កំពង់ធំ=ទោះជាឈ្មួញលួចបូមខ្សាច់លើសពីបរិមាណដែលច្បាប់កំណត់ ក៏លោកអភិបាលស្រុក និងលោក ប្រធានមន្ទីររ៉ែថាមពលខេត្តកំពង់ធំ នៅតែធ្វើព្រងើយ ធ្វើឲ្យមានការសង្ស័យថា បើខ្លោចស្រុកមិនឲ្យដៃ ខ្លោចព្រៃឯណាទៅហ៊ាន មានច្បាប់២ពាន់ម៉ែត្រ តែលួចបូមរហូតដល់ទៅ ១០គីឡូម៉ែត្រ ដោយពុំមានការទប់ស្កាត់នោះឡើយ ។
ជាក់ស្តែង នៅព្រឹក ថ្ងៃទី១៤ ខែ ឧសភា ឆ្នាំ២០១៥ ការដ្ឋានបូមខ្សាច់ នៅចំនុច អូរក្រពើ ភូមិត្រាច ឃុំកំពង់ចិនជើង ស្រុកស្ទោង ខេត្តកំពង់ធំ ដែលមានលក្ខណៈទ្រង់ទ្រាយធំ រហូតដល់រាប់ម៉ឺនម៉ែត្រគី បណ្ដាលអោយមានការបាក់ច្រាំងជាបណ្ដើរៗ ប្រវែងជាង១០០ម៉ែត្រហើយ បែរជាសមត្ថកិច្ចជំនាញបរិស្ថាន អាជ្ញាធរស្រុក រ៉ែថាមពល មិនខ្ចីទប់ស្កាត់ ថែមធ្វើមិនដឹងមិនលឺ ធ្វើអោយប្រជាពលរដ្នមានការព្រួយបារម្ភ ជាខ្លាំងពីការបាក់ច្រាំងនេះអាចនិងឈានដល់ដីរបស់ពួកគាត់ដែលនៅជាប់មាត់ស្ទឹងនេះ ខណៈពេលដែលបូមខ្សាច់ទាំងយប់ទាំងថ្ងៃ លក់ចែកចាក់តាម ដេប៉ូ តាមការដ្ឋានសំណង់ផ្សេងៗ នៅក្នុងស្រុកស្ទោង ចំណែកប្រជាពលរដ្ឋក្រីក្ររ លោកប្រធានមន្ទីររ៉ែថាមពល និងលោក អភិបាលស្រុក មិនព្រមអនុញ្ញាតិ ថែមទាំងបើកភ្លើងពណ៍ អោយពួកអ្នកមានលុយ បូមខ្សាច់នេះបានយ៉ាងរលូន ហើយ ធ្វើបាបប្រជាពលរដ្នក្រីក្រទៅវិញ។
ខណៈពេលដែល អ្នកពត៌មានយើងចុះទៅថតរូបភាព បែរជាម្ចាស់ការដ្ឋាន គំរាម ហាមមិនឲ្យថត ដោយចេញកាយវិការច្រលើបើស ប្រើពាក្យសំដីមិនសមរម្យ ទំនង់ជាទម្លាប់សណ្តានអ្នកមាន បានប្រមាថមើលងាយ និងសួររកលិខិត ប៉េសកម្ម និងសួររកអាជ្ញាប័ណ្ណពត៌មាន ក្នុងការចុះយកពត៌មាន ខណៈពេលដែលខ្លួនបានលួចបូមខ្សាច់លើសពីច្បាប់អនុញ្ញាតិ ម្ចាស់ការដ្ឋានខ្សាច់ឈ្មោះ ងួន ណៃគឺ ជាម្ដាយ ឪពុកឈ្មោះ ជា គឹម អ៊ីវ និងកូន ជា វិសាល លោក ជា វិសាល មានសំដីអំនួត ថាខ្លួនអាចបូម ចំងាយ២គឺឡូម៉ែត្រ ទៅ១០គឺឡូម៉ែត្រ ដោយពុំមានន
ណាហានធ្វើអ្វីគេទេ ដោយសារតែ គេបានបង់លុយឲ្យទៅ អភិបាលស្រុក និង ប្រធានមន្ទីររ៉ែថាមពលអស់ហើយ បានចេញចរិក ក្រអើតក្រទង យ៉ាងខ្លាំងដោយអាងខ្លួនមានច្បាប់ ។
ចំណែក លោក ណឹប ចន្ថា ប្រធានមន្ទីររ៉ែថាមពល ដែលរងការរិះគន់ ពីការឡាក់ឡើយ គ្មានការត្រួតពិនិត្យទីតាំង និងកំណត់ព្រំដីឲ្យបានច្បាស់លាស់នេះ ជាហេតុធ្វើឲ្យឈ្មួញឆ្លៀតឳកាសលួចបូមខ្សាច់ដោយខុសទីតាំង គឺអាចសុំការ បំភ្លឺបានទេ ដោយទូរស័ព្ទចូលហើយមិនលើកទូរស័ព្ទ ពុំដឹងថាគាត់ជាប់រវល់ក្នុងកិច្ចការងារឬកិច្ចវែសបានជាពុំលើកទូស័ព្ទ៕
ដោយ ប៊ុន រដ្ឋា
