ខេត្តព្រះសីហនុ៖ ព្រឹកថ្ងៃទី១៤ ខែឧសភា ឆ្នាំ២០១៥ ឯកឧត្តម ណុះ ស្លេះ អនុរដ្ឋលេខាធិការក្រសួងអប់រំ យុវជន និងកីឡា និងជាសមាជិកគណះកម្មការកណ្តាលនៃអង្គការមូលនិធិមូស្លឹមកម្ពុជា បានដឹកនាំក្រុមសិស្សមកពីតាមបណ្តាខេត្តចំនួន ១០០នាក់ ធ្វើកម្មសិក្សាបោះជំរុំនៅ
ឆ្នេរអូឈើទាល និងចូលរួមសំអាតបរិស្ថាននៅតាមបណ្តោយឆ្នេរអូឈើទាល ស្ថិតក្នុងសង្កាត់លេខ៤ ក្រុង ខេត្តព្រះសីហនុ ក្នុងឪកាសព្រះរាជពិធីបុណ្យចំរើនព្រះជន្មព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាសក្រត្សនៃព្រះរាជាណាចក្រកម្ពុជា ។
ឯកឧត្តម ណុះ ស្លេះ បានមានប្រសាសន៌ថា ក្នុងឪកាសចុះធ្វើកម្មសិក្សានៅខេត្តព្រះសីហនុ ក្រៅពីកម្មសិក្សា សិស្សទាំងអស់ក៌បានចូលរួមការងារសំអាតបរិស្ថាននៅក្នុងសង្គមផងដែរ ដើម្បីទីក្រុងស្អាត រមណីយដ្ឋានស្អាត សេវាល្អ ដែលជាយុទ្ធសាស្ត្រដ៏សមស្របបំផុតក្នុងការចូលរួមការអភិវឌ្ឍន៏ទេសចរណ៌ដែលជាមាសបៃតង និងនាំឪ្យខេត្តព្រះសីហនុ ក៌ដូចកម្ពុជាឆ្ពោះទៅរកភាពស្អាត និងបៃតងជានិច្ច ហើយកិច្ចការនេះយើងត្រូវតែចូលរួមខិតខំប្រឹងប្រែងលើកកម្ពស់ភាពស្អាត បៃតងដោយឈរលើគោលការណ៏និរន្តរភាពនៃការអភិវឌ្ឍន៏ទីក្រុងស្អាត ។
ឯកឧត្តម បានបន្តថា ការចូលរួមរបស់សិស្សនាពេលនេះ សម្មភាពចូលរួមសំអាតបរិស្ថាន ជាកិច្ចការមួយមិនអាចខ្វះបានដោយមានការចូលរួមសហការទាំងអស់គ្នាទាំងសិស្ស និស្សិត មន្ត្រីរាជការ ប្រជាពលរដ្ឋ និងភ្ញៀវទេសចរជាតិ និងអន្តរជាតិផងដែរ ការងារនេះ គឺជាបណ្តុំដ៌សំខាន់សម្រាប់ការរស់នៅ កាសម្រាកលំហែកាយ សកម្មភាពទេសចរណ៏នានា ចូលរួមដល់ការលើកកម្ពស់គុណភាពសេវាកម្ម និងផលិតផលទេសចរណ៏នៅតាមបណ្តាទីក្រុង និងទីប្រជុំជនប៉ុណ្ណោះទេ ព្រមទាំងចូលរួមលើកកម្ពស់កិត្យានុភាពរបស់ខេត្តព្រះសីហនុ ដែលជាខេត្តគោលដៅទេសចរណ៏ធម្មជាតិ ដែលមានខ្សល់អាកាសបរិសុទ្ធ និងការចូលរួមប្រឡងប្រណាំងទីក្រុងស្អាត ដែលជាកត្តាកំណត់ដល់ការអភិវឌ្ឍន៏វិស័យទេសចរណ៏ប្រកបដោយនិរន្តរភាពគ្រប់ជ្រុងជ្រោយ តាមរយះការធានាតុល្យភាពនៃការកាត់បន្ថយជាអតិបរិមានូវរាល់ផលប៉ះពាល់ជាវិជ្ជមាន ដល់ផ្នែកសេដ្ឋកិច្ច សង្គម វប្បធម៌ និងបរិស្ថានព្រមទាំងកំណើនសេដ្ឋកិច្ចប្រកបដោយសមធម៌ តាមរយះការពង្រីកលំហូរទេសចរទៅគ្រប់ទីតំបន់នៃ
ព្រះរាជាណាចក្រកម្ពុជា ដើម្បីចូលរួមដល់ការលើកកម្ពស់លក្ខខណ្ឌរស់នៅរបស់ប្រជាពលរដ្ឋក្នុងទីក្រុង ទីប្រជុំជនឪ្យកាន់តែមានភាពប្រសើរឡើងថែមទៀត បរិស្ថានជាផ្នែកមួយទាក់ទងទៅនឹងវិស័យទេសចរណ៏ក្នុងប្រទេសកម្ពុជា ដើម្បីឆ្លើយតបទៅនឹងបញ្ហាប្រែប្រួលអាកាសធាតុប្រកបដោយប្រសិទ្ធិភាពជំរុញទីក្រុងកាន់តែមានភាពរស់រវើក និងមានជានិរន្ត ៕
