សៀមរាបៈ មានការរអ៊ូរទាំ ពីសំណាក់បងប្អូនប្រជាពលរដ្ឋ ដែលមានអាជីពជាលក់ម្ហូបអាហារ និងអ្នកជួយកន្លែងអង្គុយមាត់ទឹក បានពោលពាក្យថា បើប្រៀបធៀបនឹងចំនួនភ្ញៀវទស្សនាទាំងភ្ញៀវជាតិ និងភ្ញៀវអន្តរជាតិ នៅខែឧសភា ឆ្នាំ២០១៤ និងឆ្នាំ២០១៥ ចំនួនភ្ញៀវមានការថយចុះ ចំណែកថ្ងៃមានបុណ្យទាន ក៏មិនសូវច្រើនដូចឆ្នាំមុនៗដែរ រីឯការ ចំណាយរបស់ភ្ញៀវទេសចរណ៍ មានការត្បិតត្បៀត ទៅលើចំណីអាហារ។
បងស្រីម្នាក់ឈ្មោះ យាយ នឿង អាយុ ៥១ឆ្នាំ មានកូន៥នាក់ ប្តីរបស់បងស្រីនៅផ្ទះចិញ្ចឹមជ្រូក ចំណែកបងស្រីបានមក ជួលកង់ឡានក្នុងមួយថ្ងៃអាចរកចំណូល ៣ម៉ឺន ទៅ៤ម៉ឺនរៀល ហើយនិងត្រូវបង់ភាស៊ីឲ្យទៅ លោក កុក ឃន ដែលជាអ្នកម៉ៅការ ក្នុងមួយថ្ងៃ៥០០០រលៀល ទាំងកន្លែងសម្រាប់ជួលអង្គុយផងដែរ ចំណែកការជួលតូប មួយកន្លែង ត្រឹមតែ ៥០០០រៀលតែប៉ុណ្ណោះ តែបើសិនជា ភ្ញៀវដែលមានអ្នកអង្គុយចាំហៅភ្ញៀវនៅខាងលើខ្នងទំនប់ គឺអ្នកគក់ជេរយកថ្លៃដល់ទៅមួយម៉ឺនរៀល សម្រាប់អ្នកគក់ជេរ៥០០០រៀល តែបើសិនជា ភ្ញៀវចុះមករកកន្លែងអង្គុយដោយខ្លួនឯង ដោយទាក់ទងម្ចាស់ផ្ទាល់ តំលៃត្រឹមតែ ៥០០០រៀលប៉ុណ្ណោះ។
ពាក់ព័ន្ឋទៅនិងសេវាកម្ម បំរើជូនភ្ញៀវទេសចរណ៍ ត្រូវបានមហាជនរិះគន់ថា តំលៃម្ហូបអាហារមួយចំនួនថ្លៃនិងអាហារ ខ្លះថ្លៃកប់ពពក ជាពិសេសតំលៃផ្ញើររថយន្តដល់ទៅ៤០០០រៀល ក្នុងមួយគ្រឿង ក្នុងមួយថ្ងៃៗរថយន្តជាច្រើនគ្រឿង ទៅទស្សនា តែពុំមានការយកថវិការទាំងនោះ មកអភិវឌ្ឍន៍រៀបចំឲ្យមានសណ្តាប់ធ្នាប់និងមានសុវត្តិភាព ជូនភ្ញៀវទេសចរណ៍ បណ្តាលឲ្យសម្ភារៈនៅក្នុងរថយន្តក៏មានការបាត់បង់ ដោយគ្មានអ្នកទទួលខុសត្រូវ ចំណែកនៅថ្ងៃបុណ្យ ទានកន្លែងជួលអង្គុយនេះ ត្រូវបានគេគិតជាម៉ោង១ម៉ឺនទៀតផង ពាក់ព័ន្ឋទៅនិងបញ្ហានេះ ពុំអាចធ្វើការជាមួយ លោក កុក ឃន ដែលជាអ្នកដើរយកភាស៊ីបាននោះទេ ។
ភ្ញៀវទេសចរណ៍ បានសំណូមពរ ឲ្យមន្ទីរទេសចរណ៍ ខេត្តសៀមរាប និង មន្ទីរពាណិជ្ឋកម្មខេត្តសៀមរាប មេត្តាគ្រប់ គ្រងនូវតំលៃម្ហូបអាហារ ដើម្បីចៀសវាងការដាក់តំលៃថ្លៃស្រេចតែអំពើចិត្ត ជាហេតុនាំឲ្យភ្ញៀវទេសចរណ៍ មានការថយចុះ ព្រោះតែសេវាកម្មមិនពិតប្រាកដ។
ដោយ ប៊ុន រដ្ឋា
