ខេត្តព្រះវិហារ៖ តាមសេចក្ដីរាយការណ៍បានអោយដឹងថាបុរសម្នាក់បានស្លាប់បង់ជីវិតខណះផឹកស្រាស្រវឹងចុះមុជទឹកស្រះតែម្នាក់ឯងកាលពីវេលាម៉ោង២រសៀលថ្ងៃទី១៧ឧសភា២០១៥ស្ថិតនៅភូមិពោធិ៍ខឿនឃុំពោធិ៍ស្រុកត្បែងមានជ័យបន្ទាប់មកត្រូវបានអ្នកភូមិនាំគ្នាចុះស្រង់
សពជនរងគ្រោះ។ទីតាំងស្រះទឹកនៅឆ្ងាយពីភូមិដ្ឋានប្រជាពលរដ្ឋជាហេតុមិនមានប្រជាពលរដ្ឋណាម្នាក់បានដឹងហេតុការណ៍អកុសលនោះទើបមិនអាចជួយសង្គ្រោះជីវិតជនរងគ្រោះបានទាន់ពេលវេលា។
ប្រជាពលរដ្ឋនៅមូលដ្ឋានបានអោយដឹងថាសមត្ថកិច្ចនគរបាលមូលដ្ឋានបានចុះទៅដល់កន្លែងកើតហេតុហើយបានធ្វើកោសល្យវិច្ច័យសពជនរងគ្រោះពុំឃើញមានរបួសស្នាមអ្វីទេគឺពិតជាស្លាប់ដោយដោយលង់ទឹកស្រះប្រាកដមែន។សពជនរងគ្រោះឈ្មោះឆេងសាតភេទប្រុសអាយុ៤០ឆ្នាំមុខរបរកសិកររស់នៅភូមិពោធិ៍ខឿនឃុំពោធិ៍ស្រុកត្បែងមានជ័យ។
សាក្សីឃ្វៀលគោ២នាក់បាននិយាយថាគាត់កំពុងឃ្វៀលគោក្បែរស្រះទឹកស្រាប់តែឃើញសពជនរងគ្រោះអណ្តែតទឹកហើយភ្លាមនោះបានលេចទៅវិញពេលនោះពួកគាត់បានរត់ទៅរាយការណ៍ប្រាប់សមត្ថកិច្ចនគរបាលមូលដ្ឋាននិងអ្នកភូមិជួយទៅពិនិត្យកន្លែងកើតហេតុ។
ប្រជាពលរដ្ឋបានអោយដឹងថាសពជនរងគ្រោះត្រូវបានសមត្ថកិច្ចនគរបាលប្រគល់អោយប្រពន្ធជនរងគ្រោះនិងក្រុមគ្រួសារយកទៅធ្វើបុណ្យតាមប្រពៃណី៕
