ខេត្តបន្ទាយមានជ័យ៖ លោកឧត្តមសេនីយ៍ត្រីអាត់ខែមស្នងការនគបាលខេត្តបន្ទាយមានជ័យបានដឹកនាំកំលាំងនគបាលចំនួន៧០០នាក់ចុះជួយជួសជុល និងរុះរើផ្ទះជូនប្រជាពលរដ្ឋដែលរងគ្រោះដោយខ្យល់កន្ត្រាក់កន្លងមកនៅថ្ងៃទី៧ខែឧសភាឆ្នាំ២០១៥ស្ថិតនៅ ឃុំគោករមៀត 
ស្រុកថ្មពួក ខេត្តបន្ទាយមានជ័យ។លោកឧត្តមសេនីយ៍ត្រីអាត់ខែមស្នងការដែលបានដឹកនាំកម្លាំងចុះទៅជួយជួសជុលផ្ទាល់នោះបានបញ្ជាក់ថានៅក្នុងប្រតិបត្តិការជួយអន្តារាគមន៍ជួសជុលផ្ទះជូនប្រជាពលរដ្ឋខាងលើនេះមានកម្លាំងនគរបាល៣៥០នាក់កម្លាំងយោធាកងពលលេខ៥១ចំនួន ២៥០នាក់កម្លាំងយោធាតំបន់សឹករងខេត្ត ចំនួន១០០នាក់ កម្លាំងអាវុធហត្ថ និងកម្លាំងអាជ្ញាធរ ផ្សេងទៀត ។លោកអាត់ខែម បានបញ្ជាក់ទៀតថាផ្ទះប្រជាពលរដ្ឋ ដែលរងគ្រោះដោយសារខ្យល់ កន្ត្រាក់មានចំនួន១២៩ខ្នង ក្នុងនោះខូចខាតធ្ងន់ធ្ងរចំនួន៣៤ខ្នងហើយការងារនេះលោកឧបនាយករដ្ឋមន្ត្រី កែ គឹមយ៉ាន ប្រធានក្រុមការងារថ្នាក់ជាតិឲ្យ
ក្រុមការងារចុះជួយដល់ជនរងគ្រោះក្នុងខេត្តបន្ទាយមានជ័យភ្លាមៗធ្វើឡើងរហូតដល់ចប់។គួរបញ្ជាក់ផងដែរថានៅស្រុកថ្មពួកប្រជាពលរដ្ឋរងគ្រោះដោយសារខ្យល់កន្ត្រាក់ជាបន្តបន្ទាប់ធ្វើឲ្យផ្ទះប្រជាពលរដ្ឋនៅតាមឃុំស្រុកប៉ើងរលំអស់ជាច្រើនរយខ្នងមានទាំងផ្សារ សាលារៀននិងវត្តអរាមជាដើមជាហេតុធ្វើឲ្យកំលាំងមានសមិត្តកិច្ចនិងអាជ្ញារធរចុះជួយរើផ្ទះនិងធ្វើការជួសជុលជូនប្រជាពលរដ្ឋរងគ្រោះទាំងនោះជាបន្តបន្ទាប់។ហើយពលរដ្ឋរងគ្រោះទាំងនោះក៏បានទទួលគ្រឿងធ្វើផ្ទះមួយចំនួនធំនិងគ្រឿងឧបភោគនិងបរិភោគនិងថវិការមួយចំនួនធំពីកាកបាទក្រហមទៀតផង។ប្រជាពលរដ្ឋបានថ្លែងអំណគុណដល់លោកជុំទាវប៊ុនរ៉ានីហ៊ុនសែនប្រធានកាកបាទក្រហមកម្ពុជានិងសមិត្តកិចចំរុះដែលលះបង់ទាំងទ្រព្យធននិងកំលាំងកាយចិត្តជួយដល់ពួកគាត់ដែលកំពុងតែមានទុកគាត់បាននិយាយបន្តថាកន្លងមកពេលដែលពួកគាត់មានទុកលំបាកពុំដែលមានអ្នកណាចុះមកជួយនោះឡើយក្រៅពីកាកបាទក្រហមនិងសមិត្តកិច្ចចំរុះចុះតែប៉ុណ្ណោះ៕
