ខេត្តបន្ទាយមានជ័យ៖ ថ្មីៗនៅស្រុកព្រះនេត្រព្រះមានកសិករក្រីក្រម្នាក់មួយបានកើតកូនភ្លោះ៣នាក់មកចំពេលដែលខ្យល់កន្ត្រាក់បោកបក់មកចំផ្ទះរបស់គាត់តែសំណាងល្អណាស់កូនភ្លោះទាំង៣នាក់នោះពុំមានគ្រោះថ្នាក់និងកើតមកមានសុខភាពល្អមាំមួន។កូមភ្លោះដែលកើត
ក្នុងត្រកូលកសិករនោះកើតនៅវេលាម៉ោង៨យប់ថ្ងៃទី២១ខែមេសាឆ្នាំ២០១៥នៅមន្ទីពេទ្យគន្ធបុប្ផា។បើតាមការអះអាងរបស់ម្តាយបង្កើតកូនភ្លោះទាំង៣នាក់នោះបានរៀបរាប់ប្រាប់អ្នកយកព៌ត័មានឲ្យដឹងថាគាត់ជាកូនកសិករក្រីក្របំផុតមានឈ្មោះធឿមឈីអាយុ២៨ឆ្នាំប្តីរបស់គាត់មានឈ្មោះប៉ូចអ៊ាកអាយុ៣៣ឆ្នាំរស់នៅភូមិទ្រឡោកត្បូង ឃុំភ្នំលាភ ស្រុកព្រះនេត្រព្រះ ខេត្តបន្ទាយមានជ័យ ។គាត់បាននិយាយបន្តថាមុននិងកូនភ្លោះទាំង៣នាក់ចាប់កំណើតបាន៥ខែគាត់បានទៅពិនិត្យផ្ទៃពោះនៅមណ្ឌលសុខភាពពេទ្យបានប្រាប់ថាគាត់មានកូនភ្លោះ២នាក់លុះគ្រប់ខែដល់ថ្ងៃកើតគាត់ក៏បានទៅកើតនៅមន្ទីរពេទ្យគន្ធបុប្ផាស្រាប់តែគាត់សំរាលកូមមកកើតបានកូនដល់ទៅ៣នាក់ទៅវិញ។លោកស្រីធឿមឈីបាននិយាយបន្តថាបច្ចុប្បននេះគាត់មានកូន២នាក់រួចទៅហើយហើយនេះជាកំណើតទី៣ស្រាប់តែកើតមកកូនបានដល់៣នាក់បន្ថែមទៀតរហូតមកដល់សព្វថ្ងៃនេះកូនរបស់គាត់មានរហូតដល់ទៅ៥នាក់។កូនភ្លោះទាំង៣ទី១មានឈ្មោះ អ៊ាកវ៉ាន់ចាន់ថាណា ស្រីទី២មានឈ្មោះអ៊ាកវ៉ាន់លក្ខ ស្រី ទី៣មានឈ្មោះអ៊ាកម៉េងហេង ប្រុស។លោកស្រីធឿមឈីនិយាយបន្តថាក្រោយពីកើតបានកូនភ្លោះទាំង៣នាក់នោះរួចមកជីវភាពគ្រួសាររបស់ពីមួយថ្ងៃទៅមួយថ្ងៃកាន់តែយ៉ាប់ទៅៗទឹកដោះក៏គ្មានទឹក
ដោះគោក៏គ្មានលុយទិញឲ្យកូនទាំង៣ប៉ៅទៀតផងព្រោះគ្រួសារមួយនេះពឹងផ្អែកទៅលើប្តីគាត់ទាំងស្រុងតែម្នាក់ចំណែកមុខរបរបស់គ្រួសាររំពឹងតែការធ្វើស្រែតែមួយបុ៉ណ្ណោះគាត់ពុំដឹងថាទៅថ្ងៃមុខអាចចឹញ្ចឹមកូនទាំង៥នាក់នេះរស់ដោយរបៀបណានោះឡើយបើក្នុងផ្ទះរបស់គាត់គ្មានអង្ករច្រកឆ្នាំងផងនោះសព្វថ្ងៃនេះគ្រួសាររបស់គាត់រំពឹងតែញាត្តិជិតខាងផ្តល់ចំណីបន្ទិចបន្ទួចដល់គ្រួសារគាត់តែប៉ុណ្ណោះ។អ្នកស្រីធឿមឈីបានបន្តទៀតថាគ្រុមគ្រួសាររបស់គាត់អកុសល់ណាស់នៅថ្ងៃទី៧ខែឧសភាឆ្នាំ២០១៥នេះស្រាប់តែជួបប្រទះនិងខ្យល់កន្ត្រាក់គួចយកផ្ទះគាត់បណ្តាលឲ្យរលំអស់ទាំងស្រុងតែសំណាងល្អដែរពុំមានគ្រោះថ្នាក់ដល់អាយុជីវិតដល់គ្រួសាររបស់គាត់ទេ។លោកស្រីបានបន្តទៀតថាថ្មីនេះតំណាងរាស្ត្រប្រចាំមណ្ឌលខេត្តបន្ទាយមានជ័យនិងក្រុមការងារជាច្រើននាក់បានចុះទៅសួសុខទុកនិងបាននាំយកសង្គសីទៅជូននិងជួយជួសជុលផ្ទះដល់គ្រួសារគាត់ដែរតែមិនអាចបំពេញតាមសេចក្តីត្រូវការនោះឡើយ៕
