ខេត្តឧត្តរមានជ័យ៖ ពិធីបិទវគ្គហ្វឹកហ្វឺនជំនាញអាវុធគាំទ្រថ្មើរជើង ប្រភេទកាំភ្លើង DKZ ៧៥ម.ម កាំភ្លើងត្បាល់អ៊ុក១០០ម.ម កាំភ្លើង ៨២ម.ម និងកាំភ្លើង៦០ម.ម របស់កងពលថ្មើរជើងលេខ៤១ ដែលប្រព្រឹតទៅក្រោមអធិបតីភាព នាយឧត្តមសេនីយ៍ គន់ គីម អគ្គមេបញ្ជាការរង
និងជានាយសេនាធិការចំរុះ នៃកងយោធពលខេមរភូមិន្ទ រួមដំណើរដោយ នាយឧត្តមសេនីយ៍ ជា តារា អគ្គមេបញ្ជាការរងនៃកងយោធពលខេមរភូមិន្ទ ដែលបានរៀបចំឡើង នៅព្រឹកថ្ងៃទី១៧ ខែឧសភា ឆ្នាំ២០១៥នេះ នៅភូមិសាស្ត្រភ្នំខ្យង ស្រុកស្វាយលើ ខេត្តសៀមរាប ។
ឧត្តមសេនីយ៍ទោ នាង ឃីម មេបញ្ជាការកងពលតូចថ្មើរជើងលេខ៤១ បានឡើងរាយការណ៍ថា ពិធីបិទវគ្គហ្វឹកហ្វឺននេះ មានរយៈពេល ៨៨ថ្ងៃ ហើយគ្រូយោធាចារ្យមកពីសាលាកងទ័ពជើងគោក និងសាលាយោធភូមិភាគទី៤ ដល់សិក្ខាមចំនួន ៤៤០នាក់ ជំនាន់ថ្មី ហើយក្នុងនោះក៏មានយោធិនចាស់មួយចំនួនផងដែរ ដើម្បីឱ្យសិក្ខាមបានផ្លាស់ប្តូរបទ ពិសោធគ្នាទៅវិញទៅមក។
ឯកឧត្តមបន្តថា វគ្គហ្វឹកហ្វឺននេះដំណើរការទៅបាន ដែលបានទទួលបានការឧបត្ថម្ភប្រាក់ម្ហូបប្រចាំថ្ងៃចំនួន ៣.ពាន់រៀល របស់សម្តេចតេជោ និងសម្តេចកិត្តិព្រឹទ្ធបណ្ឌិត និងបានការផ្គត់ផ្គង់ សំភារៈហ្វឹកហ្វឺន ពីយោធភូមិភាគទី៤ និងកងទ័ពជើងគោក បានធ្វើឱ្យដំណើរការហ្វឹកហ្វឺននេះទទួលបានជោគជ័យ។ លើសពីនេះទៅទៀត ក្រៅពីជំនាញ់កាំភ្លើងគាំទ្រ អង្គភាពក៏បានបន្ថែមលើជំនាញផ្សេងៗទៀត រួមមានជំនាញបញ្ជូនសារ ជំនាញកាំភ្លើងការពារអាកាស ជាដើម ដែលសំដៅលើការ កសាងធនធានមនុស្ស ជាយោធិនឱ្យមានចរិតល្អ សីលធម៌ស្អាតស្អំ មានសមត្ថភាពប្រយុទ្ធខ្ពស់ ដើម្បីឆ្លើយតបទៅនឹងកិច្ចការពារជាតិមាតុភូមិ។
បន្ទាប់មក នាយឧត្តមសេនីយ៍ គន់ គីម អគ្គមេបញ្ជាការរង និងជានាយសេនាធិការចំរុះនៃកងយោធពលខេមរភូមិន្ទ បានមានប្រសាសន៍ កោតសសើរ ដល់សិក្ខាមដែលយកត្រូវយកចិត្តទុកដាក់ ត្រង់ត្រាប់គ្រូយោធាចារ្យខ្ពស់ រហូតឈានដល់មានសមត្ថភាព អាចប្រើប្រាស់អាវុធឱ្យបានល្អ នេះហើយដែលបង្ហាញពីភាពរីកចំរើនរបស់ខ្លួន បើគិតនៃការបាញ់សាកល្បងនាពេលកន្លងមកឃើញថា សិក្ខាម.យើងមានការរីកចំរើនជាងមុនទៀត ហើយលទ្ធិផលបាញ់សាកល្បងគ្រាប់ពិតនៅពេលនេះ ឃើញថា គ្រាប់ដែលបានបាញ់ចំគោលដៅជាច្រើនគ្រាប់ ហើយមានតិចតួចណាស់ ដែលបាញ់ទៅ មិនបានចំគោលដៅ តែបើប្រៀបធៀបទៅនឹងសមរភូមិ ឃើញថា ពិតជាទទួលបានជោគជ័យ១០០%។
នាយឧត្តមសេនីយ៍ គន់ គីម បន្តថា បន្ទាប់ពីបិទវគ្គហ្វឹកហ្វឺនបាញ់សាកល្បងគ្រាប់ពិតរួច មេបញ្ជាការអង្គភាព ត្រូវត្រួត ត្រូវពិនិត្យឡើងវិញនូវសំភារៈសឹក ធ្វើការដុសលាង ជួសជុលជាប្រចាំ ទុកដាក់នៅកន្លែងម្លប់ការពារកុំឱ្យច្រែះ និងនៅពេលប្រើប្រាស់ពុំមានសិទ្ធភាពបាញ់មិនចំគោលដៅ។ ហើយនៅក្នុងឱកាសបិទវគ្គហ្វឹកហ្វឺននេះ លោកឧកញ៉ា លឹម ហេង ក៏បានជួយឧបត្ថម្ភថវិការ ចំនួន ១០លានរៀលផងដែរ សំរាប់ប្រើប្រាស់ដល់ដំណើរការពិធីបិទហ្វឹកហ្វឺននេះ។
