បន្ទាយមានជ័យ៖ ជនសង្ស័យម្នាក់ និងថ្នាំញៀនចំនួន១៤គ្រាប់ កាលពីរសៀលម្សិលមិញ ត្រូវបានកំលាំងអាវុធហត្ថខេត្តបន្ទាយមានជ័យ បានបញ្ជូនទៅកាន់តុលាការហើយ បន្ទាប់ពីបានធ្វើសកម្មភាពចែកចាយគ្រឿង នៅភូមិក្បាលកោះ សង្កាត់-ក្រុងប៉ោយប៉ែត ខេត្តបន្ទាយ
មានជ័យ ។លោក ជា ដា មេបញ្ជាការអាវុធហត្ថក្រុងប៉ោយប៉ែតបានអោយដឹងថា ក្រោយទទួលបានបទបញ្ជាពីសំណាក់លោក ឱ បុរិន្ទ មេបញ្ជាការអាវុធហត្ថខេត្តបន្ទាយមានជ័យកំលាំងបានស្រាវជ្រាវបង្ក្រាបករណីជួញដូរគ្រឿងញៀន និង ឃាត់ខ្លួនជនសង្ស័យចំនួន១នាក់ ឈ្មោះ ម៉ៅ ណេត ភេទ ប្រុស អាយុ២២ឆ្នាំ នៅចំនុច ភូមិក្បាលកោះ សង្កាត់និងក្រុងប៉ោយប៉ែត ខេត្តបន្ទាយមានជ័យ និងដកហូតបានថ្នាំញៀនមេតំហ្វេតាមីនគ្រាប់ចំនួន14គ្រាប់ ខណៈពេលដែលគេកំពុងតែធ្វើសកម្មភាពកាលពីព្រលប់ថ្ងៃទី ២៨ មេសា កន្លងទៅនេះ ។
តាមចម្លើយសារភាពរបស់ជនសង្ស័យ បានសារភាពថា ខ្លួនពិតជាបានទិញថ្នាំញៀនប្រភេទយ៉ាម៉ា មកធ្វើការចែកចាយក្នុងភូមិសាស្ត្រខាងលើពិតប្រាកដមែន ៕
