កំពង់ឆ្នាំង៖យុវតីស្រស់សោភាម្នាក់ បានភ្ញាក់ខ្លួនមានចិត្តអាណិតដល់អ្នកមាន គុណ ក៏បានសម្រេចចិត្តវិលត្រឡប់ចូលផ្ទះវិញនៅ ល្ងាចថ្ងៃទី ១០ខែឧសភា ឆ្នាំ២០១៥បន្ទាប់ពីនាងគេហទំព័រសារព័ត៌មានក្នុងស្រុកបានចុះផ្សាយពីការរត់ចេញពីផ្ទះរបស់ គ្រាន់តែឪពុកស្តីបន្ទោសរឿងអវត្តមាននៅសាលារៀនរួចមក ធ្វើអោយប្រីយមិត្ត អ្នកអានបានចំណាប់អារម្មណ៏លើអត្ថបទ ដែលបានពណ៏នា ពីទឹកចិត្តឪពុក ម្តាយនិងជីដូន ដែលបានបាត់បង់កូន និងចៅស្រីជាទីស្រឡាញ់ ហើយបានព្យាយាមដង្ហោយហៅ កូននិងចៅស្រីអោយ ត្រឡប់មកផ្ទះវិញ….ពេលនោះប្រីយមិត្តបាន Share លើបណ្តាញសង្គមហ្វេសបុក ធ្វើអោយ ដំណឹ ងនៃការទន្ទឹងរង់ចាំនេះ បានដឹងដល់យុវតីខាងលើ ធ្វើអោយក្មេងស្រីរូបនោះត្រឡប់មកផ្ទះវិញ ដោយគ្រាន់តែសុំអោយគរបាលប៉ុស្តិរដ្ឋបាលកំពង់ឆ្នាំង ជួយជូននាងទៅផ្ទះវិញតែប៉ុណ្ណោះ ។
លោក ឡាច ស៊ីម៉ា ជាឪពុក មានទីលំនៅ ភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំងបានប្រាប់តាមទូរសព្ទ័ថាៈ កូនស្រីខ្ញុំមកផ្ទះវិញហើយ ខ្ញុំសូមអគុណខ្លាំងណាស់ ដល់សារព័ត៌មាន ដែលបានជួយសរសេរអោយកូនស្រីខ្ញុំភ្ញាក់ខ្លួនវិលត្រឡប់មកផ្ទះវិញ នៅល្ងាចម្សល់មិញនេះ( ១០ ឧសភា) ខ្ញុំបានទៅទទួលកូនស្រីខ្ញុំនៅប៉ុស្តិកំពង់ឆ្នាំង នាងថាៈខ្ញុំខុសហើយប៉ា ! ខ្ញុំសុំត្រឡប់ទៅផ្ទះវិញ ។
នាង ម៉េត កន្និកា វ័យ១៦ឆ្នាំ បាននិយាយរៀបរាប់ថាៈ ខ្ញុំខឹងនឹងឪពុកស្តីបន្ទោសរឿងមិនចូលសាលារៀន បានសម្រេច រត់ ចេញពីផ្ទះ កាលពីព្រឹកថ្ងៃទី៧ ខែឧសភា ឆ្នាំ២០១៥ ដោយខ្ញុំ គិតខ្លីខឹងនិងប៉ាមួយភ្លែត មិនបានគិតវែងឆ្ងាយ ខ្ញុំបានសម្រចចិត្ត ទាំងប្រថុយចេញពីផ្ទះ ទៅលាក់ខ្លួននៅផ្ទះមិត្តភក្រ័ ប៉ុន្តែចិត្តខ្ញុំនៅតែអាណិតស្រ ឡាញ់លោកអ្នក មានគុណដដែល ។
ខ្ញុំបានឃើញពេលមិត្តភក្រ័ខ្ញុំបានយកទូរសព្ទ័ដៃមកអោយខ្ញុំមើល គេហទំពរ័ សារព័ត៌មាន មានដាក់រូចខ្ញុំ ដោយសរសេរចំណងជើងថា“ ឪពុកអង្វរកូនស្រីស្រស់សោភា ដែ លចាក ចេញពីផ្ទះព្រោះតែស្តីអោយរឿងអត់ចូលសាលារៀន ត្រឡប់មកផ្ទះវិញ ” ខ្ញុំស្លុតចិត្តជាខ្លាំង និងប្រឹងអាន អត្ថបទ រហូតចប់ខ្ញុំស្រក់ទឹកភ្នែក ខ្ញុំគិតថាៈ ខ្ញុំខុសខ្ញុំបានធ្វើអោយពួកគាត់ស្រក់ទឹកភ្នែកដោយ សាររូបខ្ញុំ ។
ក្នុងពេលនោះមិត្តភ័ក្រ និងអុំស្រីជាម្តាយរបស់មិត្តភក្រ័ខ្ញុំ បានដាស់តឿន ណែនាំអោយខ្ញុំវិលត្រឡប់មកផ្ទះ វិញ ខ្ញុំក៏សម្រេចចិត្តសូមអោយអុំស្រី និងមិត្តភក្រខ្ញុំជូនខ្ញុំទៅដល់ប៉ុស្តិនគរបាលកំពង់ឆ្នាំង ក្រុងកំពង់ឆ្នាំងដើម្បីលោកទាំង២ជ្រាបថាៈ ខ្ញុំព្រមវិលទៅផ្ទះវិញហើយ សូមអោយប៉ា ម៉ាក់មកទទួលខ្ញុំវិញផងចុះកូនពិជាខុសធំណាស់ ។
ទន្ទឹមនេះដែរខ្ញុំសូមអគុណណាស់ដល់អ្នកសារព័ត៌មាន ដែលបានធ្វើអោយខ្ញុំភ្ញាក់វិលមកផ្ទះវិញ និងសូមអរគុណម៉ាក់ប៉ា ដែលបាន លើកលែងនូវ ទោសកំហុសដល់កូន ខ្ញុំបានប្តេជ្ញាចិត្តថាៈនិងមិនរត់ចោលផ្ទះទៀតទេ និងប្រឹងប្រែងរៀនសូត្រអោយបានល្អឡើងវិញមិនអោយម៉ាក់ប៉ា អស់សង្ឃឹមឡើយ៕
