បាត់ដំបង: ស្ត្រីម្នាក់ដែលអ្នកណាក៏ល្បីថាជាមេឈ្មួញឈើដ៏ធំមួយប្រចាំស្រុកសំឡូត និងត្រូវជាភរិយារបស់លោកមេបញ្ជាការរងកងរាជអាវុធហត្ថស្រុកសំឡូតផងនោះ បានគំរាមនិងជេរប្រមាថសមត្ថកិច្ច យ៉ាងចាស់ដៃ ខណ:ដែលសមត្ថកិច្ចបានឃាត់គោយន្តដឹកជន្លង់ម្រេចចំនួន6គ្រឿងដើម្បីបញ្ជូនទៅអោយកំលាំងបរិស្ថានដែនភ្នំសំកុះ ហើយត្រូវបានស្ត្រីរូបនេះលើកកំលាំងប្រដាប់ដោយកំបិត ពូថោមកកាប់ខ្សែទំលាក់ឈើនៅរាយប៉ាយពេញផ្លូវត្រង់ចំនុចភូមិតាសាញត្បូង ឃុំតាសាញ ស្រុកសំឡូតកាលពីពេលកនលងទៅថ្មីៗនេះ ដោយមិនអនុញ្ញាតិអោយការនាំឈើនេះទៅដល់គោលដៅឡើយ។តាមការអះអាងពីប្រភពជាច្រើនបាននិយាយថា ស្ត្រីដែលជាឈ្មួញឈើនោះមានឈ្មោះបុឹង ស្មុី ជាភរិយារបស់លោកឈឿន 
សុផាត មេបញ្ជាការរងប៉េអឹមស្រុកសំឡូត ដោយគេមានមុខរបររកសុីឈើគ្រប់ប្រភេទ ហើយគ្មានខ្លាចសមត្ថកិច្ចបន្តិចណាសោះឡើយទំនងជាមានខ្នបង្អែកក្រាស់ឬមួយក៏ស្វាមីជាអ្នកកាងក៏អាចថាបាន។លុះនៅមុនពេលកើតហេតុខាងលើ គឺស្ត្រីរូបនេះបានជួលគោយន្តកន្រៃ្តចំនួន6គ្រឿងដឹកសសរគ្រាក់និងឈើពេញ ដែលក្នុងមួយគោយន្តប្រហែល30ដើមក្នុងគោលបំនងយកទៅលក់ចែកចាយដល់អ្នកដែលត្រូវការធ្វើជាជន្លង់ម្រេច ហើយក៏ត្រូវបានកំលាំងអធិការដ្ឋាននគរបាលស្រុកឃាត់ជាប់នាពេលទៀបភ្លឺដោយបាននាំចូលទៅរក្សាទុកនៅក្នុងអធិការដ្ឋាន។ព្រឹកឡើងក្រោយពីបានរាយការទៅកំលាំងជំនាញរួចមកសមត្ថកិច្ចក៏បានដឹកនាំឈើទាំងនោះទៅកាន់ទីតាំងបរិស្ថានដែនភ្នំសំកុះ ប៉ុន្តែនៅពេលទៅដល់ចំនុចភូមិតាសាញត្បូង ក៏
ស្រាប់តែស្ត្រីរូបនេះបានបញ្ជាកំលាំងមកព្រោងព្រាតដោយនៅដៃមានកំបិត ពូថៅមកកាប់ខ្សែទំលាក់ឈើពាសពេញផ្លូវគឺធ្វើយ៉ាងណាមិនអោយការនាំឈើនេះបានទៅដល់គោលដៅឡើយ ព្រមទាំើងបានដៀលសមត្ថកិច្ចយ៉ាងចាស់ដៃ ដោយគេបានប្រើពាក្យថា”ចង់ចាប់ឈើទាំងនេះយកទៅញាត់ម៉ែវាឬ” ពាក្យមួយប្រយោគនេះបានធ្វើអោយសមត្ថកិច្ចប្រតិកម្មយ៉ាងខ្លាំង ដោយនៅពេលនោះកំលាំងបរិស្ថានដែនភ្នំសំកុះក៏បាន
ចុះមកដល់ចំនុចនេះដែរ ដោយសារតែភាពតានតឹងជាមួយនឹងមេឈ្មួញឈើដ៏ធំប្រចាំតំបន់នេះ។លោកអធិការលី ប៊ួយ បានលើកឡើងថា កន្លងមកលោកធ្លាប់បានទទួលបទបញ្ជាពីលោកឥន្ទ សៅរិទ្ធ អភិបាលស្រុកសំឡូត ដោយមិនអនុញ្ញាតិអោយមានការនាំឈើជន្លង់ម្រេចនេះទៅលក់ចែកចាយនៅក្រៅស្រុកឡើយ គឺអាចអនុញ្ញាតិអោយតែក្នុងស្រុកតែប៉ុណ្ណោះ ដូច្នេះហើយបានជាលោកបញ្ជាទៅកំលាំងអោយឃាត់ឈើទាំងនេះ ដើម្បីបញ្ជូនទៅអោយកំលាំងជំនាញជាអ្នកចាត់តាមផ្លូវច្បាប់ប៉ុន្តែមិនគួរណាស្ត្រីរូបនេះប្រើពាក្យសម្តីត្មះតិះដៀលដល់សមត្ថកិច្ចយ៉ាងធ្ងន់ធ្ងរបែបនេះសោះមិនត្រឹមតែប៉ុណ្ណោះទេ ស្ត្រីរូបនេះបានហៅទូរទស្សន៍មួយចំនួនដែលគេបានដឹងថា(សុីលុយ)អោយមកថត ផ្សាយដោយគ្មានហេតុផលទាល់តែសោះគឺក្រុមទូរទស្សន៍ដែលមានវិជ្ជាជីវ:ពេញខ្លួនបែរជាយកសម្តីឈ្មួញឈើទៅចាក់ផ្សាយ ហើយជាន់សមត្ថកិច្ចបន្ថែមទៀតដូច្នេះតើការផ្សាយនេះត្រឹមត្រូវដែរឬទេ? លោកអធិការបានស្នើសុំអោយអគ្គនាយកទូរទស្សន៍ដែលធ្លាប់តែល្បីនោះក្រលេកមើលនិង តាមដានភ្នាក់ងាររបស់ខ្លួននៅតាមបណ្តាខេត្តផង ព្រោះគេបានសម្ភាសន៍ជាមួយលោកដែរចុះហេតុអ្វី ក៏មិនដាក់សម្តីរបស់លោកផង បែរជាយកតែសម្តីរបស់អ្នករកសុីល្មើសច្បាប់ទៅដាក់តែម្ខាងទៅវិញ?
ព្រោះស្ត្រីដែលជាឈ្មួញឈើនេះបានដឹកឈើជន្លង់ម្រេចទៅចែកចាយដល់ខេត្តបន្ទាយមានជ័យខេត្តប៉ៃលិន និងស្រុកសំពៅលូន នេះគឺជាការនាំចេញដោយមិនស្របច្បាប់ឡើយ ហើយបច្ចុប្បន្នលោកកំពុងរឹតបន្តឹងទៅតាមបទបញ្ជារបស់លោកអភិបាលស្រុកយ៉ាងមុឺងម៉ាត់៕
