ខេត្តបន្ទាយមានជ័យ៖យោងតាមទិន្នន័យនៃការវិវត្តិថ្មីត្រឹមម៉ោង៩យប់ថ្ងៃទី២៩ខែមេសាឆ្នាំ២០១៥បានបង្ហាញថាមានខ្យល់កន្ត្រាក់ពេលមានភ្លៀងបានប៉ះពាល់ដល់ស្រុក ក្រុងចំនួន៥នៅខេត្តបន្ទាយមានជ័យបង្កឲ្យរលំផ្សារ ផ្ទះ បើុងសាលារៀន សាលាស្រុក សាលាឆាន់ ជាង
២៥៨ខ្នង ខូចឡាន ម៉ូតូ គោយន្តជាច្រើននិងរបួសមនុស្ស៥នាក់។បើតាមតួលេខខាងលើមានការខុសគ្នាខ្លះរវាងមន្ត្រីអាជ្ញារដែនដីនិងនគរបាលនិងប្រភពផ្សេងទៀត។លោកឧត្តមសេនីយ៍ត្រី អាត់ខែម ស្នងការនគរបាលខេត្តបន្ទាយមានជ័យបានឲ្យដឹងយប់ថ្ងៃទី២៩មេសាថានោះមានខ្យល់កន្ត្រាក់ពេលមានភ្លៀងកក់ខែកាលពីល្ងាចថ្ងៃទី២៩មេសា២០១៥បានប៉ះពាល់ដល់៥ស្រុកក្រុងឯណោះនៅខេត្តបន្ទាយមានជ័យ។ស្រុកថ្មពួកប៉ះពាល់ឃុំថ្មពួក ផ្ទះ៩៤ខ្នង ,ផ្សារបន្ទាយរបស់ លោកឡៅ ហាក់គង់ រំលំបើុងខូចទាំងស្រុង ,សាលាស្រុក ១ខ្នង,គោយន្ត៣គ្រឿង,ម៉ាសុីនច្រូតស្រូវ១គ្រឿង,ម៉ូតូ១គ្រឿង,ឡាន៤គ្រឿង។ឃុំគំរូ ប៉ះផ្ទះ ៩៤ខ្នង អាគារសិក្សា២ខ្នងនៅវិទ្យាល័យថ្មពួកនិងបឋមសិក្សាឯកភាព។និងបង្ករបួសមនុស្សម្នាក់។ហើយភ្លើងអគ្គិសនីក៏ត្រូវកាត់ផ្តាច់។អ្នករបួសលោកបន្តថាតំណាល់គ្នានោះក៏មានខ្យល់កន្ត្រាក់ក៏វាយប្រហារលើឃុំទ្រាសស្រុកស្វាយចេកប៉ះផ្ទះ១៥ខ្នង។ឃុំគុត្តសតនិងឃុំសំរោងស្រុកអូរជ្រៅ ប៉ះផ្ទះ២០ខ្នង។ភូមិសុរិយាសង្កាត់និមិត្តប៉ះផ្ទះ ១៨ខ្នង។ ិនិងភូមិដទៃទៀតក្នុងក្រុងប៉ៅយប៉ែត២០ខ្នង ក្នុងនោះខូចខាតធ្ងន់៩ខ្នង។និងស្រុកព្រះនេត្រព្រះប៉ះរបើកដំបូលសាលាឆាន់១ខ្នង។
លោកប្លែក វ៉ារី អភិបាលស្រុកថ្មពួកអោយដឹងថា:តួលេខនៃការរងគ្រោះបំផ្លាញផ្ទះសម្បែង អាគារនិងមនុស្សរងគ្រោះបានបានប្រែប្រួលកើនឡើង ដោយសារក្រោយឧបទ្ទហេតុយប់ងងឹតខ្លាំង ហើយភ្លើងអគ្គីសនីក៏ដាច់ ហើយពលរដ្ឋក៏បែកខ្ងែកនិងភ័យស្លន់ស្លោរពេក។អ្នកស្រុករងគ្រោះអោយដឹងថា:សភាពខ្យល់កន្ត្រាក់លើកនេះគឺកួចកញ្ឆក់ទាញ និងបំបើខ្លាំង។តែជីវិតមនុស្សពិតជាថ្លៃផងនិងដោយការប្រុងប្រយ័ត្នរកទីសុវត្ថិភាពផងធ្វើអោយពួកគេរួចផុតពីគ្រោះកាចនេះ។សូមបញ្ជាក់ថា ក្រោយគ្រោះខ្យល់កន្ត្រាក់លើកនេះ គេឃើញមន្ត្រីអាជ្ញាធរដែនដី អ្នកស្រុកពិសេសគឺកងទ័ពកងពលតូចថ្មើរជើងលេខ៥១រាប់សិបនាក់ត្រូវលោកឈឿន សារឺទ្ធ បានបញ្ជូនទៅជួយសង្គ្រោះបឋមនិងសម្រួលការប្រមូលទ្រព្យសម្បត្តិ។ឯលោកអាត់ ខែម ស្នងការនគរបាលខេត្តក៏ដឹកនាំផ្ទាល់កម្លាំងខ្លួនពីខេត្ត ស្រុកក្រុង ឃុំសង្កាត់ទៅជួយរើរៀបចំឥវ៉ាន់ជម្រកបណ្តោះអាសន្នជូនជនរងគ្រោះ។ ហើយកម្លាំងប៉ូលីស ប៉េអឹម ទាហានក៏ដាក់ពង្រាយការពារសណ្តាប់ធ្នាប់ សន្តិសុខជូនពលរដ្ឋនិងសុវត្ថិភាពឥវ៉ាន់ពលរដ្ឋ។តាមដំណឹង លោកឧបនាយករដ្ឋមន្ត្រី កែ គឹមយ៉ាន លោកគោស៊ុំ សារឿត អភិបាលខេត្តបន្ទាយមានជ័យបានតាមដានដោយយកចិត្តទុកដាក់នូវការវិវត្តន៍នៃគ្រោះធម្មជាតិនេះ ហើយបញ្ជូនអភិបាលរងខេត្តទៅជួយដឹកនាំប្រតិបត្តិការសង្គ្រោះជាមួយអភិបាលស្រុកក្រុងដែលមានគ្រោះនេះ ពិសេសគឺស្រុកថ្មពួក ក្រុងប៉ោ យប៉ែតដែលរងគ្រោះច្រើននិងខ្លាំងក្លា។ហើយនៅព្រឹកថ្ងៃទី៣០មេសា កម្លាំងប៉ូលីស ទ័ព េប៉អឹមនឹងកើនឡើងដើម្បីជួយប្រមូលកាកសំណល់និងជួសជុលផ្ទះពលរដ្ឋដែលរងគ្រោះធ្ងន់ធ្ងរ ហើយគ្មានលទ្ធភាពធ្វើ។គង្គា
