ខេត្តបន្ទាយមានជ័យ៖ផ្លូវក្រាលគ្រួសក្រហមចំនួន៤ខ្សែស្ថិតនៅតាមឃុំមួយចំនួន របស់ស្រុកស្វាយចេកខេត្តបន្ទាយមានជ័យនោះត្រូវបានលេចចេញជារូបរាងជាបណ្តើរៗហើយតាមរយៈការជួយឧបត្ថម្ភរបស់លោកកែគឹមយ៉ានប្រធានក្រុមការងារថ្នាក់ជាតិចុះជួយខេត្តបន្ទាយមានជ័យតំណាងសម្តេចតេជោហ៊ុនសែននាយករដ្ឋមន្ត្រីនៃកម្ពុជានិងមានការចូលរួមបន្ថែមពីសប្បុរសជនដែលជាអាជីវករ និងថ្នាក់ដឹកនាំ មួយចំនួនផងដែរ។ចំពោះការ ដ្ឋានជួសជុល និងស្ថាបនាផ្លូវ ដែលបានធ្វើឡើងជានាពេលកន្លងទៅនោះត្រូវបានលោកអាត់ខែមសមាជិកអន្ត្រៃយ៍គណបក្សខេត្តនិងជាប្រធានក្រុមការងារ នៃស្នងការដ្ឋាននគរបាលខេត្ត ដឹកនាំសហការី របស់ខ្លួន អញ្ជើញទៅចូលរួមដើម្បីពិនិត្យតាមដានជាប្រចាំក្នុងការស្ថាបនាផ្លូវទាំង៤ខ្សែនេះផងដែរ ។លោក អាត់ខែមបាននិយាយថាផ្លូវទាំង៤ខ្សែ ដែលជាចំណងដៃធ្វើជូនប្រជាពលរដ្ឋនៅស្រុកស្វាយចេកនោះរួមមានខ្សែទី១ ចាប់ពីចំណុចផ្លូវជាតិលេខ៥៨ ដល់ភូមិថ្មី របស់ឃុំតាផូ ដែលមានប្រវែងជាង ៦គីឡូម៉ែត្រខ្សែទី២ ចាប់ពីភូមិថ្មី ទៅភូមិទ្រាស របស់ ឃុំទ្រាស ខ្សែទី៣ ចាប់ពីផ្លូវជាតិលេខ៥៦ ទៅភូមិខ្វាវខាងកើត របស់ឃុំរលួស និងខ្សែទី៤ ចាប់ពី ភូមិ
បារាយណ៍របស់ ឃុំតាផូ ទៅភូមិអំពិលរបស់ ឃុំផ្គាំ ដែលមានប្រវែង៣៨០០ម៉ែត្រ។បើតាមលោក អាត់ខែម បានបន្តទៀតថាសម្រាប់ការឧបត្ថម្ភនិងជំនួយបន្ថែមពីសំណាក់សហការី របស់លោក រួមមានលោកសូចាន់ណារីមេបញ្ជាការវរសេនាតូច ការពារព្រំដែនលេខ៩១១ឧបត្ថម្ភចំនួន ៣០០០ដុល្លារ លោក អ៊ុំ សុផល អធិការនគរបាល ក្រុងប៉ោយប៉ែត ឧបត្ថម្ភ ចំនួន១០០០ដុល្លារ លោក ស៊ីវ សុជាតិ អធិការនគរបាល ក្រុងសិរីសោភ័ណ ឧបត្ថម្ភ ចំនួន១០០០ដុល្លារ ខណៈ ក្រុមអាជីវករ រួមមាន លោក ទៀ ញ៉ិល ឧបត្ថម្ភចំនួន ៥០០ដុល្លារ លោក គោ ស៊ុំសារិទ្ធ ឧបត្ថម្ភ១០០០ដុល្លារ និងមានអាជីវករមួយចំនួន ទៀតផងដែរ។លោក អាត់ ខែមបានថ្លែងបន្តទៀតថា នៅពេលផ្លូវទាំង៤ខ្សែនេះ ដាក់ឲ្យដំណើរជាផ្លូវការនោះ នឹងជួយបង្កើនភាពងាយស្រួល លើការធ្វើដំណើរជាពិសេសការដឹកកសិផលផ្សេងៗ រឹតតែធ្វើឲ្យជីវភាពល្អប្រសើររបស់ប្រជាពលរដ្ឋរបស់ពួកគាត់មានភាពប្រសើរមួយកំរិតថែមទៀត៕
