ខេត្តបន្ទាយមានជ័យ៖ កំលាំងនគរបាលប៉ុស្តិ៍សង្កាត់ប៉ោយប៉ែតកំពុងចុះល្បាតនៅចំណុច ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យនៅតាមផ្លូវសាធារណក៏បានជួបប្រទះ ឃើញជនសង្ស័យ៣នាក់កំពុងជក់គ្រឿងញៀនខុសច្បាប់រួចឃាត់ខ្លួនបញ្ជូន
មកកាន់អធិការដ្ឋាននគរបាល ក្រុងប៉ោយប៉ែត ដើម្បីសាកសួរបន្ត។ការឃាត់ខ្លួនជនសង្ស័យទាំង៣នាក់នោះនៅវេលាម៉ោង៤ល្ងាច ថ្ងៃទី៥ ខែឧសភា ឆ្នាំ២០១៥នេះដោយដកហូតបានដបកែច្នៃសំរាប់ជក់ថ្នាំញៀនមួយ ទុយោបឺត និងដែកកេះមួយ ។លោកអ៊ុំសុផលអធិការនគបាលក្រុងប៉ោយប៉ែតបានប្រាប់ឲ្យដឹងថា ក្រោយពីទទួលបញ្ជាពីលោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យ លើការខិតខំ ប្រឹងប្រែងទប់ស្កាត់បទល្មើសនានា នៅក្នុងមូលដ្ឋាន របស់ខ្លួន ដើម្បីការពារសន្តិសុខ សណ្តាប់ធ្នាប់នោះ កម្លាំងនគរបាលរបស់លោក បានចុះល្បាត នៅចំណុច ភូមិសង្កាត់ខាងលើ ក៏ជួបប្រទះក្មេង ទំនើង៣នាក់ សង្ស័យកំពុងជក់គ្រឿងញៀន ពេលនោះកម្លាំងសមត្ថកិច្ចដកហូតបានដបកែច្នៃ សំរាប់ជក់ថ្នាំញៀន មួយ ទុយោបឺត និងដែកកេះមួយ និងបាននាំមកសាកសួរ ដើម្បីរកប្រភព អ្នកចែកចាយ។
លោកអ៊ុំសុផលបានបន្តទៀតថា មកដល់ពេលនេះ នគរបាល ជំនាញបាននាំខ្លួន ជនសង្ស័យ ឃុំខ្លួនជាបណ្តោះអាសន្ន នៅអធិការដ្ឋាន នគរបាលក្រុង ។លោកបានបនតទៀតថាជនសង្ស័យទី១ ឈ្មោះ មួង វីនដាណេ ហៅថៃសុន អាយុ២២ឆ្នាំ នៅភូមិក្បាលស្ពាន១ ទី២ ឈ្មោះឈៀង សីណា អាយុ២៣ឆ្នាំ នៅ ភូមិក្បាលស្ពាន១ និងទី៣ ឈ្មោះត្រាំង ទិត្យ អាយុ២៧ឆ្មាំ នៅ ភូមិក្បាលស្ពាន១ ។នៅចំពោះមុខមន្ត្រីនគរបាល ជនសង្ស័យទាំង៣នាក់ បានសារភាពថា ពួកខ្លួនបានជក់ថ្នាំញៀន ប្រភេទយ៉ាម៉ា ពេលជក់អស់ ទើបសមត្ថកិច្ចប្រទះឃើញហើយក៏ឃាត់ខ្លួនតែម្តង ។
ជនសង្ស័យបានបន្តថា ពួកគេ ធ្លាប់ប្រើប្រាស់ថ្នាំញៀន អស់រយះពេលជាង១ឆ្នាំមកហើយ ពេលជក់ទៅ ទិញពីក្មេងតូចៗ នៅម្តុំរ៉ាចាស់ជនសង្ស័យទាំង៣នាក់នោះត្រូវបានកសាងសំនុំរឿងបញ្ជូនទៅតុលាការដាក់ទោសទៅតាមផ្លូវច្បាប់៕គង្គា
