(ឧត្តរមានជ័យ) ៖ ក្រុមនាក់លេងល្បែងស៊ីសងអាប៉ោងចំនួន៦នាក់ត្រូវបានសមត្ថកិច្ចប៉ូលិសស្រុកអន្លង់វែងធ្វើការចាប់បង្ក្រាបឃាត់ខ្លួន។លោកវរសេនីយ៍ទោស៊ីម វណ្ណះ អធិការនគរបាលស្រុកបានឲ្យដឹងថាហេតុការសមត្ថកិច្ចប៉ូលិសស្រុកចាប់ឃាត់ក្រុមនាក់លេងល្បែងស៊ីសង
អាប៉ោងខាងលើនោះ បានកើតឡើងកាលពីវេលាម៉ោង២៣និង៤០នាទីយប់ ថ្ងៃទី១៨ ខែឧសភា ឆ្នាំ២០១៥ នៅចំណុចភូមិថ្លាត ឃុំថ្លាត ស្រុកអន្លង់វែង ខេត្តឧត្តរមានជ័យ ឃាត់ខ្លួនបានចំនួន៦នាក់ រួមជាមួយវត្ថុតាងដកហូតម៉ូតូ៦គ្រឿង មេអាប៉ោង១ ហាន់តោ១ ចាន១និងថវិកាចំនួន២៥០០០០រៀល លោកវរសេនីយ៍ទោស៊ីម វណ្ណះ អធិការនគរបាលស្រុកអន្លង់វែងបានបន្តទៀតថា ជនសង្ស័យទាំង៦នាក់នោះមានឈ្មោះខាន់ សុវណ្ណា រដ្ឋ ហៅខុម ភេទប្រុសអាយុ៣៧ឆ្នាំ រស់នៅភូមិស្វាយចេក ឃុំថ្លាត ស្រុកអន្លង់វែង ខេត្តឧត្តរមានជ័យ ទី២ឈ្មោះអ៊ុន ឡេង ភេទប្រុសអាយុ៣៥ឆ្នាំ រស់នៅដូចខាងលើទី៣ឈ្មោះនួន នី ភេទប្រុស២២ឆ្នាំ រស់នៅដូចខាងលើទី៤ឈ្មោះណុប ម៉ែនភេទប្រុសអាយុ៥៤ឆ្នាំ រស់នៅដូចខាងលើទីឈ្មោះចាប
សុខុនភេទប្រុសអាយុ៦៥ឆ្នាំរស់នៅដូចខាងលើ និងទី៦ឈ្មោះថន វ៉ាន់ នី ភេទប្រុសអាយុ៣១ឆ្នាំរស់នៅភូមិទំនប់ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ នៅពេលបច្ចុប្បន្នកម្លាំងជំនាញអធិការនគរបាលស្រុកអន្លង់វែងកំពុងធ្វើការសាកសួរនិងកសាងសុំណុំរឿងទៅតាមនិវិធីច្បាប់៕
