ខេត្តបន្ទាយមានជ័យ៖ នៅវេលាម៉ោង២រសៀលថ្ងៃទី១៨ខែឧសភា ឆ្នាំ ២០១៥កំលាំងអាវុអហត្ថចំនួន៥នាក់ដឹកនាំដោយលោក វរៈសេនីយ៍ ស៊ិន រ៉ាស៊ី មេបញ្ជាការមូលដ្ឋានអាវុធហត្ថ ស្រុកព្រះនេត្រព្រះបានចុះឃាត់ខ្លួនបុរសម្នាក់ឈ្មោះ សុក រ៉ាវី ភេទ ប្រុស អាយុ២៣ឆ្នាំ រស់នៅ
ភូមិ ភ្នំជញ្ជាំង ឃុំ ជប់វ៉ារី ស្រុក ព្រះនេត្រព្រះ ខេត្តបន្ទាយមានជ័យ ពីបទហិង្សាដោយចេតនាលើស្រីស្នេហ៍ខ្លួន។
យោងតាមពាក្យបណ្ដឹងជនរងគ្រោះឈ្មោះ ហៀង សុជាតា ភេទ ស្រី អាយុ២១ឆ្នាំ អ្នកទាំងពីររស់នៅជាមួយគ្នាដូចប្ដីប្រពន្ធអស់រយៈពេល៦ខែកន្លងមកហើយ។ ការបង្ករឲ្យមានករណីប្រើអំពើហឹង្សានេះកើតឡើងគឺដោយសារការប្រច័ណ្ឌថាឈ្មោះ ហៀងសុជាតាដែលជាស្រីស្នេហ៍មានផ្ទៃពោះជាមួយប្រុសផ្សេងរហូតមានការប្រើអំពើហិង្សាទៅលើរូបនាងបណ្ដាលឲ្យរងរបួសជាំមុខនិងដៃជាច្រើនកន្លែង។ តាមចំលើយសារភាពរបស់ជនសង្ស័យបានឆ្លើយថារូបគេពិតជាខឹងខ្លាំងដោយសារសួរនាងថាកូនក្នុងពោះជាកូនអ្នកណានាងមិនឆ្លើយទើរូបគេវាយទៅលើរូបនាងតែម្ដង។បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅតុលាការចាត់ការតាមច្បាប់៕
