សៀមរាប :ពត៌មានវីដេអូ ជនសង្ស័យភេទប្រុសទាំងពីរនាក់ត្រូវបានកម្លាំងកងរាជអាវុធហត្ថខេត្តសៀមរាបចុះប្រតិបត្តិការណ៍ធ្វើការតាមដានស្រាវជ្រាវនិងឈានដល់ការចាប់ឃាត់ខ្លួនបានជាបន្តបន្ទាប់កាលពីយប់ថ្ងៃទី០៨ខែមេសាឆ្នាំ២០១៤នេះនៅក្នុងក្រុងសៀមរាប ។ លោកវរសេនីយ៌ឯក ស្រី យូរ៉ា មេបញ្ជាការរងនៃទីបញ្ជាការដ្ឋានកងរាជអាវុធហត្ថខេត្តសៀមរាបនិងជាប្រធានមន្ទីរស្រាវជ្រាវនិងយុត្តិធម៌ដែលបានដឹកនាំកម្លាំងចុះប្រតិបត្តិការណ៍បានមានប្រសាសន៍ឲ្យដឹងថា ដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់ ឯ.ឩ ឃឹម ប៊ុនសុង អភិបាលខេត្តសៀមរាបនិងជាប្រធានគណះបញ្ជាការឯកភាពខេត្ត និង ឯ.ឩ ឧត្តមសេនីយ៌ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមរាបក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធភាពខ្ពស់ថ្វេរដងផងនោះ។
ជាក់ស្តែងជនសង្ស័យភេទប្រុសទាំងពីរនាក់ត្រូវបានកម្លាំងកងរាជអាវុធហត្ថខេត្តសៀមរាបធ្វើការចាប់ឃាត់ខ្លួនបានព្រមទាំងវត្ថុតាងរួមមាន ម៉ូតូសង់ ពណ៍ខ្មៅ សេរីឆ្នាំ២០០៤ មួយគ្រឿងដែលជនសង្ស័យបានធ្វើសកម្មភាពលួចកាច់សោរ ក ម៉ូតូរបស់ជនរងគ្រោះមកពីស្រុកជីក្រែងខេត្តសៀមរាប និង សម្ភារ:សម្រាប់ធ្វើសកម្មភាពកាច់សោរ ក ម៉ូតូមួយចំនួនទៀត ផងដែរ ។
លោកវរសេនីយ៌ឯក ស្រី យូរ៉ា បានបន្តប្រសាសន៍ឲ្យដឹងទៀតថា បច្ចុប្បន្នជនសង្ស័យ ទាំងពីរនាក់នេះ កពុងតែត្រូវបានកម្លាំងជំនាញធ្វើការសួនាំបន្តដើម្បីចំណាត់ការទៅតាមនិតិវិធី ដោយឡែកម៉ូតូ១គ្រឿងនេះត្រូវបានកម្លាំងកងរាជអាវុធហត្ថខេត្តសៀមរាបធ្វើការប្រគល់ទៅឲ្យម្ចាស់ដើម្បីវិញ ៕ អត្ថបទដោយ លោក ខេង ខេមរា រូបភាព លោក ម៉ែន បូរិទ្ធ 
