ខេត្តព្រះសីហនុ៖ បុរសម្នាក់ត្រូវបានកងរាជអាវុធហត្ថស្រុកកំពង់សិលាតាមប្រដេញចាប់ និងឃាត់ខ្លួនបានភ្លាមៗក្នុងចំណោមបក្សពួកពីរក្រុមមានគ្នា ១៣នាក់ ដែលបានធ្វើសកម្មភាពពួនស្ទាក់បើកឆាកប្រយុទ្ធគ្នាស៊ីសាច់ ហុតឈាម នៅត្រង់ចំណុចគីឡូម៉ែត្រលេខ៦ ស្ថិតនៅផ្លូវម៉ា
ឡេ ក្នុងភូមិវាល ឃុំកំពង់សិលា ស្រុកកំពង់សិលា ខេត្តព្រះសីហនុ កាលពីវេលាម៉ោង៥ល្ងាច ថ្ងៃទី០៥ ខែឧសភា ឆ្នាំ២០១៥ ។
លោកសម សាមាន មេបញ្ជាការកងរាជអាវុធហត្ថស្រុកកំពង់សិលាបានឪ្យដឹងថា មុន ពេលកើតហេតុគេបានឃើញក្រុមក្មេងទំនើងពីរក្រុម មួយក្រុមមានគ្នា០៦នាក់ មានដៃទទេ និងក្រុមទៀតមានគ្មា ០៧នាក់ ប្រដាប់ដោយដំបង កាំបិទ និងកាំភ្លើងកែច្នៃ បានពួកស្ទាក់បើកឆាកប្រយុទ្ធហុតឈាមគ្នាយ៉ាងសាហាវ ដោយបានធ្វើសកម្មភាពកាប់ ចាក់ វាយ ទៅលើក្រុមទី១ បណ្តាលឪ្យមានអ្ន្កករងរបួសធ្ងន់ធ្ងរ និងស្រាល ។
លោកមេបញ្ជាការអាវុធហត្ថស្រុកបានបន្តឪ្យដឹងទៀតថា ដោយមានការចង្អុលបង្ហាញ និងបញ្ជាពីលោកឧត្តមសេនីយត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ គ្រប់អាវុធហត្ថនៅក្នុងខេត្តព្រះសីហនុ មានតួនាទីក្នុងការចូលរួមទប់ស្កាត់នូវរាល់បទល្មើសទាំងឡាយដែលកើតមាននៅក្នុងមូលដ្ឋាន ជាពិសេសក្រុមក្មេងទំនើង និងថ្នាំញៀនជាដើន ដើម្បីរាក្សាសន្តិសុខ សុវត្ថិភាពសាធារណះជូនប្រជាពលរដ្ឋនៅក្នុងខេត្តព្រះសីហនុ ។
លោក សម សាមាន មេបញ្ជការកងរាជអាវុធហត្ថស្រុកកំពង់សិលាបានបញ្ជាក់ថា ជនរងគ្រោះមានឈ្មោះ សុខ តួ ភេទប្រុស អាយុ២១ឆ្នាំ បានរងរបួសយ៉ាងធ្ងន់ធ្ងរ និងបញ្ជូនទៅព្យាបាល ។ ដោយឡែកក្រុមក្មេងទំនើងបង្កហេតុ ត្រូវបានកម្លាំងជំនាញបានដេញប្រថាប់ ចាប់ប្រធីងបានចំនួន ០១នាក់ មានឈ្មោះផាន់ និងបក្សពួកចំនួន ០៦នាក់ ផ្សេងទៀតបានរត់គេចខ្លួនបាត់ ។ បច្ចុប្បន្នកម្លាំងជំនាញអាវុធហត្ថស្រុកកំពង់សិលាកំពុងស្រាវស្រាវកំណត់មុខសញ្ញាតាមចាប់ក្រុមក្មេងទំនើងទាំងអស់នោះ យកមកចាត់ការទៅតាមវិធានការច្បាប់ មិនទុកឪ្យជនល្មើសទាំងនោះបង្កអសន្តិសុខនៅក្នុងភូមិសាស្ត្រស្រុកកំពង់សិលា ធ្វើយ៉ាងណាអនុវត្តទៅតាមគោលនយោបាយ ៩ចំណុច ភូមិ ឃុំ មានសុវត្ថិភាពជូនប្រជាពលរដ្ឋរស់នៅដោយភាពសុខសាន្ត ។ បច្ចុប្បន្នជនល្មើសឈ្មោះ ផាន់ ត្រូវបានធ្វើការសាកសួរ ដើម្បីកសាងសំណុំរឿងបញ្ជូនទៅសាលាដំបូងខេត្តតាមផ្លូវច្បាប់ ៕
