កំពង់ឆ្នាំង៖លោកគ្រូបង្រៀនម្នាក់មានប្រតិកម្មដាក់ពាក្យប្តឹងសុំអ្នកកាសែតអោយកាសែតជួយអន្តរាគមន៍ចេញផ្សា យ ដោយប្រាប់ថាព្រោះតែភាពអយុត្តិធម៌របស់លោកអភិបាលក្រុងកំពង់ឆ្នាំង តាមបញ្ជារលោកអភិបាលខេត្ត បានចេញលិខិត២ដងហើយអោយគាត់រុះរើសំយាបផ្ទះចេញពីលើដីចំណីផ្លូវ ដោយឡែកផ្ទះថ្ម១ល្វែង៣ជាន់ជាសំណង់ដ៏រឹងមាំនៅម្ខាងផ្លូវម្នាក់ជាប់គ្នា របស់មន្ត្រីសាលាខេត្តម្នាក់ត្រូវបានគេចេញប្លង់រឹងអោយសាងសង់នៅលើដីចំណីផ្លូវទាំងស្រុងបែរជាស្ងាត់ឈឹង មិនត្រូវបានគេទើសភ្នែកអោយរុះរើឡើយដែលនេះជារឿងអយុត្តិណាស់សំរាប់គាត់។
លោក សួន រិទ្ធី ជាគ្រូបង្រៀននៅវិទ្យាល័យព្រះបាទសុរាម្រឹត មានទីលំនៅក្នុងភូមិទី១ សង្កាត់ខ្សាម ក្រុងកំពង់ឆ្នាំង នៅរសៀលថ្ងៃទី២០ ខែឧសភា ឆ្នាំ២០១៥ បានកាន់ឯកសារពាក់ពន្ធ័ និងលិខិតសុំប្តឹងអោយអ្នកកាសែត និងទូរទស្សន៍ហង្សមាសជួយអន្តរាគមន៍ក្នុងរឿងខាងលើនេះ ដោយលោកបានបញ្ជាក់អោយដឹងថា៖ផ្ទះថ្មរបស់លោ កបានសាងសង់នៅឆ្នាំ២០០៩ដោយមានប្លង់និងច្បាប់ត្រឹមត្រូវ ហើយបានសង់សំយាបបន្ថែមប្រវែង៣.៩០ម៉ែត្រនៅលើចិញ្ចើមផ្លូវ ដោយវាស់ពីអក្ស័ផ្លូវមកជញ្ជាំងសំយាបផ្ទះគាត់មានប្រវែង៨,៣០ម៉ែត្រទាំងខាងមុខនិងខាងក្រោ យផ្ទះ និងបានធ្វើកិច្ចសន្យាជាមួយលោកមេភូមិថា បើរដ្ឋតម្រូវការគាត់និងរុះរើសំយាផ្ទះគាត់ចេញវិញ។
ចំពោះលិខិតជូនដំណឹងលេខ១១ចុះថ្ងៃទី០៤ ខែឧសភា ឆ្នាំ២០១៥ និងលិខិតលេខ១៧ចុះថ្ងៃទី១២ខែឧសភា ឆ្នាំ២០១៥ លើកទី២របស់លោកអភិបាលក្រុង អោយគាត់រុះរើសំយាបផ្ទះចេញពីចំណីផ្លូវគាត់មិនបដិសេធន៍ទេ ប៉ុន្តែលោកសុំសួរទៅលោកអភិបាលក្រុងវិញថា៖ចុះផ្ទះថ្មដ៏រឹងមាំ១ល្វែង៣ជាន់ ដែលលោកអភិបាលក្រុងនិងខេត្តចេញប្លង់អោយមន្ត្រីសាលាខេត្តម្នាក់ សាងសង់ផ្ទះក្នុងឆ្នាំ២០១៤និងទើបតែរួចរាល់ក្នុងដើមឆ្នាំ២០១៥នេះនៅលើចំណីផ្លូវតែម្តងនោះ ម្តេចមិនអោយគេសង់ផ្ទះអោយមានគម្លាតពីអក្ស័ផ្លូងដូចគ្នា ដែលមុខផ្ទះនោះមានគម្លាតពីអក្ស័ផ្លូវតែ៣,៣០ម៉ែត្រ និងផ្នែកខាងក្រោយផ្ទះគឺសង់ពីលើចំណីផ្លូវអស់តែម្តង ហើយម្តេចក៏មិនប៉ះពាល់សោភណ័ភាពនិងសណ្តាប់ធ្នាប់ និងអោយគេរុះរើវាយចោលផ្ទះ ដូចសំយាបផ្ទះរបស់គាត់ផង។ការធ្វើបែបនេះចំពោះរូបគាត់តែម្នាក់ឯងគឺពិតជាអយុត្តិធម៌ណាស់ ដោយហេតុនេះគាត់មិនអាចរុះរើសំយាបផ្ទះតែម្នាក់ឯងបានឡើយ។
