ខេត្តរតនគិរី៖ ផ្ទះជួលលោកអនុប្រធាននគរបាលការិយាល័យចរាចរណ៍ជើងគោក សង្ស័យឈើឧកញ៉ាសីយកទៅផ្ញើរ ត្រូវកម្លាំងជំនាញសហការជាមួយនិងកម្លាំងសមត្ថកិច្ចចម្រុះដឹកនាំដោយលោកម៉ម វណ្ណដា ព្រះរាជអាជ្ញារងអមសាលាដំបូងខេត្ត ចុះបង្ក្រាបទីតាំងស្តុកឈើមួយ
កន្លែងនៅកណ្តាលក្រុងបានលុង។ សកម្មភាពចុះបង្ក្រាបទីតាំងស្តុកឈើមួយកន្លែងនោះនៅវេលាម៉ោង៨និង៣០នាទី ថ្ងៃទី២១ ខែឧសភា ឆ្នាំ២០១៥ ស្ថិតនៅចំណុចផ្ទះជួលមួយកន្លែងរបស់លោកឈ្មោះ ឈិន ថេន ហៅហ៊ើយ មានតួនាទីអនុប្រធាននគរបាលការិយាល័យចរាចរណ៍ជើងគោក នៅភូមិអភិវឌ្ឍន៍ សង្កាត់ឡាបានសៀក ក្រុងបានលុង។
លោកម៉ម វណ្ណដា ព្រះរាជអាជ្ញារងបានបញ្ជាក់ថា ការចុះបង្ក្រាបនិងដកហូតឈើប្រណិតប្រភេទធ្នុងដែលគេលាក់ទុកខុសច្បាប់នេះ គឺដោយសារការសហការជាមួយមន្ត្រីជំនាញមេព្រៃខេត្ត ទើបបង្ក្រាបបានទីតាំងស្តុកឈើមួយកន្លែងបានដោយជោគជ័យយ៉ាងនេះ។
បច្ចុប្បន្នឈើដែលស្តុកទុកខុសច្បាប់នោះមន្ត្រីជំនាញក៏បានដឹកយកទៅរក្សាទុកនៅខណ្ឌរដ្ឋបាលព្រៃឈើ រីឯម្ចាស់ឈើមន្ត្រីជំនាញកំពុងស្រាវជ្រាវរកមុខយកមកធ្វើកិច្ចសន្យាទៅតាមច្បាប់រដ្ឋបាលព្រៃឈើផងដែដរ។
គួរបញ្ជាក់ផងដែរថា រោងសិប្បកម្មជាច្រើនកន្លែងដែលធំៗមានដូចជា សិប្បកម្មឈ្មោះ បេ តាហុក អាបក់ កុងលី អាវ៉ឹង ហើយក៏មាន៥០-៦០កន្លែងទៀតដែលនៅក្រុងបានលុងដែលសមត្ថកិច្ចមិនទាន់បង្ក្រាប ឈើដែលយកធ្វើសិប្បកម្មនេះមិនជាឈើប្រភេទដើមគរនោះទេ គឺសិទ្ធតែឈើប្រណិតដែលមានមុខកាត់50ទៅ60 សង់ទីម៉ែត្រ និងបណ្តោយពី៨០ទៅ១២០សង់ទីម៉ែត្រ។
មជ្ឈដ្ឋានទូទៅរិៈគន់មេព្រៃបរិស្ថាននិងមន្ត្រីពាក់ព័ន្ធមួយចំនួនទៀតថា បង្ក្រាបតែឈើដែលឈ្មួញកាប់ពីក្នុងព្រៃមកដាក់លើឡាន និងឈើដែលស្តុកទុកក្នុងផ្ទះ បើបង្ក្រាបតែរបៀបនេះនៅពេលដ៏ខ្លីខាងមុនេះឈើដែលនៅតំបន់ឧទ្យានជាតិវរៈជ័យដែនជំរកសត្វលំផាត់ តំបន់ព្រៃអភិរក្ស និងព្រៃសហគមន៍និងរលាយសាបសូន្យនៅពេលដ៏ខ្លីខាងមុខនេះ៕
