ព្រះវិហារ. សាលាដំបូងខេត្តព្រះវិហារបានបើកសាវនាការ សំណុំរឿងអ្នកសារពត៍មាន២រូបដែលត្រូវបានឈ្មួញឈើប្តឹងពីបទកំហែងយក និងជ្រៀតជ្រែកមុខងារសាធារណៈ ហើយត្រូវបានលោក ឡុង ស៊ីថាព្រះរាជអាជ្ញារង អមសាលាដំបូង ខេត្តព្រះវិហារ ឃាត់ខ្លួនអ្នកកាសែតដែលមានឈ្មោះ ឈឿង ចាន់. នៅអង្គភាព ទូរទស្សន៍ អប្សរា និង ទិត្យ ស្រ៊ នៅអង្គភាពAKP. ត្រូវបានឃាត់ខ្លួនដាក់ពន្ឋនាគារ ជាង២ខែ ទើបតែលើកមកជំនុំជុះរះនៅថ្ងៃទី ៧ ខែ ឧសភា ឆ្នាំ២០១៥។
ក្នុងទិដ្ឋភាពនៃអង្គជំនុំជំរះ ដោយមានការចូលរួមដោយលោក យិត ពន្លឺ ចៅក្រមជំនុំជម្រះ លោក កៅ ស៊ូផា មេធាវីតំណាងឲ្យជនជាប់ចោទ២រូប ចំណែកលោកឡុងស៊ីថា តំណាងអយ្យការ មិនបានចូលរួមនោះទេ ធ្វើឲ្យសេចក្តីនៃអង្គជំនុំជម្រះប្រព្រឹត្តទៅដោយឲ្យលោក ស្រេង វុទ្ធា តំណាងអយ្យការជំនួស រឿងក្តីរបស់អ្នកសារពត៌មាន សំណុំរឿងលេខ. ៣៥ ចុះថ្ងៃទី១០ ខែ កុម្ភះ ឆ្នាំ ២០១៥ ។
ដោយមានដើមបណ្តឹង៦នាក់ បានព្រួតគ្នាប្តឹង ទី១ ឈ្មោះ ហេងសម្បត្តិ ទី ២ លោក ឈៀងម៉ៅ ទី៣ លោក ហេង សម្បត្តិទី៤ លោក ផៃនឿន ទី៥លោកស្រី តួន អូន ទី៦ឈ្មោះ ម៉ៅ ការបើកសាវនាការនេះ ត្រូវបានធ្វើឡើងចាប់ពីម៉ោង ៩.៣០នាទីដល់ម៉ោង ១១.៣០នាទី និង ម៉ោង ២.៣០នាទី ដល់ម៉ោង ៤.៣០នាទី តែពុំទាន់ទទួលលទ្ធផលយ៉ាងណានោះទេ ។
ក្នុងថ្ងៃកាត់ក្តីជំនុះជំរះ ដោយមានការចូលរួម ដោយលោក សុខ សុវណ្ណ ប្រធានសមាគន៍ អ្នកសារពត៌មានកម្ពុជា និងប្រធានសមាគមន៍ ឯទៀតរួមទាំងកាសែត ទូរទស្សន៍ ក្នុងស្រុកចំនួន ៣២នាក់ មកពីបណ្តាខេត្តចូលរួមស្តាប់សាវនាការជំនុំជំរះ នៅតុលាការខេត្តព្រះវិហារ ក្រោយពីបានស្តាប់នូវអង្គហេតុ នៃអង្គសាវនាការរួចមក គឺទទួលបានចម្លើយថា លោក ឈឿង ចាន់ ពុំបានប្រព្រឹត្តខុសដូចការចោទប្រកាន់ គឺគ្រាន់តែជាការពឹងពាក់របស់ឈ្មួញឲ្យទទួលលុយ ទៅឲ្យបុគ្គលម្នាក់ទៀតតែប៉ុណ្ណោះ ចំណែកលោក ទិត្យ ស្រ៊ ត្រូវបានជាប់ចោទ ពីបទកំហែងយក ដោយសារការធ្វេសប្រហែសក្នុងតួនាទី ។
តាមការស្នើរសុំរបស់លោក កៅ ស៊ូផា មេធាវីតំណាងឲ្យជនរងគ្រោះ បានសំណូមពរឲ្យចៅក្រម មានការអធ្យាស្រ័យលើកលែងទោស ឲ្យអ្នកកាសែត២រូបដោយយល់ឃើញថា ការចោទប្រកាន់របស់លោក ឡុង ស៊ីថា បានអនុវត្តមិនត្រឹមត្រូវបាននិតិវិធីច្បាប់ គឺគ្រាន់តែគេឆ្លើយដាក់ ក៏ចាប់អ្នកកាសែតដាក់ពន្ឋនាគារជិត៣ខែ ហើយពុំមានពាក្យបណ្តឹងនោះទេពាក់ព័ន្ឋទៅនឹងលោក ឈឿង ចាន់ នោះទេ សូម្បីតែលោក ឈឿង ម៉ៅ ដែលជាដើមបណ្តឹងបានឆ្លើយនៅក្នុងសាវនាការថា លោកមិនបានប្តឹងទេ ហើយក៏មិនបានឲ្យលុយ៥០ម៉ឺនទៅលោកឈឿងចាន់នោះទេ ចំណែកលុយ ១០ ម៉ឺនរៀល លោកបានអះអាងថា បានឲ្យទៅលោក ឈឿងចាន់ ទុកចាក់សាំង ជាមនោសញ្ជេតនានោះទេ តែទោះជាម្ចាស់ដើមបណ្តឹងបានអះអាងបែបនេះក្តី ក៏លោក ឡុង ស៊ីថា បានព្យាយាមឃាត់ឃាំងសេរីភាពដាក់ពន្ឋនាគារជិត៣ខែ រួចមកហើយ នឹងពុំទាន់ធ្វើការដោះលែងនោះទេ ។
ពាក់ព័ន្ឋទៅនឹងការចោទប្រកាន់នេះ មហាជនបានរិះគន់យ៉ាងចាស់ដៃទៅលើលោក ឡុង ស៊ីថា ហើយចោទសួរថា បើអាងតែខ្លួនជាព្រះរាជអាជ្ញារង និងជាស្ថាប័នច្បាប់ ចាប់ហើយព្យាយាមលាបពណ៌ រឿងតូចទៅជារឿងធំ ចោទប្រកាន់ដោយខុសនិតិវិធីបែបនេះ តើត្រូវបានទទួលការណែនាំ និងមានទោសដែរឬទេ ? ។សូមបញ្ជាក់ផងដែរថា សាវនាការជំនុំជំរះនេះ ត្រូវបានលើកពេលទីថ្ងៃទី ២៦ ខែ ឧសភា ឆ្នាំ ២០១៥ វេលាម៉ោង ៩ ព្រឹក ដើម្បីបើកការជំនុំជំរះបន្តទៀត។
ដោយ សមាគមន៍អ្នកសារពត៌មាន
