ខេត្តស្វាយរៀង៖ យ៉ាងហោចណាស់មានមនុស្សប្រុសស្រី៣០នាក់ជាកម្មករកម្មការិនីរោងចក្របានរងរបួសខណៈជិះរថយន្តទៅធ្វើនៅរោងចក្រមួយនៅក្រុងបាវិតរថយន្តបានវាជែងគ្នាផ្ទុះកង់ក្រោយដាច់កាឡេបណ្តាលឲ្យរងរបួលស្រាលធ្ងន់ជាង៣០នាក់។ហេតុការណ៍នេះបានកើត
កាលពីវេលាម៉ោង៦:៤០នាទីថ្ងៃទី៨ខែឧសភាឆ្នាំ២០១៥ស្ថិតនៅលើកំណាត់ផ្លូវជាតិលេខ១នៅក្នុងភូមិ ថ្មី សង្កាត់ ច្រកម្ទេស ក្រុង បាវិត ខេត្តស្វាយរៀង។ប្រភពព័ត៌មានពីប្រជាពលរដ្ឋដែលឃើញហេតុការណ៍គ្រោះថ្នាក់ដល់រន្ធត់នេះបានឲ្យដឹងថា៖មុនពេលកើតហេតុគេរថយន្តទូរីស១៥កៅអីមួយគ្រឿងដឹកកម្មករកម្មការិនីទៅធ្វើការរោងចក្រនៅក្រុងបាវិតដែលបើកបរពីលិចទៅកើតក្នុងល្បឿនយ៉ាងងលឿនប្រជែងគ្នានិងរថយន្តមួយផ្សេងទៀតខណៈពេលកំពុងប្រជែងស្រាប់តែដាច់ក្រឡេផ្ទុះកង់ក្រោយខាងស្តាំបណ្តាលឲ្យរថយន្តក្រឡេពេញផ្លូវនិងក្រឡាប់២-៣ត្រឡប់ខ្ទាត់មនុស្សចេញទៅលើថ្នល់និងខ្លះនៅក្នុងរថយន្តគួរឲ្យរន្ធត់ធ្វើឲ្យមានការភ្ញាក់ផ្អើលដល់ប្រជាពលរដ្ឋរស់នៅជិតកន្លែងកើតហេតុចេញមកចោមរោមមើលនិងរាយការណ៍ទៅដល់សមត្ថកិច្ចចុះជួយអន្តរាគមន៍ សំរួលចរាចរណ៍ និង ហៅរថយន្តសង្គ្រោះដឹកជនរងគ្រោះទាំងនោះមកសង្គ្រោះនៅមន្ទីរពេទ្យបង្អែក ជីភូ និង មន្ទីរពេទ្យខេត្តស្វាយរៀង។បើតាមសមត្ថកិច្ចបានឲ្យដឹងថា៖អ្នកបើករថយន្តក្រោយពេលកើតហេតុបានរត់គេចខ្លួនបាត់ស្រមោលដោយទុកជនរងគ្រោះនៅពាស់ពេញលើថ្នល់គួរឲ្យសង្វែង។
ប្រភពដដែរបានឲ្យដឹងទៀតថា៖រថយន្តបង្ករនោះជាប្រភេទរថយន្តទូរីស១៥កៅអី ពណ៌ ខៀវ ពាក់ស្លាកលេខ កណ្តាល 2A 4037 ដែលដឹកកម្មករកម្មការិនីជាង៣០នាក់។ប្រភពពីកម្មកររងគ្រោះបានឲ្យដឹងថា៖រថយន្តដឹកកម្មករនេះដឹកកម្មករដូចសព្វមួយដងពី៣០នាក់ទៅ៣៧នាក់ដឹកចេញពីភូមិ ពោធិរាជ និង ភូមិ ព្រៃដំឡូង ឃុំ ពោធិរាជ ស្រុក ស្វាយជ្រំ ទៅកាន់រោងចក្រមួយនៅក្រុងបាវិតចេញដំណើរពីម៉ោង៦:០០នាទីព្រឹកលុះមកដល់ចំនុចកើតហេតុខាងលើស្រាប់តែជួបនិងគ្រោះថ្នាក់ក្រឡប់តែម្តង។ពាក់ព័ន្ធករណីគ្រោះថ្នាក់ចរាចរណ៍ខាងលើនេះខាងអាជ្ញាធរខេត្តនិងសាខាកាកបាតក្រហមកម្ពុជាខេត្តស្វាយរៀងបានចុះសាកសួរសុខទុក្ខនិងនាំយកថវិកាជួយដល់កម្មករកម្មការិនីដែលរងគ្រោះរថយន្តក្រឡាប់ទាំង៣០នាក់ក្នុងម្នាក់ៗ
ចំនួន១០០០០០រៀលនិងអ្នកដែលរងរបួសធ្ងន់ចំនួន៦នាក់ក្នុងម្នាកៗទទួលបានចំនួន២០០០០០រៀល។ដោយឡែកនៅរោងចក្រ ឈីង ខូ ក៏មានកម្មករកម្មការិនីដួលសន្លប់ដោយសារទុស្សេខ្សែភ្លើងរត់ជាន់គ្នាចំនួន៦នាក់ដែលមកសំរាកនៅមន្ទីរពេទ្យ ជីភូ ត្រូវបានអាជ្ញាធរខេត្តនិងសាខាកាកបាតក្រហមកម្ពុជាខេត្តស្វាយរៀងបានឧបត្ថម្ភក្នុងម្នាក់ៗទទួលបាន១០០០០០រៀលផងដែរ៕
