ស្ទឹងត្រែង៖តុលាការសម្រេចឃុំខ្លួនជនសង្ស័យចំនួន៥នាក់ពាក់ព័ន្ធនិងការប្រើប្រាស់ចែកចាយគ្រឿងញៀនដែលកំលាំងអធិការដ្ឋាននគរបានស្រុកសៀមប៉ាងធ្វើការឃាត់ខ្លួន ជាមួយគ្រឿងញៀនប្រភេទមេតំហ្វេតាមីន(ICE)ចំនួន១៨កញ្ចប់តូចនិង២កញ្ចប់ធំ រួមនិងលុយ
សម្ភារៈប្រើប្រាស់មួយចំនួន។ ជនសង្ស័យទាំង៥នាក់ត្រូវបានកំលាំអធិការ ធ្វើការបង្ក្រាបកាលវេលាម៉ោង១១និង៣០នាទីថ្ងៃត្រង់ថ្ងៃទី១០ខែឧ សភាឆ្នាំ២០១៥ ត្រង់ចំណុចភូមិពងគ្រៀល ឃុំព្រែកមាស ស្រុកសៀមប៉ាង ខេត្តស្ទឹងត្រែង។
លោកវរៈវ៉ា សុផាន់អធិការស្រុកសៀមប៉ាងបានអោយដឹងថាជនសង្ស័យ៥នាក់ដែលសមត្ថកិច្ចធ្វើការឃាត់ខ្លួនមាន១ឈ្មោះឡឹង ធានី ភេទប្រុស អាយុ២៧ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិឬជានុកូល សង្កាត់ ក្រុងស្ទឹងត្រែង(មុខសញ្ញាចែកចាយ) ២ឈ្មោះឡែ សានភេទប្រុស អាយុ៤៧ឆ្នាំ ជនជាតិខ្មែរ មុខរបរ កសិករ មានទីលំនៅបច្ចុប្បន្ន ភូមិឡាកាយ ឃុំថ្មកែវ ស្រុកសៀមប៉ាង (មុខសញ្ញាចែកចាយ) ៣ឈ្មោះមួន វាសនា ភេទប្រុស អាយុ១៨ឆ្នាំ ៤ឈ្មោះថាវ៉ន ឃឹមវាន់ដា ភេទប្រុស អាយុ១៨ឆ្នាំ ៥ឈ្មោះភិន កុយ ភេទប្រុសអាយុ២២ឆ្នាំ (៣នាក់ជាអ្នកប្រើប្រាស់) គេទាំង៣នាក់មុខរបរ កសិករ មានទីលំនៅភូមិផាបាំង ឃុំថ្មកែវ ស្រុកសៀមប៉ា។
លោកអធិការបានបន្តអោយដឹងទៀតថាស្របពេលដែលកំលាំង របស់លោកចុះប្រតិបត្តិការ ស៊ើបអង្កេតករណីខាលើ បានជួបប្រទះការជួញដូរនៅសាធាតុញៀនដោយខុសច្បាប់ និងបានធ្វើការឃាត់ជនសង្ស័យទាំង៥នាក់ដែលកំពុងធ្វើសកម្មភាពប្រើប្រាស់ និងចែកចាយនិងបានធ្វើការឃាត់ខ្លួន ដកហូតបានគ្រឿងញៀនបានចំនួនd១៨កញ្ចប់តូចនិង២កញ្ចប់ធំ និងបាននាំខ្លួនមកកាន់ស្នងការដ្ឋាននគរបាលខេត្តទាំងយប់កមធ្វើការសាកសួរសួរ។
ក្រោមការសាសួរ និងបានធ្វើតេស្តបឋម ជនសង្ស័យទាំង៥នាក់ បានឆ្លើយសារភាពចំពោះមុខសមត្ថកិច្ចថា ថ្នាំញៀនពិតជារបស់ខ្លួនពិតប្រាកដមែន និងបានទទួលស្គាល់ថាពិតជាមានសារធាតុញៀនមែន។
ជនសង្ស័យទាំង៥នាក់ រួមនិងវត្ថុតាងថ្នាំញៀនប្រភេទ(ICE) សម្ភារៈប្រើប្រាស និងលុយមួយចំនួន ត្រូវបានសមត្ថកិច្ចជំនាញ បញ្ជូនទៅសាលាដំបូងខេត្ត សម្រេចឃុំខ្លួនកាលពីល្ងាចថ្ងៃទី១១ឧសភាម្សិលមិញរងចាំស៊ើបអង្កេតបន្ត៕
