ភ្នំពេញ ៖ ម៉ូតូ២ គ្រឿងបានបុកគ្នាយ៉ាងពេញទំហឹងបណ្តាលអោយបុរសម្នាក់រងរបួសធ្ងន់បញ្ជូនទៅមន្ទីរពេទ្យបង្អែកពោធិ៍ចិនតុង គ្រោះថ្នាក់ខាងលើនេះបានកើតមានឡើងនៅវេលាម៉ោង ០១ និង ២០ នាទីនៅចំណុចខាងមុខអនុវិទ្យាលយ័ពោធិ៍ចិនតុង ស្ថិតនៅក្នុងភូមិប្រប្រក់ខាងជើង សង្កាត់កាកាប ។ មុនពេលកើតហេតុមានម៉ូតូមួយគ្រឿងម៉ាកអាយខុន ពណ៍ផ្ទៃមេឃ ពាក់ស្លាកលេ ខភ្នំពេញ1BD-6141 ជិះធ្វើដំណើរដោយស្ត្រីម្នាក់ បានធ្វើដំណើរក្នុងទិសដៅពីកើតទៅលិច ខណៈមកដល់ចំណុចកើតហេតុក៏បត់ឆ្លងផ្លូវ ក៏មានម៉ូតូមួយគ្រឿងម៉ាកហុងដាឌ្រីម ធុនសេ១២៥ ពណ៍ខ្មៅ ពាក់ស្លាកលេខ ភ្នំពេញ1CA-3950 ជិះធ្វើដំណើរដោយបុរស២នាក់ទិសដៅពីលិចទៅកើត ក៏ត្រូវម៉ូតូអាយខុន បុកចំពាក់កណ្តាលបណ្តាលអោយបុរសម្នាក់
ជាអ្នកបើកបរម៉ូតូហុងដាឌ្រីមរងរបួសធ្ងន់។បន្ទាប់ពីកើតហេតុជនរងគ្រោះត្រូវបានរថយន្តសាមុយដឹកបញ្ជូនទៅសង្គ្រោះនៅមន្ទីរពេទ្យបង្អែកពោធិ៍ចិនតុងភ្លាមៗ ចំណែកម៉ូតូទាំង២គ្រឿងត្រូវបានសមត្ថកិច្ចធ្វើការវាស់វែងនិងយកទៅរក្សាទុកនៅអធិការនគរបាលខណ្ឌពោធិ៍សែនជ័យដើម្បីរង់ចាំធ្វើការដោះតាមផ្លូវច្បាប់៕
