ខេត្តកណ្តាលៈ គ្រឿងចក្រឈូសឆាយព្រៃលិចទឹក និង ជីកស្រះត្រីយ៉ាងសកម្មនៅឃុំ
ចំនួនពីរ គឺឃុំ ប្រាសាទស្រុកស្អាង និង ឃុំកំពង់ភ្នំស្រុកលើកដែក នៃអាណាចក្រខេត្ត
កណ្តាល មិនដឹងជាមានច្បាប់អនុញាតិដែរទេ ។ ចំណែកអស់លោកមន្ត្រីជំនាញជល
ផលស្រុកទាំងពីរដែលពាក់ពន្ធ័ពិសេសជលផលខេត្តកណ្តាលមិនបង្ក្រាបទប់ស្កាត់នោះ
ទេ ព្រោះឈ្មួញទាំងនោះចេះយកលុយបិទភ្នែកជំនាញ ។ រីឯឈ្មួញមួយចំនួនទៀតអត់
ចេះចំណាយលុយទិញទឹកចិត្តជលផលគឺចាប់ផ្អើលពេញព្រៃ ។
ប្រភពពីម្ចាស់គ្រឿងចក្រដដែលរងគ្រោះត្រូវជំនាញជលផលចាប់រឹបអូសមករក្សាទុក
នាពេលថ្មីៗនេះបានបង្ហើបឲ្តដឹងថា អេស្កាវ៉ាទ័រប្រមាណ5-6គ្រឿងកំពុងធ្វើសកម្មភាព
ជីកស្រះត្រីក្នុងតំបន់អតីតឡូត៌នេសាទលេខ4-5-6 ក្នុងស្រុកពីរខាងលើគឺអត់ច្បាប់នោះ
ទេ ។ ប៉ុន្តែបានបង់លុយឲ្យជំនាញជលផលអស់ហើយ ។
បើតាមការសន្និដ្ឋាន ករណីនេះទំនងជាជលផលថ្នាក់សង្កាត់ ទទួលបានលាភ
សក្ការៈអាចបិទបាំងជលផលខេត្តកណ្តាលក៏ថាបាន ព្រោះឈ្មួញទាំងនោះបានទំនាក់
ទំនងជាមុន ជាមួយជំនាញជលផលថ្នាក់ក្រោមទើបក្រុមគេហ៊ានដាក់គ្រឿងចក្រចូល
ធ្វើសកម្មភាព ។ ដើម្បីចៀសវាងកុំឲ្យមជ្ឈដ្ឋានទូទៅវាយតម្លៃខុស ឫចោទប្រកាន់ថា
ឃុបឃិតទទួលលុយពីពួកឈ្មួញ ដែលជាម្ចាស់អេស្កាវ៉ាទ័រ ស្នើសុំអស់លោក ឫ អាជ្ញា
ធរស្រុក ខេត្តកណ្តាលចុះបង្ក្រាបគ្រឿចក្រដែលកំពុងធ្វើសកម្មភាពល្មើសច្បាប់ក្នុងតំ
បន់ព្រៃលិចទឹកឲ្យអស់បង្ហាញភាពស្អាតស្អំនិងឲ្យមានតម្លាភាពកុំឲ្យដូចពាក្យគេចោទ
ថាបង្ក្រាបចាប់គ្រឿងចក្រនាពេលកន្លងមករើសអើង បក្ខពួកនិយម បង្ក្រាបបានតែអ្នក
ទន់ខ្សោយ អ្នកមានអំណាចឥទ្ធិពលមិនទៅក្បែរនោះ ៕
