្ឋបាលព្រៃឈើ ចុះបង្ក្រាបពុំមានដីការពីតុលាការ កំលាំងអាវុហត្ថបានចុះនាំខ្លួន មេព្រៃចំនួន៥នាក់ទៅកាន់បន្ទាយ។តែបានដោះលែងវិញក្រោយពីមានការអន្តរាគមន៍ពីថ្នាក់លើ ហើយការចូលពិនិតក្នុងរោងសិប្បកម្ម គឺដោយសារម្ចាស់អនុញ្ញាត្តអោយចូល។
ប្រភពបានបន្តទៀតថា ក្រោយមានការដោះលែងកំលាំងរដ្ឋបាលព្រៃឈើបានសហការជាមួយអាវុអាហត្ថដឹកនិងមានការចូលរួមលោកប៉ែន សារ៉ាត់ព្រះរាជអាជ្ញាសាលាដំបូងខេត្ត បានធ្វើការចុះបង្ក្រាបរោងសិប្បកម្មចំនួន៣កន្លែង ដែលមានទីតាំងនៅក្នុងភូមិបាចុង សង្កាត់ព្រះបាទចំនួន២កន្លែ ដែលមានម្ចាស់១ឈ្មោះវែង ជាមន្ត្រីយោធាខេត្តនិង២ឈ្មោះជា ទ្រុងនិងមួយទីតាំងទៀត នៅក្នុងភូមិស្ពានថ្ម សង្កាត់ស្រះឬស្សី ក្រុងស្ទឹងត្រែង។
ប្រភពបន្តថាករណីកំលាំងរដ្ឋបាលព្រៃឈើថ្នាក់កណ្តាលចុះបង្ក្រាបរោងសិប្បកម្មខាងលើត្រូវបានមហាជននិយាយថា ដោយសារបទល្មើសមានការកើនឡើង ទាំងរោងសិប្បកម្មមានច្បាប់ និងអត់ច្បាប់ ត្រូវបានគេធ្វើកាប់ដឹកជញ្ជូនតាមរថយន្ត និងម៉ូតូយ៉ាងអនាធិបតេយ្យ ចូលគ្រប់រោងសិប្បកម្មជាច្រើនក្នុងខេត្តដោយពុំមានការទប់ស្កាត់ ពីលោកឈាង តុលានាយខណ្ឌរដ្ឋបាលព្រៃឈើខេត្ត ទើបកំលាំងរដ្ឋបាលព្រៃឈើថ្នាក់កណ្តាលចុះមកធ្វើការសហការបង្ក្រាបហើយនៅក្នុងការបង្ក្រាបនេះ រោងសិប្បកម្មមួយកន្លែងឈើជិត២០ម៉ែត្រគូប រដ្ឋបាលព្រៃឈើខេត្ត ធ្វើការរឹបអូសតែ២រថយន្តបែន ហាក់បីដូចជាមានអាកំបាំង តែក្រោយពីដឹងថា ឈើដឹកមិនអស់ត្រូវបានរដ្ឋបាលព្រៃឈើថ្នាក់កណ្តាល បញ្ជាឱ្យដឹក១០រថយន្តទៀតទើបអស់។
នៅក្នុងកិច្ចប្រតិបត្តិការរយះពេលពីរថ្ងៃនេះ សមត្ថកិច្ចជំនាញមិនបានខ្លួន អ្នកណាម្នាក់នោះទេ គ្រាន់តែបានធ្វើការរឹបអូស វត្ថុតាងដូចជាឈើលេខមួយប្រភេទសុក្រំ និងឈើប្រណីត ប្រភេទធ្នង់ នាងនួន បេងជាងជិត២០រថយន្ត និងជាច្រើនរយកំណាត់ ឯចំនួនពិតប្រាកដនោះ ជំនាញមិនទាន់បានធ្វើការវាស់វែងដឹងថាមានចំនួនប៉ុន្មាននៅឡើយទេ បើតាមការប៉ាន់ស្នាន មានប្រមានជាជាង២០ម៉ែត្រគូប និងម៉ាស៊ីនផែឈើ ម៉ាស៊ីនឈូស ម៉ាស៊ីវាលជាច្រើនគ្រឿង ត្រូវបានដឹកយកទៅរក្សាទុកនៅខណ្ឌរដ្ឋបាលព្រៃឈើខេត្តដើម្បីចាត់ការទៅតាមនីតិវិធីច្បាប់៕ 
