ភ្នំពេញ៖ រថយន្តមួយគ្រឿងដែលមិនស្គាលម៉ាកមួយគ្រឿងបានបើកទៅបុកម៉ូតូមួយគ្រឿងបណ្ដាលឲ្យនារីម្នាក់រងរបួសបាក់ជើងម្ខាងនិងនាក់ទៀតរងរបួសស្រាល ហេតុការណ៏គ្រោះថ្នាក់នេះបានកើតឡើងកាលពីវេលាម៉ោង១និង១០នាទីយប់រំលងអាធ្រាត ឈានចូលថ្ងៃទី៩ ខែមេសា ឆ្នាំ
២០១៤ នៅខាងជើងវត្តសន្សំកុសល់ តាមបណ្ដោយផ្លូវលេខ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំកាមន។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញម៉ូតូមួយគ្រឿងម៉ាកឃ្លីក ពណ៌ខៀវ ពាក់ស្លាកលេខកណ្ដាល1B-5174 ធ្វើដំណើរតាមបណ្ដោយផ្លូវលេខ២៧១ ក្នុងទិសដៅពីត្បូងទៅជើងលុះមកដល់ចំណុចកើតហេតុស្រាប់តែមានរថយន្តមិនស្គាលម៉ាកមួយគ្រឿងធ្វើដំណើរស្របទិសគ្នាបានបុកចំពីក្រោយពេញទំហឹងបណ្ដាលឲ្យនារីម្នាក់រងរបួសបាក់ជើងម្ខាងនិង២នាក់ទៀតរងរបួសស្រាលចំណែករថយន្តបង្កបានបើករត់គេចខ្លួនបាត់ស្រមោល។ ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅសង្គ្រោះនៅមន្ទីរពេទ្យភ្លាមចំណែកម៉ូតូសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌចំការមនដើម្បីរងចាំដោះស្រាយពេលក្រោយ៕
