ខេត្តបន្ទាយមានជ័យ៖ ជនរងគ្រោះឈ្មោះ ផែន ចន្ធី ភេទ ប្រុស អាយុ ១៩ ឆ្នាំ និងប្រពន្ធឈ្មោះ ឌី ចន្នី អាយុ១៨ ឆ្នាំមានទីលំនៅ ភូមិ ព្រៃព្រំពីរ ឃុំ របោសមង្គល ស្រុក មោងឫស្សី ខេត្តបាត់ដំបង កាលវេលាម៉ោង៥ល្ងាចថ្ងៃ១៥ខែឧសភាឆ្នាំ២០១៥ជនរងគ្រោះបានដាក់ពាក្យ
ប្តឹងដល់កងរាជអាវុធហត្ថថាខ្លួន២នាក់ប្តីប្រពន្ធបានធ្វើដំណើរត្រលប់មកពីប្រទេសថៃវិញពេលមកដល់ផ្សារលុងក្លឿរ ប្រទេសថៃបានជួបក្រុមជនសង្ស័យមានគ្នា៦នាក់បានមកនិយាយបញ្ចុះបញ្ចូលថាពួកគេជូនចេញពីផ្សាររោងក្លឿរមកកាន់ទឹកដីកម្ពុជាវិញដោយយកថ្លៃជូនម្នាក់៤៥០បាត រួចហើយក្រុមជនសង្ស័យបានយកកាបូបខោអាវរបស់ជនរងគ្រោះដើរចេញមកតែម្ដង។បន្ទាប់មកជនរងគ្រោះក៏បានចេញមកដែរពេលចេញមកដល់ដីខ្មែរជនរងគ្រោះបានបង់ប្រាក់ឲ្យទៅក្រុមជនសង្ស័យចំនួន៩០០បាតតាមកាព្រមព្រៀងរួចហើយក្រុមជនសង្ស័យបាននាំគ្នាចេញទៅបាត់អស់នៅសល់ជនសង្ស័យម្នាក់ ឈ្មោះវឿន សី បានទាមទារឲ្យជនរងគ្រោះបង់ប្រាក់បន្ថែមចំនួន៥០០បាត ថែទៀត ដោយអស់សង្ឃឹមក្នុងការឆ្លងដែនមកកាន់កម្ពុជាក៏សម្រេចចិត្តប្រគល់លុយបន្ថែមលុះមកដល់ទឹកដីកម្ពុជាក៏រត់មកប្តឹងអាវុធហត្ថឲ្យជួយអន្តរាគមន៍តែម្តង ។លោកឧត្តមសេនីយ៏ ត្រីឧបូរិន្ទមេបញ្ជាការកងរាជអាវុធហត្ថក្រោយពីបានទទួលពាក្យបណ្ដឹងរួចកំលាំងអាវុធហត្ថមូលដ្ឋានក្រុងប៉ោយប៉ែតចុះធ្វើអន្តរាគមន៍ភ្លាមៗ ដឹកនាំដោយលោកជាដា មេបញ្ជាការមូលដ្ឋានអាវុធហត្ថក្រុងប៉ោយប៉ែតធ្វើស្រាវជ្រាវរហូតឃាត់ខ្លួនបានជនសង្ស័យម្នាក់ឈ្មោះ វឿន សី ភេទប្រុស អាយុ១៩ឆ្នាំ នៅវេលាម៉ោង៧ និង១៥នាទីយប់ ថ្ងៃខែដដែល មកកាន់មូលដ្ឋានអាវុធហត្ថក្រុងដើម្បីធ្វើការសាកសួរ។ក្រោយពីសមត្ថកិច្ចធ្វើការសាកសួរជនសង្ស័យឈ្មោះ វឿន សី បានឆ្លើយសារភាពថាពួកគេពិតជាបានធ្វើសកម្មភាពជំរិតទារប្រាក់ពីជនរងគ្រោះពិតប្រាកដមែន ដោយមានបក្សពួកចំនួន៤នាក់គឺ ទី១ឈ្មោះ ហ៊ួរ ភេទ ប្រុស អាយុ ១៨ឆ្នាំ ទី២ ឈ្មោះ អូរ លាង ភេទ ប្រុសអាយុ៣១ឆ្នាំ ទី៣ឈ្មោះ សុខ ជា ភេទ ប្រុស អាយុ ២៥ឆ្នាំ ជនសង្ស័យ៣នាក់នេះកំពុងរត់គេចខ្លួន និងទី៤ឈ្មោះ វឿន សី ភេទប្រុស អាយុ១៩ឆ្នាំ សមត្ថកិច្ចឃាត់ខ្លួនបានសម្រេចបក្សរបស់ខ្លួនគឺរស់នៅក្នុងក្រុងប៉ោយប៉ែត។បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិធីច្បាប់ ចំណែកបក្ខពួក៣នាក់ទៀត សមត្ថកិច្ចកំពុងស្រាវជ្រាវចាប់ខ្លួនបន្តយកមកញាត់គុកបន្តកំឲ្យចេះតែដើរជំរិតទាប្រាក់ពីគេបន្តទៀត៕
