បុរសម្នាក់បើករថយន្តមួយគ្រឿងម៉ាកឡិចស៊ីសRX330 ក្នុងល្បឿនលឿនហើយគេចពីរថយន្តមួយគ្រឿងទៀតជ្រុលបុកបង្គោលភ្លើងបំភ្លឺផ្លូវបណ្តាលឲ្យរងការខូចខាតកាលពីវេលាម៉ោង១២និង៥០ នាទីរំលង អាធ្រាត ឈានចូលថ្ងៃទី៣០ខែមេសាឆ្នាំ២០១៥នៅតាមបណ្តោយផ្លូវ
នរោត្តមកែងផ្លូវលេខ២៤០ ស្ថិតក្នុង សង្កាត់ចតុមុខខណ្ឌដូនពេញ។
យោងតាមសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេបានឃើញបុរសម្នាក់បើករថយន្តមួយគ្រឿងម៉ាកឡិចស៊ីសRX330ពណ៌ទឹកប្រាក់ពាក់ស្លាកលេខភ្នំពេញ2AB-7008 ធ្វើដំណើតាម បណ្តោយ ផ្លូវនរោត្តមក្នុងទិសដៅពីជើងទៅត្បូងខណៈមកដល់ចំណុចកើតហេតុក៏បានទាញចង្កូតបត់ឆ្វេងទៅកើតតាមបណ្តោផ្លូវលេខ២៤០ភ្លាមនេះស្រាប់តែមានរថយន្តមិនចាំម៉ាកមួយគ្រឿងបានធ្វើដំណើតាមបណ្តោយផ្លូវលេខ២៤០ក្នុងទិសដៅពីកើតទៅលិចហើយរថយន្តឡិចស៊ីសក៏គេចហើយបានជ្រុលទៅបុកនិងបង្គោលភ្លើងបណ្តាលឲ្យរងការខូចខាតចំណែករថយន្តខូចខាតផ្នែកខាងមុខយ៉ាងដំណំ។
ក្រោយពេលកើតហេតុម្ចាស់រថយន្តបានចុះពីលើរថយន្តហើយគេចខ្លួនបាត់ស្រមោលតែម្តងបន្សល់ទុករថយន្តនៅកន្លែងកើតហេតុចំណែរថយន្តត្រូវបានសមត្ថកិច្ចមូលដ្ឋានបានសហការជាមួយជំនាញស្ទូចទៅ រក្សាទុកនៅការិយាល័យចរាចរណ៍ជើងគោកដើម្បីរងចាំម្ចាស់ចូលខ្លួនមកដោះស្រាយតាមផ្លូវច្បាប់៕
