កំពង់ធំ= ដីព្រៃជាង២០០ហិចតា ត្រូវបានប្រជាពលរដ្នចោតថាលោកអ៊ឹមថន អភិបាលស្រុកកំពង់ស្វាយ ឃុតឃិតជាមួយ លោកយស់ បញ្ញារិទ្ធ អភិបាលរងស្រុក ព្រមទាំងអាជ្ញាធ័រ ដែនដី អោយឈ្មួញឈូសឆាយដោយគ្មានច្បាប់ ដែលមានទីតាំងស្ថិតនៅ ភូមិនីពេជ្រ ឃុំនីពេជ្រ 
ស្រុកកំពង់ស្វាយ ខេត្តកំពង់ធំ ។
បើតាមប្រភពពត័មានពីប្រជាពលរដ្ននិងមហាជនជួរមន្ដ្រីរាជការបានអោយដឹងថា លោកអ៊ឹម ថន អភិបាលស្រុកកំពង់ស្វាយ និងលោក យស់ បញ្ញារិទ្ធមានរឿងអាស្រូវ ជាច្រើន ជាមួយរឿងដីធ្លា ដូចជាឈូសឆាយដី ព្រៃលិចទឹក ដុតបំផ្លាញព្រៃលិចទឹក រំលោភយកដីប្រជាពលរដ្នដោយស៊ីសំណូក ទទួលសំណែនផ្អែមមាត់ផ្អែមករ រួចដោះស្រាយ ដោយយកដីប្រជាពលរដ្នដែលធ្លាប់ធ្វើស្រែអាស្រ័យផល ជាច្រើនឆ្នាំមកហើយនោះ ធ្វើប្លង់អោយទៅអ្នកមានលុយ ទុកអោយប្រជាពលរដ្ន ទ្រហរយំ ដោយគ្មានដីធ្វើស្រែ រហូតដីជាង២០០ហិចតានេះទៀតត្រូវប្រជាពលរដ្នថាបានឃុបឃិត តាំងអាជ្ញាធ័រស្រុក រហូតដល់អាជ្ញាធ័រមូលដ្នាន ត្រូវបានឈូសឆាយដោយគ្មានច្បាប់។
បើយោងការបកស្រាយរបស់លោក អ៊ឹម ថន អភិបាលស្រុកកំពង់ស្វាយ នៅក្នុងកិច្ចសម្ភាសបានឆ្លើយប្រាប់អ្នកសារពត័មានថា សុំរងចាំ និងទុកពេល បន្ដិចសិន លោកនិងសួរទៅលោកមេឃុំ នីពេជ្រ ព្រោះប្រហែលជាមានច្បាប់នៅនិង លោកមេឃុំហើយ បន្ទាប់មកក៏បានធ្វើកិច្ចសម្ភាសជាមួយលោក យស់ បញ្ញារិទ្ធ អភិបាលរង ស្រុកកំពង់ស្វាយ បានប្រាប់ថា ច្បាប់មាននៅលោកមេឃុំនីពេជ្រ ដូចការបកស្រាយរបស់លោក អ៊ឹម ថន ដែរ បន្ទាប់មកទៀតបានធ្វើកិច្ចសម្ភាសជាមួយលោក ឡេវ ហឿន ជាមេឃុំ នីពេជ្រ បានឆ្លើយថា រហូតមកដល់ពេលនេះលោកពុំទានមានលិខិត ឬច្បាប់១សន្លឹកនៅឡើយទេប៉ុន្ដែ តែដីព្រៃត្រូវបានឈូសឆាយ អស់ជិត២០០ហិចតាទៅហើយ ចាប់តាំងពី ខែ មិនា មកម្លេះរហូតមកដល់ពេលនេះ ហើយការឈូសឆាយ ដីត្រូវបានធ្វើសកម្មភាពនៅពេលយប់ ព្រោះពេលថ្ងៃពុំសូវហ៊ាន ធ្វើនោះទេ ទង្វើនេះត្រូវបានប្រជាពលរដ្នរឹះគន់ថា កំពុងឃុបឃឹត គ្នា រួចឆ្លើយដោះសារយករួចរៀងៗខ្លួន។
បើតាមការបកស្រាយរបស់លោកមេឃុំ នីពេជ្រ បានប្រាប់ថា ដីនោះជាដីដែលមានម្ចាស់ឈ្មោះ សាន ចំប៉ា រស់នៅភូមិសានគរ ឃុំសានគរ និង ឈ្មោះ កាវ ពេញ ហៅ ថូ រស់នៅភូមិបាគង់ ក្នុងឃុំត្បែង ជាមន្ដ្រីពេទ្យ ព្រមទាំងលោក ខា ផងដែរ។
លោក ថូបានប្រាប់អោយដឹងថាដីនេះបានទិញជាយូរណាស់មកហើយ តែពុំបានបញ្ចាក់ប្រាប់ថាអ្នកណាជាលក់អោយយនោះទេ ចំណែកលោកស្រី ចំប៉ា បានប្រាប់ថាដីនេះបានទិញពីលោកកែវ ម៉ូលី ហើយកែវម៉ូលីបានទិញពីអ្នកភូមិនីពេជ ចំណែក ចែចំប៉ាប្រាប់ថាបានកក់លុយគេៗក៏អោយគាត់ធ្វើ ដោយមានច្បាប់ឈូសឆាយ តែពេលដែលសម្ភាសអភិបាលស្រុកនិងអភិបាលរងស្រុក ព្រមទាំងលោកមេឃុំឆ្លើយថាគ្មានច្បាប់ទេ ក្រោយមកចែចំប៉ាប្រាប់ថាមិនបានដាក់ច្បាប់អោយមេឃុំទេគឺដាក់អោយស្រុក តែហេតុអីបានជាស្រុកថាមិនដឹង។
លោក ខា បានបញ្ចាក់ប្រាប់ដីរបស់ទិញពីប្រជាពលរដ្ន ៥០ហិចតា ដោយមានមេភូមិមេឃុំជាអ្នកសញ្ញេ បោះត្រា អោយ ចុះហេតុអ្វីបានជាមេឃុំឆ្លើយថាគ្មានច្បាប់នៅនិងដៃ៕ប៊ុន រិទ្ធី
