ភ្នំពេញ៖ បុរសម្នាក់ដែលជានាក់រត់ម៉ូតូឌុបបានចាប់គ្រាក់ និងរកវៃបុគ្គលិកស្ថានីយ៍ទូរស្សន៍ហង្សមាស ខណៈដែលចុះទៅថតរឿងករណីគ្រោះថ្នាក់ចរាចរណ៍ រថយន្តតាក់ស៊ីបុកម៉ូតូគុបជ្រុង បណ្តាលឲ្យរងរបួសរស្រាល កាលពីវេលាម៉ោង២២និង៤០នាទីយប់ ថ្ងៃទី១៨ ខែឧសភា ឆ្នាំ២០១៥ នៅចំណុចស្តុបណូគារ តាមបណ្តោយផ្លូវលេខ២៧១ កែងផ្លូវលេខ២០០៤ ស្ថិតក្នុងសង្កាត់ទឹកថ្លា ខណ្ឌសែនសុខ ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញហេតុការគ្រោះថ្នាក់ចរាចរណ៍មួយ ដោយបង្កឡើងដោយរថយន្តមួយតាក់ស៊ីមួយគ្រឿង បានបើកបុកម៉ូតូគុបជ្រុង នៅចំណុចស្តុបណូគារតាមបណ្តោយផ្លូវលេខ២៧១ កែងផ្លូវលេខ២០០៤ បណ្តាលឲ្យយុវជនម្នាក់រងរបួសស្រាល បន្ទាប់បុគ្គលិកស្ថានីយ៍ទូរទស្សន៍ហង្សមាស បានចុះទៅដល់ចំណុចកើតហេតុ ដើម្បីថតយករួបភាព តែភាគីទាំងសងខាងបានធ្វើការសម្របសម្រួលគ្នា និងជិះចេញបាត់អស់ទៅហើយ ភ្លាមនោះក៏ស្រាប់តែមានបុរសម្នាក់ ដែលរួបគេបានអះអាងថា ខ្លួនជាអ្នករត់ម៉ូតូឌុប បានមកទាមទារកកាត់សំគាល់ខ្លួន របស់បុគ្គលិកស្ថានីយ៍ទូរទស្សន៍ហង្សមាស។
បន្ទាប់មកសហការីស្ថានីយ៍ទូរទស្សន៍ហង្សមាស មិនព្រមឲ្យកាតមើលទើបបុរសម្នាក់ ជាអ្នករត់ម៉ូតូឌុបនោះបានចាប់គ្រាក់និងក្របួចក៏អាវរកវៃ ទើបបង្កឲ្យមានការភ្ញាក់ផ្អើល ដល់ប្រជាពលរដ្ឋ និងនាក់ដំណើរជាច្រើនឈប់រោមមើល ។
ជនបង្កត្រូវបានគេស្គាល់ឈ្មោះសែន ប៉ុន នាង ភេទប្រុសអាយុ៤១ឆ្នាំ មុខរបរត់ម៉ូតូឌុប។
ក្រោយពេលកើតហេតុ សមត្ថកិច្ចបាននាំខ្លួនបុរសបង្ក ដែលជាអ្នករត់ម៉ូតូឌុប និងនាក់បុគ្គលិកស្ថានីយ៍ទូរទស្សហង្សមាស ទៅធ្វើការសាកសួរបន្ត នៅទីស្នាក់ការដ្ឋបាលនគរបាលប៉ុស្តិ៍ទឹកថ្លា ដើម្បីបញ្ជាក់ឲ្យច្បាស់ពីរឿងហេតុ ។
គួបញ្ជាក់ផងដែរថា ទាក់ទិននិងហេតុការខាងលើនេះ បុរសបង្កមិនមានទាក់ទិននិងជនរងគ្រោះ ដែលត្រូវរថយន្តបុកនោះទេ ហើយក៏មិនមែនជាសមត្ថកិច្ចទៀត គឺត្រឹមជាអ្នករត់ម៉ូតូឌុប គ្នាសិទ្ធអីមកសុំមើលកាត់សំគាល់ខ្លួនគេនោះទេ ៕
