ខេត្ដរតនគីរី ៖ បុរសម្នាក់បានគិតខ្លី សម្រេចចិត្ដធ្វើអត្ដឃាតបញ្ចប់ជីវិត ដោយយកខ្សែកាបប្រភេទខ្សែអន្ទាក់ ដាក់សត្វព្រៃមកចងក ព្រោះតែខឹងមួ ម៉ៅក្ដៅក្រហាយនឹងប្រពន្ធដែលទៅតាម ហៅពេលខ្លួនកំពុងផឹកស៊ីជាមួយអ្នក ជិតខាង 
ហេតុការណ៍ភ្ញាក់ផ្អើលនេះបានកើត ឡើងកាលពីវេលាម៉ោង១និង៣០នាទី រំលងអធ្រាត្រឈានចូលថ្ងៃទី១៥ ខែ ឧសភា ឆ្នាំ២០១៥ នៅក្នុងភូមិចាយ ឃុំញ៉ាង ស្រុកអណ្ដូងមាស ខេត្ដរតនគីរី ។តាមការបញ្ជាក់ពីលោក ផាត សុវ៉ាត អធិការរងនគរបាលស្រុកអណ្ដូងមាសបានឱ្យដឹងថា ជនរងគ្រោះត្រូវបានគេស្គាល់ ឈ្មោះ រម៉ាម ពិល អាយុ២៩ឆ្នាំ ជនជាតិ កាចក់ រស់នៅក្នុងភូមិឃុំកើតហេតុខាងលើ ។ប្រភពដដែលបានបន្ដថា កាលពីព្រឹក ថ្ងៃទី១៤ ខែឧសភា ឆ្នាំ២០១៥ ញាតិមិត្ដ ក្នុងភូមិផងរបងជាមួយបានហៅឱ្យជួយតយ៉ាបផ្ទះហើយក៏មានកម្មវិធីផឹកស៊ី តាមទំនៀមទម្លាប់របស់បងប្អូនជនជាតិដើមភាគតិច លោកអធិការរងបន្ដទៀតថា ការ ស៊ីផឹកនេះចាប់ផ្ដើមតាំងពីព្រឹករហូត ទល់ល្ងាច (ពេញមួយថ្ងៃតែម្ដង) ។ ចំណែកជនរងគ្រោះបានផឹកស្រវឹងជោកជាំហើយដោយសារតែទឹកប្ដូរនិស្ស័យ លែងស្គាល់ខុសត្រូវពេលដែលឃើញ ប្រពន្ធបីកូនតូចទៅហៅឱ្យមកផ្ទះវិញ ក៏ ខឹងឆេវឆាវរកសម្លាប់កូនចោលថែម ទៀត ។ប្រពន្ធឃើញសភាពបែបនេះក៏ បណ្ដោយតាមចិត្ដប្ដីទៅលែងរវីរវល់ ។ រហូតដល់យប់ម៉ោង១និង៣០នាទីរំលង អធ្រាត្រឈានចូលថ្ងៃទី១៥ ខែឧសភា ឆ្នាំ២០១៥ ជនរងគ្រោះត្រូវបានអ្នកជិត ខាងផ្ទះប្រទះឃើញចងកនៅនឹងមែកឈើ ខាងក្រោយផ្ទះដែលមានចម្ងាយប្រមាណ២ម៉ែត្រប៉ុណ្ណោះពីក្រោយផ្ទះជនរងគ្រោះក៏មានការឆោឡោភ្ញាក់ផ្អើលឡើង ។
លុះ ព្រឹកឡើងថ្ងៃទី១៥ ខែឧសភា ឆ្នាំ២០១៥ ក្រុមគ្រួសារនិងប្រជាពលរដ្ឋបានរាយ ការណ៍ទៅសមត្ថកិច្ចព្រមទាំងអាជ្ញាធរ មូលដ្ឋានឱ្យចុះមកធ្វើកោសល្យវិច័យ លើសាកសពបុរសខាងលើ ។ ក្រោយពី ធ្វើកោសល្យវិច័យរួចរាល់សមត្ថកិច្ច បានសន្និដ្ឋានថា បុរសដែលស្លាប់នោះ ពិតជាធ្វើអត្ដឃាតខ្លួនឯងប្រាកដមែន មិនមែនជាករណីឃាតកម្មនោះឡើយ
សាកសពជនរងគ្រោះត្រូវបានសមត្ថ កិច្ចប្រគល់ឱ្យក្រុមគ្រួសារធ្វើបុណ្យតាមប្រពៃណី ៕