ទាក់ទងរឿងខាងលើនេះលោក ស៊ិន សូត ប្រធានធានសុរិយោដីក្រុងកំពង់ឆ្នាំង បាននិយាយអោយដឹងនៅរសៀលថ្ងៃទី២០ ខែឧសភា ឆ្នាំ២០១៥នេះថា៖ការចេញប្លង់អោយមន្ត្រីសាលាខេត្តសាងសង់ផ្ទះនៅចំណុចខាងលើនេះគឺលោកបានធ្វើតាមការស្នើសុំរបស់ម្ចាស់ផ្ទះ និងការឯកភាពពីលោកអភិបាលក្រុង និងលោកអភិបាលខេត្តគឺ លោកមិនមែនជាអ្នកសម្រេចចេញប្លង់អោយនោះទេ។
ចំណែកលោក ហៃ មនោរម្យ អភិបាលក្រុងកំពង់ឆ្នាំងវិញបានបញ្ជាក់អោយដឹងនៅរសៀលថ្ងៃទី២០ ខែឧសភា ឆ្នាំ២០១៥នេះដែរថា៖ករណីខាងលើនេះជាការបញ្ជាររបស់លោកអភិបាលខេត្ត ដើម្បីរក្សាសោភណ័ភាព សណ្តាប់ធ្នាប់ និងបញ្ចៀសគ្រោះថ្នាក់នៅក្នុងក្រុង។ម្យ៉ាងទៀតលោកសុំអោយពិនិត្យមើលប្លង់ផ្ទះរបស់លោក សួន រិទ្ធី តើសុំច្បាប់ធ្វើផ្ទះទំហំប៉ុន្មានពេលនេះទំហំផ្ទះគាត់ធ្វើលើសប៉ុន្មាន មិនតែប៉ុណ្ណោះមានទាំងធ្វើកិច្ចសន្យាជាមួយអាជ្ញាធរនិងមន្ត្រីសុរិយោដីមុនពេលធ្វើសំយាបផ្ទះនៅលើចំណីផ្លូវទៀតផង រឿងខាងលើនេះលោក សួន រិទ្ធី កុំចេះដឹងជាងអាជ្ញាធរ ទៅចង្អុលរឿងផ្ទះផ្សេងនោះ។ចំណែកផ្ទះថ្មរបស់មន្ត្រីសាលាខេត្ត សុំពិនិត្យមើលប្លង់គេទៅ គេសុំច្បាប់ធ្វើផ្ទះទំហំប៉ុន្មាន និងគេបានធ្វើផ្ទះទំហំប៉ុន្មាន គឺមិនហួសពីប្លង់ដែលអាជ្ញាធរខេត្តចេញអោយនោះឡើយ។
ករណីខាងលើនេះមតិប្រជាពលរដ្ឋបានលើកឡើងថា៖គឺម្ចាស់ផ្ទះទាំង២ពិតជាសាង់សង់ផ្ទះ និងសំយាបរំលោភយកចំណីផ្លូវដូចគ្នា ដោយមានមន្ត្រីខិលខូចនិងអាជ្ញាធរគាំទ្រ និងចេញប្លង់កម្មសិទ្ធស្របច្បាប់អោយគេទៀតផង ប៉ុន្តែបែរជាលោកអភិបាលខេត្ត និងលោកអភិបាលក្រុងមើលទើសភ្នែកតែសំយាបផ្ទះដែលគេអាចរុះរើបានដោយងាយទៅវិញ ចំណែកផ្ទះថ្មរឹងមាំរបស់មន្ត្រីសាលាខេត្តដែលសង់រំលោភយកដីចំណីផ្លូវស្ទើរតែអស់ទៅហើយនោះនៅច្រងាងៗ បែរជាមិនទើសផ្នែកទៅវិញ រឿងនេះប្រជាពលរដ្ឋបាននិយាយថា៖រឿងលុយនិងបក្ខពួក ពិតជាលេខ១ ឯអាមួយទៀតនោះពិតជាលេខ២មែន ទើបមានរឿងប្រតិកម្មខាងលើនេះដែលគេលើកឡើងថាលោ កអភិបាលខេត្តស្រឡាញ់មន្ត្រីរាជការជាកូនចៅមិនស្មើគ្នាឡើយ៕កំពង់ឆ្នាំង,
