សៀមរាប ៖ ក្នុងកិច្ចចុះប្រិត្តិការណ៍ធ្វើការតាមដានស្រាវជ្រាវនិងឈានដល់ការបង្ក្រាបចាប់ឃាត់ខ្លួនយុវជនទាំងពីរនាក់នេះដែលជាជនសង្ស័យជាប់ពាក់ព័ន្ធក្នុងករណីចាត់ចែងនិងសម្រួលអោយប្រើប្រាស់ដោយខុសច្បាប់នូវសារធាតុញៀននេះត្រូវបានធ្វើឡើងកាលពីវេលា
ម៉ោង៩យប់ថ្ងៃទី២៧ខែ មេសា ឆ្នាំ ២០១៥ កន្លងទៅនៅត្រង់ចំណុចបន្ទប់ជួលក្នុងភូមិចុងកៅស៊ូ សង្កាត់ស្លក្រាមក្រុងសៀមរាប ។ ទើបដល់រសៀលថ្ងៃទី ២៩ ខែ មេសា នេះ សមត្ថកិច្ច បានបង្ហាញមុខ ជនសង្ស័យទាំងពីរនាក់នេះដែលបានប្រព្រឹត្តក្នុងករណីចាត់ចែងនិងសម្រួលអោយប្រើប្រាស់ដោយខុសច្បាប់នូវសារធាតុញៀន ដល់ក្រុមអ្នកយកព័ត៍មានជាសាធារណះ ។ លោក វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាកម្លាំងនគរបាលជំនាញរបស់លោកបានសហការហជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្លក្រាមក្រុងសៀមរាបក្នុងកិច្ចចុះប្រិត្តិការណ៍ខាងលើទើបទទួលលិទ្ធផលដោយបានធ្វើការឃាត់ខ្លួនជនសង្ស័យភេទប្រុសចំនួនពីរនាក់និងវត្ថុតាងដែលនៅជាប់និងខ្លួនជនសង្ស័យជាដែកកេសច្នៃសម្រាប់ជក់គ្រឿងញៀនចំនួន១ផងដែរ ។ លោក វរសេនីយ៍ទោ អ៊ុំ សាអាត បានបន្តអោយដឹងទៀតថានៅមុខសមត្ថកិច្ចពួកគេបានឆ្លើយសារភាពថាពួកគេពិតជាបានប្រព្រឹត្តនូវករណីខាងលើពិតប្រាកដដែក ។ បច្ចុប្បន្នទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយដើម្បីចំណាត់ការទៅតាមផ្លូវច្បាប់បន្ត ៕
លោក ខេង ខេមរា
