ភ្នំពេញ៖ យុវជនម្នាក់ជិះម៉ូតូសេ១២៥មួយគ្រឿងបញ្ជ្រាស់ផ្លូវក្នុងល្បឿនយ៉ាងលឿនជ្រុលបុកម៉ូតូវេវមួយគ្រឿងទៀតបណ្ដាលឲ្យរងរបួសធ្ងន់ស្រាល៤នាក់ កាលពីវេលាម៉ោង២០និង១០នាទីយប់ ថ្ងៃទី៨ ខែមេសា ឆ្នាំ២០១៤ នៅចំណុចមុខប៊ូស ក្លឹប តាមបណ្ដោយផ្លូវណតប្រ៊ីត ស្ថិតក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជនម្នាក់ជិះម៉ូតូសេ១២៥ ពណ៌ខ្មៅ ពាក់ស្លាកលេខភ្នំពេញ1V-9441 ធ្វើដំណើរតាមបណ្ដោយផ្លូវណតប្រ៊ីត ក្នុងទិសដៅពីជើងទៅត្បូងក្នុងល្បឿនលឿនលុះមកដល់ចំណុចកើតហេតុបានជ្រុកបុកម៉ូតុវេវ ពណ៌
ខ្មៅ ពាក់ស្លាកលេខ កំពង់ចាម 1F-3588 ដែលធ្វើដំណើរបញ្ច្រាស់ទិសបណ្ដាលឲ្យរងរបួសធ្ងន់ស្រាល៤នាក់។ ក្រោយពេលកើតហេតុជនរងគ្រោះដែលរបួសធ្ងន់ត្រូវបានរថយន្តសង្គ្រោះដឹកទៅសង្គ្រោះភ្លាមៗចំណែកម៉ូតូសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌសែនសុខដើម្បីរងចាំដោះស្រាយពេលក្រោយ៕
