ខេត្តបន្ទាយមានជ័យ៖ លោកគោស៊ុំសារឿតអភិបាលខេត្តបន្ទាយមានជ័យបានដាក់បញ្ជាយ៉ាងតឹងចំពោះច្រករបៀងណាក៏ដោយមិនថារបស់អស់លោកណានោះទេ គឺត្រូវតែបិទទាំងអស់ ចាប់ពីពេលនេះតទៅដោយមិនយោគយល់នោះឡើយលោកគោស៊ុំសារឿតបាននិយាយ
នៅក្នុងសាលាខេត្តនាព្រឹកថ្ងៃទី០៥ ខែឧសភា ឆ្នាំ២០១៥។លោកអភិបាលខេត្តបន្ទាយមានជយ័បានបញ្ជាក់ពីមូលហេតុនៃការប្រកាសបិទច្រករបៀងនោះថាគឺមានបទបញ្ជា ពីថ្នាក់លើ គឺសុំឲ្យបិទនូវច្រករបៀងទាំងអស់នៅតាមព្រំដែនខ្មែរ ថៃគឺត្រូវបិទឲ្យអស់តែម្តង។ លោកបានបន្តថាបើម្ចាស់ច្រកណាក៏ដោយឲ្យតែហ៊ានលួចបើក គឺមេច្រកនោះជាចោរលួចឬប្លន់ពិតប្រាកដហើយជននោះអាចមានការដាក់ទោសទៅតាមផ្លូវច្បាប់ជាមិនខាននោះទេ។សូមបញ្ជាក់ថាកន្លងមកលោកឧត្តមសេនីយ៍ឯកខេងសុម៉េតអក្គស្នងការរងនគរបាលជាតិធ្លាប់បានប្រកាសបិតច្រករបៀងដោយព្រមានដាក់ទោសទៅលើអង្គភាពការពារព្រុំដែនណាហ៊ានលួចដាក់ច្រករបៀងខុសច្បាប់នោះត្រូវទទួលទោសទៅតាមផ្លូវច្បាប់។លោកបន្តទៀតថាបុណ្យចូលឆ្នាំខ្មែរបានបញ្ចប់មានពលករខ្មែរជាច្រើនពាន់នាក់បានសំរុកចេញទៅប្រទេសថៃដូចទឹកបាក់ទំនប់ ដោយអ្នកខ្លះសម្រុកចេញទៅតាមច្រករបៀងហើយគេសង្កេតឃើញមានទាហាន ប៉ូលិស ដែលជាម្ចាស់ច្រករបៀងនាំគ្នាជំរិតយកលុយពីជនរងគ្រោះយ៉ាខ្លាំងទៀតផងរួចឲ្យពលករចេញទៅថៃទាំងប្រថុយជីវិតត្រូវបានទាហានថៃវាយធ្វើបាបឥតត្រាប្រណីរយះពេលកន្លងមក។ក្នុងចំណោមច្ររបៀងទាំងនោះមានច្រករបៀងដែលគ្រប់គ្រងដោយនគរបាលវរៈ៩១១អង្គភាពនគរបាលវរៈ៨៩១ អង្គភាពនគរបាលវរៈ៨០៧ វរៈ៨១៥និងអង្គភាពយោធាវរៈ៥១៥ចំណុះកងពលតូចលេខ៥១ជាដើម។ពលរដ្ឋខ្មែរជាច្រើនបានត្អូញត្អែរថាគាត់ត្រូវសមត្តកិច្ចថៃជម្រឹតទារប្រាក់អស់៤០០បាតពេលត្រូវចាប់បញ្ជូនមកស្រុកខ្មែរវិញ។បើចឹងពលករខ្មែរត្រូវរងគ្រោះពីរជាន់ទីមួយអស់លុយឲ្យសមត្តកិច្ចព្រុំដែនខ្មែរពេលត្រូវលួចឆ្លងដែនតាមច្រករបៀងចូលដីថៃនិងទីពីរអស់លុយពេលថៃចាប់បញ្ជូនមកវិញ។ក្រោយពីលោកអភិបាលខេត្តចេញបទបញ្ជានេះរួចមកប្រជាពលរដ្ឋបានអបអរសាទរយ៉ាងខ្លាំងចំពោះបទបញ្ជានេះតែប្រជាពលរដ្ឋបាននិយាយថាច្បាប់នេះអាចគ្មានប្រសិទិ្ធភាពអនុវត្តន៍ព្រោះកន្លងមកលោកចៅហ្វាយខេត្តក៏ធ្លាប់ដាក់ចេញបទបញ្ជារច្រើនដងដែរសម្រាប់សមត្តកិច្ចតាមព្រុំដែនត្រូវបិតច្រកតែសមិត្តិកិច្ចទាំងនោះមិនព្រមអនុវត្តតាម។ប្រពលរដ្ឋរងចាំមើលថាតើលោកអភិបាលខេត្តចេញច្បាប់នេះហើយតើមានមន្ត្រីក្រោមឪវាទណាគេយកទៅអនុវត្តតាម៕គង្គា
