ខេត្តព្រះវិហារ សមាគមន៍អ្នកកសែតៈ ព្យុះអំណាចអយុត្តិធម៌ បានកើតឡើងនៅក្នុងខេត្តព្រះវិហារ ចំពោះអ្នកសារពត៌មាន បង្ករមានការភ្ញាក់ផ្អើលដោយសារតែ ការអនុវត្តច្បាប់របស់ស្ថាប័នតុលាការ ខេត្តព្រះវិហារ ដែលព្យាយាមទំលាក់កំហុសទៅលើ អ្នកសារពត៌មាន ដោយមិនខ្វល់ពីច្បាប់របបសារពត៌មាន បែរជាកាន់ជើងឈ្មួញឈើទៅវិញ។
មហាជនបានធ្វើការរិះគន់យ៉ាងចាស់ដៃ ទៅលើអធិរាជព្រះរាជអាជ្ញារង ឡុង ស៊ីថា ដែលបានប្តេជ្ញាបង្ក្រាបអ្នកសារពត៌មានហើយចាត់ទុកអ្នកសារពត៌មាន ជាឆ្អឹងទទឹងករ នៃការឃុបឃិតរកស៊ីឈើប្រចាំខេត្តព្រះវិហាររបស់ពួកគេ និងបានប៉ះពាល់ដល់ផលប្រយោជន៍ ធ្វើឲ្យលោក ឡុង ស៊ីថា មានគំម្រោងកំចាត់អ្នកសារពត៌មាន ចេញពីខេត្តព្រះវិហារ ដោយ វិធានការ កោះហៅស្ថាប័នអ្នកសារពត៌មាន ជាបន្តបន្ទាប់ ក្រោយពីលោក ឡុង ស៊ីថា បានកាច់បំបាក់ធ្មុងរបស់អ្នកសារ ពត៌មាន ដោយអយុត្តិធម៌ ចំនួន២នាក់ និងមូលបង្កាច់តាមតែចិត្តនឹកឃើញ ក្រោមការបញ្ជារបស់ឈ្មួញឈើ មិនតែប៉ុណ្ណោះ ល្បិចដ៏កខ្វក់របស់ព្រះរាជអាជ្ញារងរូបនេះ បានកោះហៅអ្នកសារពត៌មាន មួយចំនួនទៅបំភ្លឺ បង្ករឲ្យអ្នកសារពត៌មានមួយចំនួន មានការភិតភ័យ ស្ទើរតែពុំហ៊ានថត និងផ្សព្វផ្សាយពីសកម្មភាព ប្រព្រឹត្តបទល្មើសនៅក្នុងខេត្តព្រះវិហារ ។
តាមការស៊ើបអង្កេតរបស់ របស់ក្រុមស្រឡាញ់ភាពយុត្តិធម៌ បានឆ្លុះបញ្ជាំងឲ្យនូវទង្វើរបស់លោក ឡុង ស៊ីថា ព្រះរាជអាជ្ញារង ខេត្តព្រះវិហារ បានទទួលពាក្យបណ្តឹងរបស់ ឈ្មួញជាប់ចំណាត់ថ្នាក់ឧក្រិដ្ឋជនព្រៃឈើ បានប៉ះពាល់លាភស្ការៈ របស់ពួកគេដែលត្រូវបានប្រភព បង្ហាញឲ្យដឹងថា មានគូរកនឈ្មោះ ផៃ នឿន ជាម្ចាស់រោងម៉ាស៊ីនរ៉ៃខុសច្បាប់ ទី២ ឈ្មោះ ពេជ្រ ចិន្តា មានម៉ាស៊ីនរ៉ៃខុសច្បាប់ ទី៣ លោក ហេង សម្បត្តិ ហៅ ហេង ហួត មានរោងសិប្បកម្មខុសច្បាប់ ជាឈ្មួញឈើដ៏ធំក្នុងខេត្តព្រះវិហារ និងឈ្មោះ តួរ អូន ជាអ្នករត់ការ ក្រុមទាំងនេះបានយកកាកសំណល់លុយ មួយចំនួនឲ្យលោក ឡុង ស៊ីថា ព្រះរាជអាជ្ញារង ចាប់អ្នកកាសែត រីឯលោក ឡុង ស៊ីថា កាលពីមុនជាកូនមាន់អត់រោម លុះបានអែបអប និងទទួលលាភស្ការៈពីឈ្មួញឈើ បានក្លាយខ្លួនទៅជា ស្តេចខ្លា ប្រចាំខេត្តព្រះវិហារ លោតត្របាក់ អ្នកស្រឡាញ់ភាពយុត្តីធម៌ ដោយខ្វះការពិចារណាខាងផ្លូវច្បាប់ ។
ក្រោយពីលោក ឡុង ស៊ីថា បានព្យាយាមទំលាក់កំហុសទៅលើអ្នកសារពត៌មាន ហើយនាំរថយន្តសារ៉ែនទៅចាប់ទាំងយប់ហើយយកដាក់គុកទាំងយប់ ដោយគ្មានការពិចារណា គ្មានការកោះហៅបំភ្លឺ គ្មានការសួរនាំដោយអាងអំណាច ជាតុលាការ ចាប់គ្មានដិការ ដោយគ្រាន់តែឈ្មួញឈើឆ្លើយដាក់ ដោយការអនុវត្តច្បាប់បែបនេះ គឺត្រូវបានធ្វើឡើងដោយសារតែរឿងគំនុំផ្ទាល់ខ្លួន ដែលកន្លងមក អ្នកសារពត៌មានធ្លាប់បាន ចុះទៅថតសកម្មភាពសមត្ថកិច្ចបង្ក្រាបទីតាំងបទល្មើសរបស់បក្សពួក ហើយរហូតមកដល់ពេលនេះ អ្នកសារពត៌មាន ២រូប ត្រូវបានជាប់ឃុំជាង២ខែមកហើយ ពុំព្រមដោះលែង ទោះជាមានការអន្តរាគមន៍ និងសុំដោះលែងនៅក្រៅឃុំក៏ដោយ។
ដោយ សមាគមន៍ អ្នកសារពត៌មាន
