កំពង់ឆ្នាំង នៅវេលាម៉ោង៩និង៤៥នាទីយប់ ថ្ងៃទី៣០ មេសា ២០១៥ មនុស្ស៧នាក់ រួមនិងវត្ថុតាង ត្រូវបានសមត្ថកិច្ចធ្វើការឃាត់ខ្លួនបានភ្លាមៗ ខណះដែលពួគគេកំពុងធ្វើការនេសាទ ដោយឧបករណ៍ដែលច្បាប់បានហាមឃាត់ស្តីពីច្បាប់ជល់ផល ។
សមត្ថកិច្ចដែលបានចុះដល់កន្លែងបង្ក្រាប បាននិយាយអោយដឹងថា ជនល្មើសដែលជាថៅកែអួនមានឈ្មោះ ច្រឹង យាំងងិន ជាជនជាតិវៀតណាម រស់នៅក្នុងភូមិពាមឆ្កោក ឃុំពាមឆ្កោក ស្រុកជល់គីរី និង៦នាក់ផ្សេងទៀតជាកម្មក ។
ប្រភពពីសមត្ថកិច្ច បាននិយាយអោយដឹងបន្ថែមទៀតថា មុនឈានដល់ការបង្ក្រាបខាងលើនេះ លោកព្រះរាជអាជ្ញា បានទទួលពត៌មានដ៍ជាក់លាក់ និងបានសហការណ៍គ្នា ជាមួយជលផល កងទព័ជើងទឹក ការិយាល័យកសិកម្មស្រុកជលគីរី បានចុះដល់កន្លែងដែលក្រុមជនល្មើស ធ្វើសកម្មភាពនេសាទត្រង់ចំណុចព្រែកសេះ ភ្លាមៗនោះកំលាំងបានឃាត់នាំយកមកស្នាក់ការ ផ្នែករដ្ឋបាលជល់ផលកំពង់ប្រសាទ ដើម្បីបញ្ជូនមកខណ្ឌ័រដ្ឋបាលជលផលខេត្ត ធ្វើការពិនយ័ ។ ក្នុងនោះផងដែរ លោកនាយផ្នែកជល់ផលកំពង់ប្រសាទ បានបញ្ជាក់ថា បទល្មើសអូសអួនខាងលើនេះ ច្បាប់ស្តីពីជលផល គឺធ្វើការពិនយ័ជាប្រាក់ និងធ្វើកិច្ចសន្យា អោយជនល្មើស បញ្ឈប់ការធ្វើការនេសាទ ដោយឧបករណ៍ដែលមានលក្ខណះជាទ្រង់ទ្រាយធំ ដែលច្បាប់បានហាមឃាត់ ។
គួរបញ្ជាក់ផងដែរថា បើទោះជាមានការបង្ក្រាប ពីសមត្ថកិច្ចយ៉ាងណាក៍ដោយ ក៍ក្រុមអ្នកនេសាទ ដែលជាជនជាតិវៀតណាមទាំងអស់នេះ នៅតែបន្តការនេសាទ ដោយមិនញញើតនិងសមត្ថកិច្ចនោះឡើយ ហើយគេរងចាំមើលថា ការបង្ក្រាបបទល្មើសខាងលើ អាចបានប៉ុន្មានថ្ងៃទៅ បើជនអូសអួន រួមនិងការកាប់ព្រៃលិចទឹក ត្រូវគេមើលឃើញនៅតែបន្ត ដូចកង់រទេះត្រូវខ្លាញ់បែបនេះ ៕
