នៅថ្ងៃទី០៨ ខែឧសភា ឆ្នាំ២០១៥ កន្លងទៅនេះ ក្រសួងសេដ្ឋកិច្ច និងហិរញ្ញវត្ថុ និងគណះកម្មការមូលបត្រកម្ពុជា បានចេញសេចក្តីប្រកាសជូនដំណឹង ដល់សាធារណជន ឲ្យមានការប្រុងប្រយ័ត្ន ក្នុងការដាក់ប្រាក់សន្សំ រឺប្រាក់វិនិយោគ នៅក្នុងគំរោងវិនិយោគ របស់ក្រុមហ៊ុន EBC ដែលបានធ្វើឡើងតាមរយះ អង្គការ AIF និងសមាគម ICA ឬតាមរយះបណ្តាញតៗគ្នា ដែលជាសកម្មភាពខុសច្បាប់ទាំងនេះ ។
ករណីទាំងអស់នេះ ត្រូវបានប្រជាពលរដ្ឋមួយចំនួន និយាយថា ពួកគាត់មានការរព្រួយបារម្មណ៏យ៉ាងខ្លាំង ដោយប្រជាពលរដ្ឋ និងមន្ត្រីមួយចំនួន ខណៈខ្ចីលុយពីធនាគារ ដែលមានអត្រាការប្រាក់ទាប យកទៅវិនិយោគជាមួយអង្គការខាងលើ នៅពេលអនាគត ដោយពួកគាត់មានជំនឿទៅលើអង្គការខាងលើ ដែលបានពន្យល់ផ្សព្វផ្សាយពីផលចំណេញខ្ពស់ ធ្វើឲ្យពួកគាត់មួយចំនួន ត្រួវបង្ខំចិត្តលក់គោ លក់ដីស្រែ យកប្លង់ដី និងប្លង់ផ្ទះដាក់បញ្ចាំទៅធនាគារ និងគ្រឹះស្ថានមីក្រូហិរញ្ញវត្ថុមួយចំនួននៅក្នុងខេត្ត តែផ្ទុយទៅវិញ បើលទ្ធផលអវិជ្ជមានវិញនោះ ពួកគាត់និងវេទនាជាក់ជាមិនខាន ។
សូមរំលឹកថា កន្លងមកសារព័ត៏មានក្នុងស្រុក ធ្លាប់បានចុះផ្សាយអំពីក្តីបារម្ភ ប្រជាពលរដ្ឋក្នុងខេត្តកំពង់ឆ្នាំង ក៏ដូចជាប្រជាពលរដ្ឋទូទាំងក្នុងប្រទេស កំពុងតែមានការព្រួយបារម្ភយ៉ាងខ្លាំង និងមានការសង្ស័យ ទៅលើអង្គការមួយ ដែលមានឈ្មោះថា (អង្គការមូលនិធិអភិវឌ្ឍន៏អាស៊ីអាគ្នេយ៏AIF) ដែលបានចុះផ្សព្វផ្សាយ នៅក្នុងស្រុកក្នុងខេត្តកំពង់ឆ្នាំង ក៏ដូចជាខេត្តផ្សេងៗមួយចំនួន នៅក្នុងប្រទេស ហើយបានប្រមូលលុយ ពីប្រជាពលរដ្ឋ ក្រោមរូបភាពវិនិយោគ ដោយដាក់លុយក្នុងអង្គការមួយនេះ ដោយតម្រូវក្នុង១កញ្ជាប់ គឺមានទឹកប្រាក់២០០០ដុល្លារ ដោយទទួលបានការប្រាក់ត្រឡប់មកវិញ គឺ២០០ដុល្លារជារៀងរាល់ខែដែលពីមុនក្នុង១កញ្ជាប់ មានទឹកប្រាក់តែ១០០០ដុល្លា ហើយទទួលបានការប្រាក់១០០ដុល្លារ ជារៀងរាល់ខែ ស្មើនឹងអត្រាការប្រាក់១០ភាគរយ ។
អង្គការខាងលើ សំអាងលើលិខិតអនុញ្ញាតផ្សព្វផ្សាយ ពីក្រសួងមហាផ្ទៃ តាមលិខិតលេខ ១៧៩៣ ស.ជ.ណ ចុះថ្ងៃទី២២ ខែវិច្ឆិកា ឆ្នាំ២០១៣ របស់ឯកឧត្តម ប៉ុល លឹម រដ្ឋលេខាធិការក្រសួងមហាផ្ទៃ, លិខិតអនុញ្ញាតផ្សព្វផ្សាយលេខ៧៩២ ស.ជ.ណ ចុះថ្ងៃទី០២ ខែកញ្ញា ឆ្នាំ២០១៤ របស់ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង ៕
