ខេត្តបន្ទាយមានជ័យ៖ កំលាំងអាវុធហត្ថខេត្តបន្ទាយមានជ័យចំនួន៤នាក់ដឹកនាំដោយលោកវរៈសេនីយ៍ត្រីព្រហ្មថេងប្រធានមន្ទីរយុត្តិធម៍បានចុះទៅស្រាវជ្រាវដល់ចំនុចភូមិចំការក្រូចបានជួបបុរសដែលកំពុងផ្សាយលក់ម៉ូតូមួយគ្រឿងយកមកសាកសួ។ការឃាត់ខ្លួនជនសង្ស័យលក់
ម៉ូតូចោរកម្មនោះនៅវេលាម៉ោង១០ព្រឹកថ្ងៃទី៨ខែឧសភឆ្នាំ៧០១៥នៅភូមិចំការក្រូច សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។លោកឧត្តមសេនីយ៍ ត្រីឪបូរិន្ទមេបញ្ជាការកងរាជអាវុធហត្ថខេត្តបន្ទាយមានជ័យបានឲ្យដឹងថាជនសង្ស័យមានឈ្មោះ យឿម ជាតិ ភេទ ប្រុស អាយុ ២៣ឆ្នាំ ដែលមានទីលំនៅ ភូមិបាលិលេយ្យ សង្កាត់និងក្រុងប៉ោយប៉ែត ខេត្តបន្ទាយមានជ័យ ។លោកបាននិយាយបន្តថាជននោះត្រូវបាននាំខ្លួនព្រមទាំងម៉ូតូមកកាន់អាវុធហត្ថខេត្តដើម្បីធ្វើការសាកសួរ ព្រោះមានការសង្ស័យថាម៉ូតូនេះជាផលនៃអំពើលួច។ក្រោយពីសមត្ថកិច្ចសាកសួរទើបដឹងថាម៉ូតូនេះបានមកពីអំពើលួចពិតប្រាកដមែនប៉ុន្តែម្ចាស់ឈ្មោះ គា ដែលជាអ្នកលួចយកមកអោយរូបគេជាអ្នកលក់ តែពុំដឹងឈ្មោះ គានោះលួចមកពីណានោះទេ ។លោកឪបូរិន្ទបាននិយាយបន្តទៀតថាមុនពេលកើតហេតុជននោះបានយកម៉ូតូម៉ាកហុងដាទ្រីមសេ១២៥ព៌ណខ្មៅសេរី២០០៤យកមកពាវនាវលក់ក្នុងតំលៃ៦០ម៉ឺនរៀលនៅម្តុំកើតហេតុប្រជាពលរដ្ឋនៅទីនោះដោយមានការសង្ស័យថាជារបស់ចោរទើបទុរ
ស័ព្ទហៅសមត្តកិច្ចឲ្យមកចាប់តែម្តង។ បច្ចុប្បន្នត្រូវកំលាំងសមត្ថកិច្ចកំពុងធ្វើការស្រាវជ្រាវស្វែងរកចាប់ខ្លួនបក្សពួកឈ្មោះគាដែលកំពុងគេចខ្លួនចំនែកឈ្មោះយឿមជាតិសមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិធីច្បាប់ ចំនែកម៉ូតូរក្សាទុកនៅបញ្ជាការដ្ឋានកងរាជអាវុធហត្ថខេត្តដើម្បីស្រាវជ្រាវរកម្ចាស់ធ្វើការប្រគល់អោយវិញ ម៉ូតូដែលមានលេខម៉ាស៊ីន 8053100បើរបស់បងប្អូនណាសូមមកទាក់ទងនិងកងរាជអាវុធកុំឲ្យខាន៕
